ಅರಿವಿನ ಅಲೆಗಳು

ನಿಮ್ಮ ಲೇಖನಗಳನ್ನು [email protected] ಗೆ ಕಳುಹಿಸಿ
Navigation Menu

೨೦೧೩ ಗಣರಾಜ್ಯೋತ್ಸವ – ಅರಿವಿನ ಅಲೆಗಳು – ಮುಕ್ತಾಯ

ಪ್ರಕಟಿಸಿದ್ದು ದಿನಾಂಕ Jan 18, 2013 ವಿಭಾಗ 2013, ale3 | 0 ಪ್ರತಿಕ್ರಿಯೆಗಳು

ಸಹೃದಯ ಓದುಗರೆ,

ಜನವರಿ ೨೬, ೨೦೧೩ ರಿಂದ ಪ್ರಾರಂಭಗೊಂಡು ಇದುವರೆಗೂ, ೧೩ ‘ಅರಿವಿನ ಅಲೆ’ಗಳನ್ನು ಹಲವು ಬರಹಗಾರರಿಂದ ಪಡೆದು, ಪರಿಷ್ಕರಿಸಿ ನಿಮ್ಮ ಮುಂದೆ ಇಟ್ಟಿರುತ್ತೇವೆ. ಇವುಗಳನ್ನು ಓದಿದ ಮೇಲೆ ತಮಗೆ ಲೋಪದೋಷಗಳೇನಾದರೂ ಕಂಡುಬಂದಲ್ಲಿ, ದಯವಿಟ್ಟು ಆಯಾ ಅಲೆಗಳ ಅಡಿಯಲ್ಲಿ ತಪ್ಪದೇ ಪ್ರತಿಕ್ರಿಯಿಸಿ. ಅನಿಲ್ ರಮೇಶ್ ಅವರ ‘ಪಕ್ಷಿ ವೀಕ್ಷಣೆ’ ಬರಹದಿಂದ ಪ್ರಾರಂಭವಾದ ಈ ಸಂಚಿಕೆಯು, ಮುರಳಿ ಎಚ್. ಆರ್. ಅವರ ‘ಕರ್ನಾಟಕ ಸೈಕಲ್ ರಿಪಬ್ಲಿಕ್’ ಎಂಬ ಸರಣಿಯೊಂದಿಗೆ ಮುಕ್ತಾಯಗೊಳ್ಳುತ್ತಿದೆ. ಈ ಸಂಚಿಕೆಯ E-book ಪ್ರತಿಯನ್ನು ಸದ್ಯದಲ್ಲಿಯೇ ತಯಾರಿಸಿ, ಸಂಚಯ ತಾಣದಲ್ಲಿಯೇ ಪ್ರಕಟಿಸಲಾಗುತ್ತದೆ. ದಯವಿಟ್ಟು ನಿರೀಕ್ಷಿಸಿ.

ಸಂಚಯದ ‘೨೦೧೩ ಗಣರಾಜ್ಯೋತ್ಸವ’ ಸಂಚಿಕೆಯನ್ನು ತಮ್ಮ ಬರಹಗಳ ಮೂಲಕ ಯಶಸ್ವಿಗೊಳಿಸಿದ ಸಮಸ್ತ ಬರಹಗಾರರಿಗೂ, ಸಂಚಯ ತಂಡ ಹೃತ್ಪೂರ್ವಕ ಅಭಿನಂದನೆಗಳನ್ನು ಸಲ್ಲಿಸುತ್ತದೆ ಹಾಗೆಯೇ, ಮುಂಬರುವ ಸಂಚಿಕೆಗಳಲ್ಲಿಯೂ ಸಹ ತಮ್ಮ ಮತ್ತಷ್ಟು ಬರಹಗಳು ಎಲ್ಲರಿಗೂ ಸಿಗಲಿ ಎಂದು ಆಶಿಸುತ್ತದೆ. ಓದುಗ ವೃಂದವೂ ಸಹ ಮುಂದಿನ ಸಂಚಿಕೆಯಲ್ಲಿ ತಮ್ಮ ಬರಹವನ್ನು ನೀಡಿ, ಓದುಗರ ಜೊತೆ ಬರಹಗಾರರೂ ಆಗುತ್ತೀರೆಂದು ನಂಬಿರುತ್ತೇವೆ.

ಇಂತಿ, ಸಂಚಯ ತಂಡ

ಮುಂದೆ ಓದಿ

ಗಣರಾಜ್ಯೋತ್ಸವ – ಅಲೆ ೧೩ – ಕರ್ನಾಟಕ ಸೈಕಲ್ ರಿಪಬ್ಲಿಕ್ – ಭಾಗ ೩

ಪ್ರಕಟಿಸಿದ್ದು ದಿನಾಂಕ Jan 17, 2013 ವಿಭಾಗ 2013, ale3 | 0 ಪ್ರತಿಕ್ರಿಯೆಗಳು

ಸಮುದಾಯ ಸೈಕಲ್ ವ್ಯವಸ್ಥೆ

ಈಗ ಯೂರೋಪಿಯನ್ ದೇಶಗಳಲ್ಲಿ ಸೈಕಲ್ ಸುಲಭವಾಗಿ ಕೈ ಎಟಕುವಂತೆ ಸಾರ್ವಜನಿಕ ಸ್ಥಳಗಳಲ್ಲಿ ಸಾರ್ವಜನಿಕ ಸೈಕಲ್ ಗಳನ್ನು ನಿಲ್ಲಿಸಿರುತ್ತಾರೆ. ಸೈಕಲ್ ಬಳಸಲು ಅಪೇಕ್ಷಿಸುವರು ಮುಂಚೆಯೆ ನೊಂದಾಯಿಸಿಕೊಂಡಿರುತ್ತಾರೆ. ನೊಂದಾಣಿಕೆಯ ಜೊತೆಗೆ ಅವರಿಗೆ ಒಂದು ಕಾರ್ಡ್ ಸಿಗುತ್ತದೆ.ಆ ಕಾರ್ಡ್ ಮೂಲಕ ಅವರು ಸೈಕಲ್ ಬಾಡಿಗೆಗೆ ತೆಗೆದುಕೊಳ್ಳುತ್ತಾರೆ , ಹಾಗೆಯೇ ಮತ್ತೆ ಸೈಕಲ್ ಹಿಂದಿರುಗಿಸುತ್ತಾರೆ. ಅಲ್ಲಿಯ ತಂತ್ರಾಂಶ ಅವರು ಬಳಸಿದ ಕಾಲಕ್ಕೆ ತಕ್ಕಂತೆ ಅವರ ಕಾರ್ಡ್ ನಿಂದ ಹಣವನ್ನು ಪಾವತಿ ಮಾಡಿಕೊಳ್ಳುತ್ತದೆ.

ಇಂತಹ ಯೋಜನೆ ಫಲಕಾರಿಯಾಗಿ ಈ ಊರುಗಳಲ್ಲಿ ಚಾಲನೆಯಲ್ಲಿದೆ:

೧) ವೆಲಿಬ್, ಪ್ಯಾರಿಸ್, ಫ್ರಾನ್ಸ್.

೨) ಬೈಸಿಂಗ್, ಬಾರ್ಸಿಲೋನಾ ಸ್ಪೇನ್.

ಈ ಯೋಜನೆಯಿಂದ ಸಮುದಾಯಕ್ಕಾಗುವ ಲಾಭ:

೧) ಹಿಂಸೆ ಮತ್ತು ಒತ್ತಡ ಕಡಿಮೆಯಾಗುವುದು: ಪಾಶ್ಚಾತ್ಯ ಜಗತ್ತಿನಿಂದ ಬಂದಿರುವ ಆಧುನಿಕ ಸಾರಿಗೆ ವ್ಯವಸ್ಥೆ ರಸ್ತೆಯನ್ನು ಬಿಸಿ ರಕ್ತದಲ್ಲಿ ತೋಯ್ದು ಹಿಂಸೆಯ ಪಥವನ್ನಾಗಿ ಪರಿವರ್ತಿಸಿದೆ.ನಿತ್ಯ ಲೆಕ್ಕ ವಿಲ್ಲದಷ್ಟು ಮಂದಿ ಸಾವನ್ನು ಹಿಂಸೆಯ ನೋವನ್ನು ಅನುಭವಿಸುತ್ತಾರೆ. ನಮ್ಮ ನಾಡಿನ ಚರಿತ್ರೆಯಲ್ಲಿ ಹಾಗೂ ನಮ್ಮ ನಾಡಿನ ಜನರ ಹೃದಯಾಂತರಂಗದಲ್ಲಿ ಅಹಿಂಸೆಯ ಸಂಸ್ಕೃತಿ ಬೆರೆತು ಹೋಗಿದೆ. ಇಂದು ಜಗತ್ತು ಹಿಂಸೆಯ ಬಲೆಯಲ್ಲಿ ಸಿಳುಕಿ ಛಿದ್ರ ಛಿದ್ರ ವಾಗಿರುವಾಗ ನಾವು ಕರುನಾಡಿನ ಮಕ್ಕಳು ಕೂಡಿ ಅಹಿಂಸೆಯ ಹೊಸ ಪಥದ ಸಂಶೋಧನೆ ಮಾಡ ಬೇಕಾಗಿದೆ.ಸೈಕಲ್ ಅಹಿಂಸೆಗೆ ಒಳ್ಳೆಯ ವಾಹನ.

೨) ಸರ್ಕಾರಕ್ಕೆ ಹಣದ ಉಳಿತಾಯ: ಹೆಚ್ಚು ಮಂದಿ ಸೈಕಲ್ ಬಳಸಿದಷ್ಟು ಹೆಚ್ಚು ಹೆಚ್ಚು ಹಣ ಅನಗತ್ಯ ಯೋಜನೆಗಳಿಗೆ ವ್ಯಯವಾಗುವುದು ನಿಲ್ಲುತ್ತದೆ.ಇದೇ ಹಣವನ್ನು ಸರ್ಕಾರ ಸದುಪಯೋಗ ಮಾಡಿ ಕೊಳ್ಳಬಹುದು.

೩) ಪರಿಸರ ಮಾಲಿನ್ಯವಂತೂ ತಾನೇ ತಾನಾಗಿ ನಿಂತು ಹೋಗುತ್ತದೆ.

೪) ನಗರದ ಜನ ಜೀವನದಲ್ಲಿ ಆರೋಗ್ಯ ನವೋಲ್ಲಾಸ ಮತ್ತು ಲವಲವಿಕೆ ಕುಣಿದಾಡುತ್ತಿರುತ್ತದೆ.

೫) ಎಲ್ಲಕ್ಕಿಂತಲೂ ಮಿಗಿಲಾಗಿ ನಮ್ಮ ಯೋಜನೆಯ ತಂತ್ರಾಂಶವನ್ನು ಮುಕ್ತವಾಗಿ ಎಲ್ಲರಿಗೂ ಲಭ್ಯವಾಗುವಂತೆ ನಾವು ಆಶ್ವಾಸನೆಯನ್ನು ನೀಡುತ್ತೇವೆ. ಇದರಿಂದ ಈ ಯೋಜನೆಯ ಲಾಭ ಕೇವಲ ಕನ್ನಡಿಗರಷ್ಟೇ ಅಲ್ಲದೇ ಇಡಿ ವಿಶ್ವದ ಸಮುದಾಯ ಪಡೆಯುತ್ತದೆ.

೬) ನಾಳೆ ಮೆಟ್ರೋ ಬೆಂಗಳೂರಿನಲ್ಲಿ ಬಂದ ನಂತರ ಮೆಟ್ರೋ ಸ್ಟೇಷನ್ ಗಳಲ್ಲಿ ವಾಹನಗಳನ್ನು ನಿಲ್ಲಿಸಲು ಸ್ಥಳದ ಒತ್ತಡವಿರುತ್ತದೆ ಎಂಬುದು ತಜ್ಞರ ಅಭಿಪ್ರಾಯ. ಆದರಿಂದ ಮೆಟ್ರೋ ಸ್ಟೇಷನ್ ತಲುಪಲು ಸೈಕಲ್ ಬಳಸಿದರೆ ಮೆಟ್ರೋ ಯೋಜನೆಗೆ ಈ ನಮ್ಮ ಯೋಜನೆ ಪೂರಕವಾಗುತ್ತದೆ.

ಈ ವ್ಯವಸ್ಥೆಯನ್ನು ನಾವು ಬೆಂಗಳೂರಿನ ಭಾರತೀಯ ವಿದ್ಯಾ‌ಸಂಸ್ಥೆಯಲ್ಲಿ ಮೊಟ್ಟ ಮೊದಲ ಬಾರಿಗೆ ಭಾರತದಲ್ಲಿ ಕ್ಯಾಂಪಸ್ ಸೈಕಲ್ ಬಾಡಿಗೆ ಕಾರ್ಯಕ್ರಮವನ್ನು ಪ್ರಾರಂಭಿಸಿದ್ದೇವೆ ಎಂದು ಹೇಳುವುದಕ್ಕೆ ಹೆಮ್ಮೆ ಪಡುತ್ತೇನೆ. ಇಲ್ಲಿಯವರೆಗೂ ಸುಮಾರು 2000 ಯಾತ್ರೆಗಳು ಮುಗಿದ ಈ‌ ಕಾರ್ಯಕ್ರಮ ಮುಕ್ತ ತಂತ್ರಾಂಶದ ಮೇಲೆ ಚಲಿಸುತ್ತದೆ. ಗುಬ್ಬಿ ಲ್ಯಾಬ್ಸ್ ಕೊಟ್ಟಿರುವ ‘ECBike ‘ತಂತ್ರಾಂಶದಿಂದ ಸೈಕಲ್ ಬಾಡಿಗೆಗೆ ತೆಗೆದುಕೊಳ್ಳುವುದರ ಜೊತೆಗೆ ಪರಿಪೂರ್ಣ ಸೈಕಲ್ ಬಾಡಿಗೆಗೆ ಕೊಡುವ ಕ್ರಿಯೆಯನ್ನು ವೆಬ್ ಮೂಲಕ ನೋಡುವ ವ್ಯವಸ್ಥೆ ಕೂಡ ಇದೆ. ಈ ಯೋಜನೆಯನ್ನು ಕರ್ನಾಟಕದ ಇತರೆ ನಗರಗಳಲ್ಲಿ ಹಾಕುವ ಪ್ರಯತ್ನ ಈ ವರ್ಷ ಮಾಡುತ್ತಿದ್ದೇವೆ. ನಿಮಗೆ ನಿಮ್ಮ ಊರಲ್ಲಿ ಈ ವ್ಯವಸ್ಥೆಯನ್ನು ಹಾಕಿಸಬೇಕು ಅಂತಾ‌ ಇದ್ದರೆ ನನ್ನನ್ನು ಸಂಪರ್ಕಿಸಿ.

ಇದರ ಸಂಕ್ಷಿಪ್ತ ಚಿತ್ರಣವನ್ನು ಕೆಳಗೆ ಕೊಟ್ಟಿರುವೆ.

 

ಸೈಕಲ್ ಪ್ರವಾಸೋದ್ಯಮ

ಸೈಕಲ್ ಪ್ರವಾಸೋದ್ಯಮ ಪಾಶ್ಚಾತ್ಯ ದೇಶಗಳಲ್ಲಿ ಒಂದು ಬೃಹತ್ ಉದ್ಯಮವಾಗಿ ಬೆಳೆದಿದೆ. ನಾನು ಪ್ಯಾರಿಸ್ ಗೆ ಭೇಟಿಯಿತ್ತಾಗ ಸುಲಭವಾಗಿ ಸೈಕಲ್ ಬಾಡಿಗೆಗೆ ತೆಗೆದು ಊರೆಲ್ಲಾ‌ ಅಡ್ಡಾಡುವ ಸುವರ್ಣಾವಕಾಶ ನನಗೆ ಲಭಿಸಿತು. ಯುರೋಪಿನ ನದಿಗಳ ಪಕ್ಕದಲ್ಲಿ ತುಳಿಯುವುದಕ್ಕೆ ಸೈಕಲ್ ಟ್ರಾಕ್ ವಿಶೇಷವಾಗಿ ಕಲ್ಪಿಸಿರುತ್ತಾರೆ. ವನ್ಯಜೀವಿಗಳಿರುವ ಕಾಡಿನಲ್ಲಿ ಕೂಡ ಸೈಕಲ್ ಟ್ರಾಕ್ ನಿರ್ಮಾಣ ಮಾಡಿರುತ್ತಾರೆ. ಪರಿಣಾಮದಲ್ಲಿ ಕೆಲವು ಚಿತ್ರಗಳು ಪದಗಳಿಗಿಂತಲೂ ಹೆಚ್ಚು ಶಕ್ತಿಶಾಲಿಯಾಗಿರುತ್ತವೆ. ಅಂತಹ ಚಿತ್ರಗಳನ್ನು ಇಲ್ಲಿ ಪ್ರಸ್ತುತ ಪಡಿಸಿದ್ದೇನೆ.

 

 

ನಮ್ಮ ರಾಜ್ಯದಲ್ಲಿ ಸೈಕಲ್ ಪ್ರವಾಸೋದ್ಯಮದ ಮೈಸೂರಿನ ‘ ಮೈ ಸೈಕಲ್ ‘ ಅಮೇರಿಕದವರೊಬ್ಬರು ಪ್ರಾರಂಭಿಸಿರುತ್ತಾರೆ. ಸೈಕಲ್ ಪ್ರವಾಸೋದ್ಯಮವನ್ನು ಹಳೇಬೀಡು-ಬೇಲೂರು, ಐಹೊಳೆ-ಬಾದಾಮಿ, ಹಂಪಿ-ಚಿತ್ರದುರ್ಗದಲ್ಲಿ ದೊಡ್ಡ ಪ್ರಮಾಣದಲ್ಲಿ ಕೈಗೆತ್ತಿಕೊಂಡರೆ ಸಾವಿರರು ಕೆಲಸಗಳು ಉತ್ಪತ್ತಿಯಾಗುತ್ತವೆ. ಅಲ್ಲದೆ ನಮ್ಮ ನಾಡಿನ ಐತಿಹಾಸಿಕ ಮತ್ತು ಸಾಂಸ್ಕೃತಿಕ ಪರಂಪರೆಯ ಪರಿಚಯ ವಿಭಿನ್ನ ರೀತಿಯಲ್ಲಿ ಪರಿಚಯಿಸುತ್ತಾ‌ ನಮ್ಮ ಹೆಮ್ಮೆಯ ಚಾರಿತ್ರೆಯನ್ನು ಜಗತ್ತಿಗೆ ಎತ್ತಿ ತೋರಿದಂತಾಗುತ್ತದೆ. ಅದಲ್ಲದೆ ಸೈಕಲ್ ಪ್ರವಾಸೋದ್ಯಮ ಶಬ್ದ ಮಾಲಿನ್ಯವನ್ನಾಗಲಿ ಅಥವಾ ವಾಯು ಮಾಲಿನ್ಯವನ್ನಾಗಲಿ ಸೃಷ್ಠಿ ಮಾಡುವುದಿಲ್ಲಾ. ಇದರಿಂದ ನಮ್ಮ ಸ್ಮಾರಕಗಳು ಸುರಕ್ಷಿತವಾಗಿರುತ್ತವೆ.

ಸೈಕಲ್ ಪ್ರವಾಸೋದ್ಯಮದ ಮತ್ತೊಂದು ಆಯಾಮವೆಂದರೆ ವಿಶ್ವ ಸೈಕಲ್ ಪರ್ಯಾಟನೆ. ಸೈಕಲ್ ಕೆಲಸವನ್ನು ಕೈಗೆತ್ತಿಕೊಂಡಾಗಿನಿಂದ ಹಲವಾರು ಮಂದಿ ವಿಶ್ವವನ್ನೇ ಸೈಕಲ್ ಮೇಲೇ ಪರ್ಯಟನೆಯನ್ನು ಮಾಡಿರುವವದರ ಅರಿವು ಮತ್ತು ಅವರ ನೇರ ಸಂಪರ್ಕವು ಆಗಿದೆ. ಕೆಲವರಂತು ಒಬ್ಬೊಬ್ಬರೆ ವಿಶ್ವವನ್ನೇ ಸೈಕಲ್ ಮೇಲೆ ಸುತ್ತಿದ್ದಾರೆ. ಇವರೆಲ್ಲಾ ನಮ್ಮ ದೇಶ ಮತ್ತು ಜನರ ಬದುಕಿನ ರೀತಿ ಮತ್ತು ನಮ್ಮ ನಂಬಿಕೆಯ ಬಗ್ಗೆ ತಮ್ಮ ಊರಿನಲ್ಲಿ ತಮ್ಮವರ‌ ಮುಂದೆ ವರದಿಯನ್ನು ಒಪ್ಪಿಸುತ್ತಾರೆ. ನಮ್ಮ ದೇಶಕ್ಕೆ ಇದರಿಂದ ಹೊರಗಿನ ಜನರ ಜೊತೆ ಮೈತ್ರಿಯನ್ನು ಸಾಧಿಸುವುದಕ್ಕೆ ಅನುಕೂಲವಾಗುತ್ತದೆ. ಈ ಎರಡು ವರ್ಗದವರಿಗೆ ಸೈಕಲ್ ಪ್ರವಾಸೋದ್ಯಮಕ್ಕೆ ಬೇಕಾದ ಅನುಕೂಲತೆಗಳನ್ನು ಮಾಡುವ ನಿಟ್ಟಿನಲ್ಲಿ ಯೋಚನೆ ಮಾಡ ಬೇಕಾಗಿದೆ.

ಕೆಲವು ಗುಂಪುಗಳು ಯುವಕರನ್ನು ಸೈಕಲ್ ಯಾತ್ರೆಗೆ ಕೊಡಗು ಮತ್ತಿತ್ತರೆ ವನ್ಯ ಪ್ರದೇಶಕ್ಕೆ ಕೊಂಡಯ್ಯುತ್ತಾರೆ. ನಾವೆ ಆಯೋಜಿಸುವ ಟೂರ್ ಆಫ್ ನಿಲ್ಗಿರಿಸ್ ಭಾರತದ ಪ್ರಮುಖ ಸೈಕಲ್ ಟೂರ್. ಈ ಯಾತ್ರೆಯಲ್ಲಿ ಭಾಗವಹಿಸಲು ಅಮೇರಿಕಾ, ಯುರೋಪ್ ದೇಶದಿಂದ ಹಲವಾರು ಜನ ಬರುತ್ತಾರೆ. ಅವರಿಗೆ ಕೇವಲ ಇಪ್ಪತ್ತೈದು ಸಾವಿರಕ್ಕೆ ಮೂರು ರಾಜ್ಯಗಳಾದ ತಮಿಳುನಾಡೂ, ಕರ್ನಾಟಕ, ಕೇರಳದ ಕಾಡು ಪ್ರದೇಶವನ್ನು ತೋರಿಸುತ್ತೇವೆ. ನಮ್ಮ ನಾಡಿನ ಎಷ್ಟೋ ರೋಚಕ ಜಾಗಗಳನ್ನು ಹಾದಿಯಲ್ಲಿ ನೋಡುತ್ತಾ ಸಾಗುವುದು ಅವರಿಗೆ ನಿಜಕ್ಕೂ ಸೋಜಿಗವೆನ್ನಿಸುತ್ತದೆ.

ಸೈಕಲ್ ರೇಸಿಂಗ್

ಒಲಂಪಿಕ್ಸ್ ಮತ್ತು ಪ್ರಾನ್ಸ್ ದೇಶದಲ್ಲಿ ನಡೆಯುವ ‘ಟೂರ್ ಡೇ ಫ್ರಾನ್ಸ್’ ನಂತಹ ಸೈಕಲ್ ರೇಸಿಂಗ್ ಪಂದ್ಯಾವಳಿಗಳು ಸೈಕಲ್ ಗೆ ಒಂದು ಘನತೆಯನ್ನು ಮತ್ತು ಗಾಂಭೀರ್ಯವನ್ನು ತಂದು ಕೊಟ್ಟಿದೆ. ಈ ರೇಸ್ ಗಳು ನಡೆಯದಿದ್ದರೆ, ನಮ್ಮ ದೇಶದಲ್ಲಿ ಇರುವ ಅಟ್ಲಾಸ್ ಸೈಕಲ್ ನಂತೆ ಸೈಕಲ್ ತಾಂತ್ರಿಕವಾಗಿ ಅಭಿವೃಧ್ಧಿಯಾಗದೆ ಕೊಳೆತು ಮೂಲೆಗುಂಪಾಗುವ ಸಂಭವವಿತ್ತು. ಸೈಕಲ್ ರೇಸಿಂಗ್ ಆರಂಭಿಸಿದ ಮೇಲೆ ಸೈಕಲ್ ಕಂಪನಿಗಳು ಸೈಕಲ್ ರೇಸ್ ಮಾಡುವ ತಂಡಗಳಿಗೆ ಪ್ರಾಯೋಜಕರಾಗಿ ಸೈಕಲ್ ಮಾರಾಟವನ್ನು ಹೆಚ್ಚಿಸಿಕೊಂಡರು.

ವಿಶ್ವದ ಅತೀ ದೊಡ್ಡ ಕ್ರೀಡೆಗಳಲ್ಲಿ ‘ಟೂರ್ ಡೇ ಫ್ರಾನ್ಸ್’ ಮೂರನೇ ಸ್ಥಾನವನ್ನು ಪಡೆದಿರುತ್ತದೆ. (ಮೊದಲನೇ ಸ್ಥಾನ ಒಲಂಪಿಕ್ಸ್, ಎರಡನೆ ಸ್ಥಾನ ಫುಟ್ ಬಾಲ್). ಈ‌ ರೇಸಿನ ಅಂಕಿ ಅಂಶಗಳನ್ನು ಪರಿಶಿಲಿಸೋಣವೆ.

೧) 21 ದಿನಗಳಲ್ಲಿ 3500 ಕಿಮಿ ದೂರ ಸಾಗಿ ಫ್ರಾನ್ಸ್ ದೇಶವನ್ನು ಜಗತ್ತಿಗೆ ತೋರಿಸುತ್ತದೆ.

೨) 20 ತಂಡಗಳು ಭಾಗವಹಿಸುತ್ತವೆ. ಒಂದೊಂದು ತಂಡದಲ್ಲಿ 9 ಸವಾರರಿರುತ್ತಾರೆ.

೩) 180 ದೇಶಗಳಲ್ಲಿ ಟಿವಿಯಲ್ಲಿ ನೇರ ಪ್ರಸಾರವಾಗುತ್ತದೆ.

೪) 76 ರೇಡಿಯೋ ಕೇಂದ್ರಗಳು ಕಮೆಂಟರಿಯನ್ನು ನೇರ ಪ್ರಸಾರ ಮಾಡುತ್ತಾರೆ.

೫) 1000 ಲಕ್ಷ ಯುರೋಗಳ ಬಡ್ಜೆಟ್.

ಹೀಗೆ ಒಂದು ಬೃಹತ್ ಮಟ್ಟದಲ್ಲಿ ಸೈಕಲ್ ರೇಸ್ ಆಯೋಜಿಸುವ ಫ್ರಾನ್ಸ್, ಸೈಕಲನ್ನು ಆ ದೇಶದ ಸಂಸ್ಕೃತಿಯ ಪ್ರತಿಬಿಂಬವನ್ನಾಗಿ ಬಹಳ ಸಫಲವನ್ನಾಗಿ ಮಾಡಿದೆ.

 

ನಮ್ಮ ರಾಜ್ಯದಲ್ಲಿ ಸೈಕಲ್ ರೇಸ್ ನಾವು ಕರ್ನಾಟಕ ಸರ್ಕಾರದೊಂದಿಗೆ ಕೈ ಜೋಡಿಸಿ ಮೈಸೂರು ದಸರೆಯಲ್ಲಿ ಆಯೋಜಿಸುತ್ತೇವೆ. ರಾಜ್ಯದ ಎಲ್ಲಾ‌ ಜಿಲ್ಲೆಗಳಿಂದ ನೂರಾರು ಜನ ಬಂದರು, ಬಿಜಾಪುರ ಮತ್ತು ಬಾಗಲಕೋಟೆಯಿಂದ ಹೆಚ್ಚು ಮಂದಿ ಸ್ಪರ್ಧಿಗಳಾಗಿ ಬರುತ್ತಾರೆ. ಸೈಕಲ್ ರೇಸಿಂಗ್ ಅವರಿಗೆ ಮುಂದೆ ರೈಲು ಇಲ್ಲಾಖೆಯಲ್ಲೋ ಅಥವಾ‌ ಮಿಲಿಟರಿಯಲ್ಲೋ ಕೆಲಸಗಿಟ್ಟಿಸಿಕೊಳ್ಳುವುದಕ್ಕೆ ಸುಲಭವದ ದಾರಿ. ರಾಷ್ಟ್ರ ಮಟ್ಟದಲ್ಲಿ ಒಂದೆರಡೂ ರೇಸ್ ಗೆದ್ದರೆ ಕೆಲಸ ಸುಲಭವಾಗಿ ಸಿಗುತ್ತದೆ. ಬಡತನದ ಬೆಗೆಯಿಂದ ತಪ್ಪಿಸಿಕೊಳ್ಳಲು ಸೈಕಲ್ ಕ್ರೀಡೆ ಸಲೀಸಾದ ಮಾರ್ಗ.

ಈ ಕ್ರೀಡೆಯನ್ನು ಮತ್ತಷ್ಟು ಪ್ರಚುರ ಪಡಿಸಲು ಕರ್ನಾಟಕ ರಾಜ್ಯದ ಪರಿಪೂರ್ಣ ಸಾಗುವ ಒಂದು ರೇಸ್ ಮಾಡಬೇಕೆಂಬುದು ನನ್ನ ಅಭಿಲಾಷೆ. ಇದರಿಂದ ಕರ್ನಾಟಕವನ್ನು ಜಗತ್ತಿಗೆ ಬಿಂಬಿಸಿದಂತಾಗುತ್ತದೆ. ಅದಲ್ಲದೆ ಸೈಕಲ್ ಮತ್ತಷ್ಟು ಜನಪ್ರಿಯವಾಗುತ್ತದೆ.

ಸೈಕಲ್ ಮತ್ತು ಮಾಲಿನ್ಯರಹಿತ, ಸುರಕ್ಷಿತ ಚಲನೆಯ ಬಗ್ಗೆ ಅರಿವನ್ನು ಮೂಡಿಸುವುದು.

ಸೈಕಲ್ ಬಗ್ಗೆ ಅರಿವು ಮೂಡಿಸುವ ಯೋಜನೆಗಳು ಸದ್ಯದಲ್ಲಿ ಸಣ್ಣ ಸಣ್ಣ ಮಟ್ಟದಲ್ಲಿ ಆಗಿದ್ದರು ಸಿನಿಮಾ ಮತ್ತು ದೂರದರ್ಶನದಲ್ಲಿ ಹೆಚ್ಚಾಗಿ ಅರಿವು ಮೂಡಿಸಬೇಕು. ಶಾಲ ಮತ್ತು ಕಾಲೇಜುಗಳಲ್ಲಿ ಸೈಕಲ್ ತಂಡಗಳನ್ನು ಮಾಡಿಕೊಂಡು ತಿಂಗಳಿಗೊಮ್ಮೆ ಎಲ್ಲರೂ ಸೈಕಲ್ ಮೇಲೆ ಒಟ್ಟಿಗೆ ಬರುವುದರಿಂದ ಒಗ್ಗಟ್ಟು ಮತ್ತು ಮಜ ಎರಡು ಒಟ್ಟಿಗೆ ಬರುತ್ತದೆ. ಸೈಕಲ್ ಬಗ್ಗೆ ಅರಿವು ಮೂಡಿಸುವಾಗ -ನಿತ್ಯ ಸೈಕಲ್ ತುಳಿಯುವುದರಿಂದ ಬೊಜ್ಜು ದೇಹವಾಗಲಿ , ಹೃದಯದ ವೀಕ್ ನೆಸ ಆಗಲಿ ಇರುವುದಿಲ್ಲಾ. ನಿತ್ಯ ಸೈಕಲ್ ತುಳಿದು ಕಚೇರಿಗಾಗಲಿ / ಆಫೀಸಿಗೆ ಹೋಗುವುದರಿಂದ ವ್ಯಾಯಾಮ ತಾನೇ ತಾನಾಗಿ ಆಗುತ್ತದೆ. ಸೈಕಲ್ ಸತತವಾಗಿ ತುಳಿಯುವುದರಿಂದ ಶ್ವಾಸ ಕೋಶದ capacity ಕೂಡ ಹೆಚ್ಚುತ್ತದೆ. ನಮ್ಮ ಇಂದ್ರಿಯಗಳು ಸೂಕ್ಷ್ಮ ವಾಗಿ ರುತ್ತವೆ. ಇಂತಹ ಒಳ್ಳೆಯ ಅಂಶಗಳನ್ನು ತಿಳಿಸುತ್ತಾ, ಸೈಕಲ್ ತುಳಿಯುವವರ ಬಗ್ಗೆ ಮತ್ತು ಅವರು ಮಾಡಿರುವ ಸಾಧನೆಗಳನ್ನು ಚಿತ್ರದ ಮೂಲಕ ತಿಳಿಸ ಬೇಕು.

ಈ ಸೂತ್ರಗಳನ್ನು ಒಳಗೊಂಡು ಸೈಕಲ್ ರಿಪಬ್ಲಿಕ್ ಮುಂದಿನ ಚುನಾವಣೆಯ ಸರ್ವಪಕ್ಷಗಳ ಪ್ರಣಾಳಿಕೆಯಲ್ಲಿ ಇರಲಿ. ಮತ್ತು ಕನ್ನಡ ಜನರ ಪ್ರಾಣವಾಗಿ ಸಂಚರಿಸುವ ನನ್ನ ಪ್ರಾಣ ದೇವ ಆಂಜನೇಯ ಸರ್ವಜನರಿಗೂ‌ ವಾಯುವಿನಲ್ಲಿ ಭಕ್ತಿಯುಂಟಾಗುವ ಹಾಗೆ ಮಾಡಲಿ. ವಾಯುವಿಗೆ ಮಾಲಿನ್ಯವಿಲ್ಲದಿದ್ದರೂ ಮನುಷ್ಯ ವಾಯುವಿನ ಮೇಲೆ ತನ್ನ ಕರ್ಮದ ಫಲವಾದ ಹೊಗೆಯನ್ನು ಆರೋಪಿಸಿ ವಾಯು ಮಾಲಿನ್ಯಯೆನ್ನುವ ಬದಲಿ , ವಾಯು ಜೀವೋತ್ತಮ – ಸೈಕಲ್ ಸರ್ವೋತ್ತಮ ಯಾಕೆ ಅನ್ನಬಾರದು?

ಲೇಖಕ: ಮುರಳಿ ಎಚ್. ಆರ್.

ಪರಿಸರ ಪ್ರೇಮಿ, ಸೈಕಲ್ ಚಾಲಕ ಹಾಗೂ ಸೈಕಲ್ ಚಾಲನೆಯ ಮಹತ್ವಗಳ ಪ್ರಚಾರಕ. ಸೈಕಲ್ ಪ್ರವಾಸೋದ್ಯಮವನ್ನು ಬಲಪಡಿಸಬೇಕು ಎಂಬುದು ಮುರಳಿ ಅವರ ಹೊಸ ಕನಸು. ಬಿಎಂಟಿಸಿ ಜತೆ ಕೈ ಜೋಡಿಸಿ ಎಲ್ಲಾ ಟಿಟಿಎಂಸಿಗಳಲ್ಲಿ ಸೈಕಲ್ ಬಸ್‌ಗಳನ್ನು ರೂಪಿಸುವ ಕುರಿತು ಮಾತುಕತೆ ನಡೆಸಿದ್ದಾರೆ. ಇದಲ್ಲದೆ ಸೈಕಲ್ ಆರ್ಥಿಕತೆ ಕುರಿತು ಗುಬ್ಬಿ ಲ್ಯಾಬ್ಸ್ ಜತೆಗೂಡಿ ಸಂಶೋಧನೆಯಲ್ಲಿ ತೊಡಗಿದ್ದಾರೆ. ಹಣಕಾಸು ವ್ಯವಸ್ಥೆಗೆ ಸೈಕಲ್‌ಗಳು ಹೇಗೆ ನೆರವಾಗಿವೆ ಎಂಬುದನ್ನು ತಿಳಿಸುವುದು ಸಂಶೋಧನೆಯ ಉದ್ದೇಶ. ದಿನಪತ್ರಿಕೆ ಮಾರುವವರು, ಕೊರಿಯರ್ ಸಂಸ್ಥೆಗಳು, ಹಾಲು ಮಾರಾಟಗಾರರು ಇತ್ಯಾದಿ ಸಮುದಾಯಗಳ ಸೈಕಲ್ ಬಳಕೆ ಹಾಗೂ ಅದರ ಆರ್ಥಿಕ ಲಾಭಗಳನ್ನು ಸಂಶೋಧನೆಯಲ್ಲಿ ಅವಲೋಕಿಸಲಾಗುತ್ತಿದೆ.

ಮುಂದೆ ಓದಿ

ಗಣರಾಜ್ಯೋತ್ಸವ – ಅಲೆ ೧೩ – ಕರ್ನಾಟಕ ಸೈಕಲ್ ರಿಪಬ್ಲಿಕ್ – ಭಾಗ ೨

ಪ್ರಕಟಿಸಿದ್ದು ದಿನಾಂಕ Jan 16, 2013 ವಿಭಾಗ 2013, ale3 | 0 ಪ್ರತಿಕ್ರಿಯೆಗಳು

ನಗರಗಳನ್ನು ಕಟ್ಟುವ ಪರಿ

ಮಹಾತ್ಮ ಗಾಂಧಿಯವರು ಹಳ್ಳಿಗಳೆ ನಮ್ಮ ರಾಷ್ಟ್ರದ ಜೀವಾಳ ಎಂದು ಗ್ರಾಮ ಜೀವನವನ್ನು ಎತ್ತಿ ಹಿಡಿದು ವಿಶ್ವಕ್ಕೆ ಮಾದರಿ ಎಂದು ಸಾರಿದರು. ಆದರೆ ಭಾರತ ದೇಶದ ಸ್ವಾತಂತ್ರ್ಯ ಬಂದ ನಂತರ ಹಳ್ಳಿಗಳ ಜೀವನ ಮತ್ತು ಗ್ರಾಮೀಣ ಜೀವನ ವೈಖರಿಯನ್ನು ಕಡೆಗಣಿಸಲಾಯಿತು. ಹಳ್ಳಿಗಳಿಂದ ನಗರದತ್ತ ಒಲಸೆ ಬರುವ ಗುಂಪು ಹೆಚ್ಚುತ್ತಾ‌ ಹೋಗುತ್ತಿದೆ. ಎಲ್ಲರೂ ಬಯಸುವುದು ಎರಡು ತುತ್ತು ಊಟ, ರಾತ್ರಿ ಹೊತ್ತು ಮಲಗಲು ಒಂದು ಸೂರು, ಕೈಗೆ ಒಂದಿಷ್ಟು ದುಡ್ಡು ಕೊಡೂವ ಕೆಲಸ. ತೊಂಬತ್ತರ ದಶಕದಲ್ಲಿ ಪ್ರಾರಂಭಗೊಂಡ ಜಾಗತೀಕರಣದ ಪ್ರಕ್ರಿಯೆ ನಗರಕ್ಕೆ ವಲಸೆ ಬರುವವರ ಸಂಖ್ಯೆಯನ್ನು ಮತ್ತಷ್ಟು ಹೆಚ್ಚಿಸಿತು. ಈಗ ನಗರಕ್ಕೆ ಯಾವ ಪ್ರಮಾಣದಲ್ಲಿ ಜನ ವಲಸೆ ಬರುತ್ತಿದ್ದಾರೆ ಎನ್ನುವುದನ್ನು ನೋಡೋಣ. ಬೆಂಗಳೂರಿಗೆ ವಲಸೆ ಬಂದ ಮಂದಿಯ ಪೈಕಿ ಉತ್ತರ ಪ್ರದೇಶದಿಂದ ಈಶಾನ್ಯ ಭಾರತದ ಅಸ್ಸಾಂ,ಮಣಿಪುರ ಮತ್ತು ಇತರೆ ರಾಜ್ಯಗಳ ಜನರು ಇದ್ದಾರೆ. ಬೃಹತ್ ಬೆಂಗಳುರು ನಗರ ಆಧಾರಿತ ಗಿರೀಶ್ ಕರ್ನಾಡರ ನಾಟಕ ‘ಬೆಂಗಳೂರು’ ಬಗ್ಗೆ ಬರೆಯುತ್ತಾ‌, ಜೋಗಿ ಹೀಗೆ ಬರೆದಿದ್ದಾರೆ , “ಮಹಾನಗರದ ಮಾಯೆ. ಬಯಕೆಗಳನ್ನು ಬೆಳೆಸುತ್ತಾ, ಆಮಿಷಗಳನ್ನು ತುಂಬುತ್ತಾ, ಮೋಹವನ್ನು ಮುಪ್ಪುರಿಗೊಳಿಸುತ್ತಾ, ಅಭಯವನ್ನು ನೀಡುತ್ತಾ, ಆತಂಕದಲ್ಲಿ ದೂಡುತ್ತಾ ಅದು ತನ್ನನ್ನು ತಾನು ಬದುಕಿಸಿಕೊಳ್ಳಲು ನೋಡುತ್ತದೆ.”

ನನಗೆ ಬೆಂಗಳೂರಿನ ಟ್ರಾಫಿಕ್ ಜಾಮ್ ನಲ್ಲಿ ನಿಂತಾಗಲೆಲ್ಲಾ‌ ಈ ಭಾವನೆ ಹೃದಯದಲ್ಲಿ ಮಿಡುಕಾಡುತ್ತಿರುತ್ತದೆ. ಆತಂಕ ಮತ್ತು ಆಮಿಷಗಳು ಬೃಹತ್ ನಗರಗಳ ಜೀವನಾಡಿ. ಅದರಿಂದ ನಾವು ನಗರಗಳನ್ನು ಕಟ್ಟುವ, ನಗರಗಳನ್ನು ಬೆಳೆಸುವ ಮತ್ತು ನಗರದಲ್ಲಿ ನಡೆಯುವ ಮಾನವ ಜೀವನದ ಕಲ್ಪನೆಯನ್ನು ಕುರಿತು ಜಿಜ್ಞಾಸೆಯನ್ನು ಬೆಳೆಸಿಕೊಳ್ಳದಿದ್ದರೆ ಇತ್ತ ನಗರದಲ್ಲಿ ಅಸ್ತಿತ್ತ್ವ ಕಳೆದುಕೊಂಡು ಅತ್ತ ಹಳ್ಳಿಗಳು ಆರ್ಥಿಕ ಬಿಕ್ಕಟಿನಿಂದ ಅಸ್ತಿಪಂಜರಗಳಾಗಿ ಬಿಟ್ಟಾಗ, ನೆಲೆಯಿದ್ದು ನೆಲೆ ಕಳೆದುಕೊಂಡ ,ದೇಹವಿದ್ದು ವಿದೇಹರಾಗಿ, ರೂಪವಿದ್ದು ಕುರೂಪಿಗಳಾಗಿ, ಹಣವಿದ್ದು ಭಿಕ್ಷುಕರಾಗಿ, ಪ್ರಜ್ಞೆಯಿದ್ದು ಮೂರ್ಛೆ ಹೋದಂತವರಾಗುತ್ತೇವೆ. ಸದ್ಯದ ನಗರಗಳನ್ನು ಕಟ್ಟುವ ಪರಿಯನ್ನು ನೋಡಿದಾಗ ಕಾಣುವುದಾದರೇನು – ದಿನ ನಿತ್ಯ ರಸ್ತೆ ಅಗೆಯುವುದು, ಗುಂಡಿ ತೋಡುವುದು, ಸಣ್ಣ್ ದಾದ ರಸ್ತೆಯಲ್ಲಿ ಇದ್ದಕಿದ್ದಂತೆ ಐದು ಸಾವಿರ ಅಪಾರ್ಟ್ ಮೆಂಟ್ ಎದ್ದು ಬಿಡುವುದು, ಬಡವರನ್ನು ಒಕ್ಕಲೆಬ್ಬಿಸಿ ಮಾಲ್ ಕಟ್ಟುವುದು – ಹೀಗೆ ಸರ್ಕಾರದ ಕ್ರಿಯೆಗಳನ್ನು, ವ್ಯಕ್ತಿಯ ವ್ಯಯಕ್ತಿಕ ಕರ್ಮ ಖಾಂಡವನ್ನು ಮತ್ತು ಖಾಸಗಿ ಕಂಪನಿಗಳ ಆಕಾಂಕ್ಷೆಗಳನ್ನು ಒಳಗೊಂಡ ಯೋಜನೆಗಳನ್ನು ಸಮಗ್ರವಾಗಿ ಅವಲೋಕಿಸಿದರೆ ಎಲ್ಲವೂ‌ ಒಟ್ಟಿನಲ್ಲಿ ನಗರವನ್ನು ಹರಿದರಿದು ಛಿದ್ರ ಛಿದ್ರವನ್ನಾಗಿ ಮಾಡುತ್ತಿರುವುದು ಗೋಚರವಾಗುತ್ತದೆ.

ಮಹಾತ್ಮ ಗಾಂಧಿಯವರು ಬಟ್ಟೆಯನ್ನು ನೂಲುವುದು, ಗಾಣದ ಎಣ್ಣೆ ತೆಗೆಯುವುದು, ಗುಡಿ ಕೈಗಾರಿಕೆ ಹೀಗೆ ಕೈ ಕಸುಬಿಗೆ ಪ್ರಾಧಾನ್ಯ ಕೊಡುವ ಗ್ರಾಮೀಣ ಜೀವನದ ವಕ್ತಾರರಾದರೆ, ಅಂಬೇಡ್ಕರ್ ಭಾರತೀಯ ಗ್ರಾಮೀಣ ಬದುಕು ದಲಿತರಿಗೆ ದುಸ್ತರವಾಗಿದೆ, ಹಳ್ಳಿಗಳು ಜಾತಿ ಪದ್ಧತಿಯ ಕೊಳಕು ಹೊತ್ತಿರುವ ತಿಪ್ಪೆ ಗುಂಡಿಯೆಂಬ ಭಾವನೆಯಿಂದ ವಿಪರೀತ ತಿರಸ್ಕಾರದಿಂದ ನೋಡಿದರು. ಅಂಬೇಡ್ಕರ್ ಹಳ್ಳಿಗಳನ್ನು ತೊರೆದು ದಲಿತರು ನಗರಗಳಿಗೆ ನುಗ್ಗಲು ಕರೆಯಿತ್ತರು. ಆದರೆ ಇಬ್ಬರು ಮುಂದೆ ಬರುವ ಪೀಳಿಗೆಗೆ ಭೂಮಿಯನ್ನು ಬಳಸುವ, ನೀರನ್ನು ಪ್ರೀತಿಸುವ ರೀತಿ, ವಾಯುವನ್ನು ತಿಳಿಯಾಗಿಸುವ ಕಲೆಯ ಬಗ್ಗೆ ಮಾತಾನ್ನಾಡಲಿಲ್ಲಾ. ಅದರಿಂದ ಭಾರತದ ಯಾವುದೇ ನಗರಕ್ಕೆ ಹೋದರು ಅಲ್ಲಿ ಕೆರೆಯಾಗಲಿ ಅಥವಾ‌ನದಿಯಾಗಲಿ ಇದ್ದರೆ ಅದು ಕೊಚ್ಚೆಯನ್ನು ಹೊತ್ತ ಚರಂಡಿಯಾಗಿರುತ್ತದೆ. ಯಮುನೆ, ಗಂಗೆಯರೆ ವಿಪರೀತ ಮಾಲಿನ್ಯಗೊಂಡಿರುವುದು.

ಹೀಗೆ ಗ್ರಾಮ ಬದುಕಿನ ಸರಳತೆಯು ಇಲ್ಲದೆ, ದೊಡ್ಡ ನಗರವನ್ನು ಕಟ್ಟುವ ಮತ್ತು ಅದನ್ನು ವ್ಯವಸ್ಥಿತವಾಗಿ ನಿರ್ವಹಿಸುವ ಕುಶಲತೆಯು ಇಲ್ಲದೆ ಕನ್ನಡ ನಾಡಿನ ಜನ ತ್ರಿಶಂಕು ಸ್ವರ್ಗ ವಾಸಿಗಳಾಗಿದ್ದೇವೆ. ಇತ್ತ ಮಹಾತ್ಮ ಗಾಂಧಿ ಮತ್ತು ಅಂಬೇಡ್ಕರ್ ಇಬ್ಬರ ವಾದಗಳನ್ನು ಜೊತೆ ಜೊತೆಗೆ ಸಂಯೋಜಿಸುವ ದಿಕ್ಕಿನಲ್ಲಿ ಸಣ್ಣ ಸಣ್ಣ ನಗರಗಳನ್ನು ಕಟ್ಟುವ ಆವಶ್ಯಕತೆ ಇಂದು ನಮಗಿದೆ.

ಮಹಾತ್ಮ ಗಾಂಧಿಯವರು ಬಯಸಿದಂತೆ ಸರಳತನವನ್ನು ಒಳಗೊಂಡು, ಅಂಬೇಡ್ಕರ್ ಬಯಸಿದಂತೆ ಅಸಮಾನಾತೆ ಮತ್ತು ಶೋಷಣೆಯನ್ನು ಮೀರಿದ ಜಾಗದ ಕಲ್ಪನೆ ನಾವು ಮಾಡಲೇ ಬೇಕು.ಇಂದಿನ ಗ್ರಾಮೀಣ ಜೀವನ ಮತ್ತು ನಗರ ಜೀವನ ಎರಡು ತಮ್ಮ ಹದವನ್ನು ಕಳೆದುಕೊಂಡಿವೆ. ಎರಡು ಜಾಗದಲ್ಲಿ ಮನುಷ್ಯ ತನ್ನನ್ನು ತಾನು ಕಳೆದುಕೊಂಡಂತೆ ಭಾಸವಾಗುತ್ತಿದೆ.

ನಾನು ಬೆಂಗಳೂರಿಗೆ ಹೊಸದಾಗಿ ಬಂದಾಗ ಬಸ್ಸ್ ಹತ್ತಿದ ಕೂಡಲೆ ಜಯನಗರ ಕಾಂಪ್ಲೆಕ್ಸ್ ಗೆ ಟಿಕೇಟ್ ಕೊಡೀ ಅಂತಿದ್ದರು. ಈ‌ ಕಾಂಪ್ಲೆಕ್ಸ್ ಅನ್ನುವ ಪದದ ಅರ್ಥ ತಿಳಿದುಕೊಳ್ಳುವುದಕ್ಕೆ, ಕಾಂಪ್ಲೆಕ್ಸ್ ಬಳಿ ಹೋಗಿ ನೋಡಿದೆ. ಕಾಂಪ್ಲೆಕ್ಸ್ ಅಂದರೆ ನೂರಾರು ಚಟುವಟಿಕೆಗಳು ನಡೆಯುವ ಕೇಂದ್ರ, ಇದು ಬಹು ಮಹಡಿ ಕಟ್ಟಡವನ್ನು ಒಳಗೊಂಡಿರುತ್ತದೆ. ಒಳಗೇನಿದೆ ಎನ್ನುವುದು ಹೊರಗಿನವರಿಗೆ ಸರಳವಾಗಿ ತಿಳಿಯುವುದಿಲ್ಲಾ. ಬೆಂಗಳುರಂತೂ ವಿಪರೀತ ‘ ಕಾಂಪ್ಲೆಕ್ಸ್ ಸಿಸ್ಟಮ್ ‘ . ನೀರಾಗಲಿ, ಬೆಂಕಿಯಾಗಲಿ, ಊಟವಾಗಲಿ ದುಡ್ಡೂ ತೆತ್ತು ಬೇರೆಲ್ಲಿಂದಲೋ ಧಿಮಾಕಿನಿಂದ ತರುವ ಈ ಊರಿಗೆ ಹಣವಿದ್ದರೆ ಎಲ್ಲವೂ ಸಲೀಸಾಗಿ ನಿಭಾಯಿಸಬಹುದೆಂಬ ಹಿರಿದಾದ ಭ್ರ್..ಮೆ..ಯಿದೆ. ನಗರಗಳು ದೊಡ್ಡದಾದಷ್ಟು ಕಾಂಪ್ಲೆಕ್ಸ್ ಆಗುತ್ತವೆ. ಕಾಂಪ್ಲೆಕ್ಸಿಟಿ ಅಥವಾ‌ ಸಂಕೀರ್ಣತೆ ಹೆಚ್ಚಾದಷ್ಟು ಮನುಷ್ಯನ ಆತ್ಮವನ್ನು ಬಂಧನದಲ್ಲಿಡುತ್ತವೆ. ನಗರಗಳು ಭಯವನ್ನು ಉತ್ಪತ್ತಿ ಮಾಡಿ ಮನುಷ್ಯನನ್ನು ಏಕಾಂಗಿ ಮಾಡುತ್ತವೆ. ಅದರಿಂದ ಮನುಷ್ಯ ಮನುಷ್ಯನನ್ನು ಹತ್ತಿರ ತರುವ, ಮಾನವ ಹೃದಯಗಳನ್ನು ಒಂದುಗೂಡಿಸುವ , ಮಾನವ ಕಿವಿಗಳಿಗೆ ಹಿತಕರಿಯಾದ ಸ್ಥಳಗಳನ್ನು ಸೃಷ್ಠಿಸ ಬೇಕು. ಯಾವಾಗ ಮನುಷ್ಯರು ಸಮಾಜ ಮತ್ತು ತನ್ನ ಸುತ್ತಲಿನ ಜಗತ್ತಿನಿಂದ ವಿಮುಖರಾಗದೆ ಅರಿವಿನಿಂದ ಬದುಕುತ್ತಾರೋ ಆಗ ಕಾಂಪ್ಲೆಕ್ಸಿಟಿಯು ಸಡಿಲಗೊಳ್ಳುತದೆ ಎಂದು ನಾನು ನಂಬಿದ್ದೇನೆ.

‘ಕಾರ್ಬನ್ ಮುಕ್ತ ‘ ನಗರಗಳು

ಯುರೋಪಿನ ಹಲವಾರು ನಗರಗಳು ‘ಕಾರ್ಬನ್ ಮುಕ್ತ ‘ ಯೋಜನೆಯನ್ನು ರೂಪಿಸಿಕೊಂಡು ಕಾರ್ಯತತ್ಪರರಾಗಿದ್ದಾರೆ. ಈ ನಗರಗಳಲ್ಲಿ ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ಚಲಿಸುವುದಕ್ಕೆ ಸೈಕಲ್ ಇದ್ದರೆ ಸಾಕು. ಕಚೇರಿ, ವಸತಿ, ಶಾಲೆ ಮತ್ತು ಆಸ್ಪತ್ರೆ ಮತ್ತು ಇತರೆ ಸೊಉಕರ್ಯಗಳು ಸಮಗ್ರವಾಗಿ ಪೂರ್ವದಲ್ಲಿ ನಿಗಧಿ ಪಡಿಸಿದ ಸ್ಥಳದಲ್ಲಿಯೆ ಕಟ್ಟುತ್ತಾರೆ. ಇದರಿಂದ ಊರನ್ನು ಕಟ್ಟಿದ ಮೇಲೆ ಹೆಚ್ಚಿನ ಬದಲಾವಣೆಗಳು ಇರುವುದಿಲ್ಲಾ. ನಮ್ಮಲ್ಲಿ ಸರ್ಕಾರಕ್ಕಾಗಲಿ ಅಥವಾ‌ ಇತರೆ ಖಾಸಗಿ ಸಂಸ್ಥೆಗಳಿಗಾಗಲಿ ಇಂತಹ ದೂರದೃಷ್ಠಿ ಇರುವುದಿಲ್ಲಾ. ಅದರಿಂದ ನಮ್ಮ ನಗರದ ಗುಣಮಟ್ಟ ತೀರಾ‌ ಕಳಪೆಯಾಗಿದೆ. ಒಳ್ಳೆಯ ರಸ್ತೆಯಾಗಲಿ ಅಷ್ಟೇಕೆ ರಡೆಯಲು ಒಳ್ಳಯ ಪುಟ್ ಪಾತ್ ಕೂಡ ಇರುವುದಿಲ್ಲ. ಆದರೆ ನಮ್ಮ ಪೂರ್ವಜರು ಕಟ್ಟಿದ ನಗರಗಳಲ್ಲಿ ಒಂದು ರೀತಿಯ ವ್ಯವಸ್ಥಿತವಾದ ಶಿಸ್ತು ಕಾಣಿಸುತ್ತದೆ. ಶ್ರೀ ರಂಗಂ ದೇವಸ್ಥಾನ ವಿಶ್ವದಲ್ಲಿಯೆ ದೊಡ್ಡ ಧಾರ್ಮಿಕ ‘ಕಾಂಪ್ಲೆಕ್ಸ್’. ಆ ಊರನ್ನು ಕಟ್ಟುವಾಗ ನೀರಿನ ಬಗ್ಗೆ ಮುಂಚಿತವಾಗಿಯೆ ಚಿಂತಿಸಿದ್ದರು.

ಕೆಲವು ದಿನಗಳ ಹಿಂದೆ ಗೋಕರ್ಣಕ್ಕೆ ಹೋಗಿದ್ದೆ. ‘ಕಾರ್ – ಮುಕ್ತ’ ನಗರದ ಕಲ್ಪನೆ ನನ್ನ ಮನಸ್ಸಿನಲ್ಲಿ ಇತ್ತು ಆದರೆ ಇಲ್ಲಿ ಅಂತಹ ಊರು ನನ್ನ ದೇಶದ ಹಿತ್ತಲಿನಲ್ಲಿಯೆ ಇರುವುದನ್ನು ಕಂಡು ಹಿಗ್ಗಿದೆ. ಸದ್ಯಕ್ಕೆ ಒಂದು ನಗರದ ನೀಲ ನಕ್ಷೆಯನ್ನು ಕೆಳಗೆ ಕೊಟ್ಟಿರುವೆನು. ಈ ನಗರ ಯುರೋಪಿನ ಡಚ್ ದೇಶದಲ್ಲಿದೆ. ಊರಿನ ಒಳಗಡೆ ಬಾರಿ ವಾಹನಗಳಿಗೆ ಮತ್ತು ವೇಗವಾಗಿ ಹೋಗುವ ವಾಹನಗಳ ಚಲನೆಯನ್ನು ನಿಷೇದಿಸಿದೆ. ಇನ್ನು ಹಲವಾರು ನಗರಗಳು ಸೈಕಲ್ ಸುಗಮವಾಗಿ ಚಲಿಸಲು ವಿವಿಧ ರೀತಿಯ ಸವಲತ್ತುಗಳನ್ನು ಒದಗಿಸಿರುತ್ತಾರೆ. ಈ ಕೆಲವು ಸವಲತ್ತುಗಳ ಚಿತ್ರಗಳನ್ನು ಇಲ್ಲಿ ಕೊಟ್ಟಿದ್ದೇನೆ. ಅದಲ್ಲದೇ ಯೂರೋಪಿಯನ್ ದೇಶಗಳು ಸೈಕಲ್ ಬಳಕೆಯನ್ನು ಎಷ್ಟರ ಮಟ್ಟಿಗೆ ಉತ್ತೇಜನ ನೀಡಿದೆ ಎನ್ನುವುದು ಕೆಳಗಿನ ಚಿತ್ರಗಳಿಂದ ಸಾಬೀತಾಗುತ್ತದೆ.

 

 

 

 

 

ಲೇಖಕ: ಮುರಳಿ ಎಚ್. ಆರ್.

ಪರಿಸರ ಪ್ರೇಮಿ, ಸೈಕಲ್ ಚಾಲಕ ಹಾಗೂ ಸೈಕಲ್ ಚಾಲನೆಯ ಮಹತ್ವಗಳ ಪ್ರಚಾರಕ. ಸೈಕಲ್ ಪ್ರವಾಸೋದ್ಯಮವನ್ನು ಬಲಪಡಿಸಬೇಕು ಎಂಬುದು ಮುರಳಿ ಅವರ ಹೊಸ ಕನಸು. ಬಿಎಂಟಿಸಿ ಜತೆ ಕೈ ಜೋಡಿಸಿ ಎಲ್ಲಾ ಟಿಟಿಎಂಸಿಗಳಲ್ಲಿ ಸೈಕಲ್ ಬಸ್‌ಗಳನ್ನು ರೂಪಿಸುವ ಕುರಿತು ಮಾತುಕತೆ ನಡೆಸಿದ್ದಾರೆ. ಇದಲ್ಲದೆ ಸೈಕಲ್ ಆರ್ಥಿಕತೆ ಕುರಿತು ಗುಬ್ಬಿ ಲ್ಯಾಬ್ಸ್ ಜತೆಗೂಡಿ ಸಂಶೋಧನೆಯಲ್ಲಿ ತೊಡಗಿದ್ದಾರೆ. ಹಣಕಾಸು ವ್ಯವಸ್ಥೆಗೆ ಸೈಕಲ್‌ಗಳು ಹೇಗೆ ನೆರವಾಗಿವೆ ಎಂಬುದನ್ನು ತಿಳಿಸುವುದು ಸಂಶೋಧನೆಯ ಉದ್ದೇಶ. ದಿನಪತ್ರಿಕೆ ಮಾರುವವರು, ಕೊರಿಯರ್ ಸಂಸ್ಥೆಗಳು, ಹಾಲು ಮಾರಾಟಗಾರರು ಇತ್ಯಾದಿ ಸಮುದಾಯಗಳ ಸೈಕಲ್ ಬಳಕೆ ಹಾಗೂ ಅದರ ಆರ್ಥಿಕ ಲಾಭಗಳನ್ನು ಸಂಶೋಧನೆಯಲ್ಲಿ ಅವಲೋಕಿಸಲಾಗುತ್ತಿದೆ.

ಮುಂದೆ ಓದಿ

ಗಣರಾಜ್ಯೋತ್ಸವ – ಅಲೆ ೧೩ – ಕರ್ನಾಟಕ ಸೈಕಲ್ ರಿಪಬ್ಲಿಕ್ – ಭಾಗ ೧

ಪ್ರಕಟಿಸಿದ್ದು ದಿನಾಂಕ Jan 15, 2013 ವಿಭಾಗ 2013, ale3 | 0 ಪ್ರತಿಕ್ರಿಯೆಗಳು

ಇದೇನಪ್ಪಾ‌ ನಾನೇನಾದರೂ ಯಡಿಯೂರಪ್ಪನವರ ಕರ್ನಾಟಕ ಜನತಾ ಪಕ್ಷ ಸೇರಿಕೊಂಡ್ ಬಿಟ್ಟೆ ಅನ್ನುವ ಅನುಮಾನವೇ‌? ಅಥವಾ‌ ಈ‌ ಬರವಣಿಗೆ ಕರ್ನಾಟಕ ಜನತಾ ಪಕ್ಷದ ಪ್ರಣಾಳಿಕೆ ಅನ್ನಿಸಿದ್ದರೆ ಕ್ಷಮಿಸಿ. ರಾಜಕೀಯ ಅಂದರೆ ಅಷ್ಟೇ ಜನರಿಗೆ ಸಿಂಬಲ್ಸ್ ತೋರಿಸಿ ಮೋಸ ಮಾಡೋದು. ಸೈಕಲ್ ಸಿಂಬಲ್ ತೋರಿಸಿದರೆ ಎಲ್ರೂ ಆ ಸಿಂಬಲ್ ಜೊತೆ ತಮ್ಮನ್ನು ತಾವು ಗುರುತಿಸಿಕೊಳ್ಳುತ್ತಾರೆ ಮತ್ತು ವೋಟ್ ಹಾಕ್ತಾರೆ ಅನ್ನುವುದು ರಾಜಕಾರಣಿಗಳ ಚಿಂತನೆ. ನನ್ನಗೆ ಸೈಕಲ್ ಸಿಂಬಲ್ ಅಲ್ಲಾ ಅದು ಒಂದು ತತ್ತ್ವ. ಈ ತತ್ತ್ವವನ್ನು ಯಾವ ರೀತಿ ಜನರಿಗೆ ತಲುಪಿಸಬೇಕು ಅನ್ನುವ ಬಗ್ಗೆ ಆಗಾಗ ಯೋಚನೆ ಮಾಡ್ತಾ ಕೈಗೆ ಬಂದದ್ದು ಗೀಚಿ ನನ್ನ ಚಪಲವನ್ನು ತೀರಿಸಿಕೊಳ್ಳುತ್ತೇನೆ.

ಈ ನನ್ನ ಲೇಖನ ಈ ಕರ್ನಾಟಕ ರಾಜ್ಯಕ್ಕೆ ಸಂಭಂದಿಸಿದ್ದು ಮತ್ತು ರಾಜ್ಯದ ಜನರು ತಾವು ಮುಂದೆ ಹೇಗೆ ಬದುಕ ಬೇಕು ಅನ್ನುವ ಬಗ್ಗೆ ಬೆಳಕು ಚೆಲ್ಲುವ ಯತ್ನವಷ್ಟೆ. ಸದ್ಯಕ್ಕೆ ಭಾರತೀಯ ವಿಜ್ಞಾನ ಸಂಸ್ಥೆಯಲ್ಲಿ ಸಮುದಾಯ ಸೈಕಲ್ ನಮ್ಮ ನಗರಗಳಲ್ಲಿ ಕಲ್ಪಿಸುವ ಬಗ್ಗೆ ಸಂಶೋಧನೆಯನ್ನು ನಾನು ಮಾಡ್ತಾಯಿದ್ದೇನೆ.ಈ ಸಂಶೋಧನೆ ಯಶಸ್ಸು ಕಾಣಬೇಕು ಅನ್ನುವ ಹಂಬಲ ನನ್ನದು.

ಈ‌ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿರುವುದರಿಂದ ಈ ವಿಜ್ಞಾನಿಗಳಿಂದ ಒಂದು ಕೆಟ್ಟ ಛಾಳಿ ನನ್ನ ತಲೆಗೆ ಅಂಟಿದೆ. ಏನಪ್ಪಾ‌ ಅದು ಛಾಳಿ? ಯಾವುದೇ ವಿಷಯವನ್ನು ಮಂಡಿಸಿದರೂ ಸಾಕ್ಷಿ ಆಧಾರ ಮತ್ತು ಅಂಕಿ ಅಂಶಗಳನ್ನು ಕೇಳುತ್ತಾರೆ ಮತ್ತು ಅದರ ಮೇಲೆ ವಾದ ವಿವಾದ ಮಾಡ್ತಾರೆ. ಈ‌ ಅಂಕಿ ಅಂಶದ ಜೊತೆಯಲ್ಲಿ ಬಣ್ಣ ಬಣ್ಣದ ಗ್ರಾಫ್ ಗಳನ್ನು ಒದಗಿಸಿದರೆ ತಲೆದೂಗಿ ಭೇಷ್ ಅನ್ನುತ್ತಾರೆ.

ಈ ನನ್ನ ಲೇಖನವನ್ನು ಚಿತ್ರ ಕತೆ ಅನ್ನುವ ಬದಲಿಗೆ ಚಾರ್ಟ್ ಚರಿತ್ರೆ ಅಂದರೆ ಸೂಕ್ತ. ಮೊದಲನೇ ಗ್ರಾಫ್ ನಮ್ಮ ರಾಜ್ಯದ ಜನ ಎಷ್ಟು ಪೆಟ್ರೋಲ್ ಮತ್ತು ಎಷ್ಟು ಡೀಸಲ್ ಕುಡಿಯುತ್ತಿದ್ದಾರೆ ಅನ್ನುವುದು ತೋರಿಸುತ್ತದೆ. ಅಂದರೆ ಸರಾ ಸರಿ ಒಬ್ಬೊಬ್ಬರು ……..ರಷ್ಟು ಲೀಟರ್ ಪೆಟ್ರೋಲ್ ಮತ್ತು ಡೀಸಲ್ ಕುಡಿದಿದ್ದಾರೆ ಎನ್ನಬಹುದು.

ಈ ಪೆಟ್ರೋಲ್ ಮತ್ತು ಡೀಸಲ್ ಅಮಲು ಜನರ ನೆತ್ತಿಗೇರಿ ಆಗಿರುವ ಅಪಘಾತಗಳ ಚಾರ್ಟ್ ನೋಡೋಣ.

ಮುಂದಿನ ಚಾರ್ಟ್ ಇಷ್ಟೊಂದು ಪೆಟ್ರೋಲ್ ಆಕಾಶದಿಂದ ಬರೋದಿಲ್ಲಾ. ನಾವು ಸಾಪ್ಟ್ ವೇರ್ ಕಂಪನಿಯವರು ಬೆವರು ಸುರಿಸಿ ಅಮೇರಿಕಾದಿಂದ ತಂದ ಡಾಲರ್ ಗಳನ್ನು ಅರಾಬ್ ದೇಶದವರಿಗೆ ಕೊಟ್ಟು ತರುತ್ತೇವೆ.ಹಾಗಿದ್ದರೆ ಈ‌ ಕಂಪನಿಗಳು ಎಷ್ಟು ಗಳಿಸುತ್ತಿವೆ ನೋಡೋಣವೆ.

ಈ ಕಂಪನಿಗಳು ಬಾರಿ ಮೊತ್ತದ ಹಣವನ್ನು ಗಳಿಸಿದ್ದಾರೆ. ಆದರೆ ಗಳಿಸಿದ 10% ನಾವು ತೈಲಕ್ಕಾಗಿ ತೇಲಿ ಬಿಡುತ್ತಿದ್ದೇವೆ. ಐ.ಟಿ ಕಂಪನಿಗಳು ಚಾಕರಿ ಮಾಡಿಸ್ಕೊಂಡೂ ಮನೆಗೆ ಕಳಿಸುವಷ್ಟರಲ್ಲಿ ಜೀವ ಕೈಗೆ ಬಂದಿರುತ್ತೆ. ಅದಲ್ಲದೇ ಮೈ ಕೈ ಗೆ ಅಷ್ಟು ತ್ರಾಸಾಗದೆ ಮೆದಳಿಗೆ ಮಾತ್ರ ಕೆಲಸ ಕೊಡುವ ಈ‌ ವೃತ್ತಿಯಿಂದ ದೇಹಕ್ಕೆ ವ್ಯಾಯಾಮ ಆಗುವುದಿಲ್ಲಾ. ಯಾವಾಗ ದೇಹದಲ್ಲಿ ಬೊಜ್ಜಿನ ಅಂಶ ಹೆಚ್ಚಾಗುತ್ತದೆಯೋ ದೇಹ ವಿಶೇಷವಾಗಿ ಡಯಾಬಿಟಿಸ್, ಹೃದಯಘಾತಕ್ಕೆ ಬಲಿಯಾಗುವ ಸಂಭವ ಹೆಚ್ಚು. ಹಾಗಿದ್ದರೆ ಈ ರೋಗ ಮತ್ತು ಅದಕ್ಕೆ ತಗಲುವ ಖರ್ಚಿನ ಚಾರ್ಟ್ ನೋಡೋಣವೆ.

ಕಂಪನಿಯಲ್ಲಿ ಕೆಲಸ ಮಾಡುವವರಿಗೆ ಸುಲಭವಾಗಿ ಕಾರ್ ಕೊಳ್ಳುವ ಸೊಉಲಭ್ಯವಿರುತ್ತದೆ. ಬೆಂಗಳೂರಿನಲ್ಲಿ ಕಾರ್ ಮತ್ತು ಆಟೋಮೋಬೈಲ್ ಗಳ ಬೆಳವಣಿಗೆಯ ಚಾರ್ಟ್ ನೋಡುವ. ಈ ಕಾರ್ ಗಳು ಆಕ್ರಮಿಸಿಕೊಳ್ಳುವ ಜಾಗದ ಬಗ್ಗೆ ಒಂದು ಚಾರ್ಟ್ ಕೆಳಗಿದೆ. ಅಂದರೆ ಸರಾ ಸರಿ ………….ರಷ್ಟು ಭೂಮಿ ನಮ್ಮ ಕಾರ್ ಗಳನ್ನು ನಿಲ್ಲಿಸುವುದಕ್ಕೆ ಸದುಪಯೋಗಗಳಿಸುತ್ತೇವೆ.

 

ಮೊನ್ನೆ ಮೊನ್ನೆ ಈಜೀಪುರದಿಂದ ಬಡಬಂಧುಗಳನ್ನು ಎತ್ತಂಗಡಿ ಮಾಡಿದ್ದು ಎಲ್ಲರಿಗೂ ತಿಳಿದ ವಿಷಯ. ಭೂಮಿಯನ್ನು ರಿಯಲ್ ಎಸ್ಟೇಟ್ ಆಗಿ ಪರಿವರ್ತಿಸಿ ನೆಲಕ್ಕೆ ವಿಪರೀತ ಬೆಲೆ ಕಟ್ಟಿ ಇಷ್ಟೋಂದು ಜಾಗವನ್ನು ಅನ್ಯಾಯವಾಗಿ ದುರುಪಯೋಗಗೊಳಿಸುತ್ತಿದ್ದಾನೆ ಮಾನವ. ಈ‌ ಪಾಟಿ ‘ಕಾರ್, ಕಾರ್, ‘ ಎಲ್ಲಿ ನೋಡಿದರು ಕಾರ್ ಅನ್ನುವ ಯುಗದಲ್ಲಿ ದೇವರು ನನಗೆ ಮಾತ್ರ ಸೈಕಲ್ ತುಳಿಯುವ ದುರ್ಬುಧ್ಧಿಯನ್ನು ಯಾಕೆ ಕೊಟ್ಟನೋ ?

ಈವತ್ತು ಭೂಮಿ ಜೊತೆ ಮಾನವನ ಸಂಪರ್ಕ ಕಡೆದು ಹೋಗಿದೆ. ಆಕಾಶದಲ್ಲಿ ಸ್ಯಾಟಿಲೈಟ್ ಗಳ ಜೊತೆ ಸಂಪರ್ಕ ಸಾಧಿಸುವ ಯತ್ನದಲ್ಲಿ ನೆಲೆ ಕಳ್ಕೊಂಡಿರುವ ಅತಿ ಬುದ್ಧಿವಂತ ಮಾನವನಿಗೆ ಮತ್ತೆ ಭೂಮಿಯ ಜೊತೆ ಸಂಪರ್ಕ ಸಾಧ್ಯವಾಗಬೇಕಾದರೆ ಊರು ಕೇರಿ ಚಿಕ್ಕದಾಗಿ ಚೊಕ್ಕವಾಗಿರ ಬೇಕು . ಯೂರೋಪ್ ಖಾಂಡದ ನಗರಗಳಿಗೆ ಅಲ್ಲಿಯ ಸರ್ಕಾರಗಳು ಕಾರ್ಬನ್ ಮುಕ್ತ ಅಂದರೆ ಆದಷ್ಟು ಸೈಕಲ್ ಅಥವಾ ಸಮುದಾಯ ಬಸ್ಸ್/ರೈಲು ಸಾರಿಗೆ ವ್ಯವಸ್ಥೆಯನ್ನು ಕಲ್ಪಿಸುವುದು. ಕಾರ್ ಪಾರ್ಕಿಂಗ್ ಜೊತೆ ಜೊತೆಗೆ ಅವುಗಳ ವೇಗಕ್ಕೂ ಕಡಿವಾಣ ಮತ್ತು ಅವು ಎಲ್ಲೆಂದರಲ್ಲಿ ಅಲ್ಲಿಗೆ ನುಗ್ಗುವ ಅವಕಾಶವಿರುವುದಿಲ್ಲಾ. ಒಟ್ಟಿನಲ್ಲಿ ನಗರಗಳು ಕಾರ್ಬನ್ ಮುಕ್ತ ನಗರಗಳಾಗಿರಬೇಕು. ಕಾರ್ ಕೇಂದ್ರಿಕೃತ ಊರಿನಲ್ಲಿ ಒಂದು ಕಡೆಯಿಂದ ಮತ್ತೊಂದು ಕಡೆಗೆ ಸಾಗುವ ಒತ್ತಡ ಮತ್ತು ಆವಶ್ಯಕತೆಯಲ್ಲಿ ಮಾನವ ಸಂಬಂಧದ ಕೊಂದಿ ಕಳಚಿ ಬಿದ್ದಿರುತ್ತದೆ. ನಗರಗಳ ಸಂಚಾರ ವ್ಯವಸ್ಥೆಯಲ್ಲಿ ‘ಸೈಕಲ್’ ಪ್ರಧಾನವಾಗಿಟ್ಟುಕೊಂಡು ಕಟ್ಟಿದಾಗ ಅಲ್ಲಿ ವಾಸ ಯೋಗ್ಯವಾಗಿರುವ ಪರಿಸರ ತಾನೇ ತಾನಾಗಿ ಸೃಷ್ಠಿಯಾಗುತ್ತದೆ. ಅದಲ್ಲದೇ ನಗರಗಳಲ್ಲಿ ಸಮಾನತೆ ಮತ್ತು ಸೊಉಹಾರ್ದತೆ ತಾನೇ ತಾನಾಗಿ ಮೂಡುತ್ತದೆ.

ಕರ್ನಾಟಕ ಸೈಕಲ್ ರಿಪಬ್ಲಿಕ್ ಹೇಗೆ ಆಗಬಹುದು ? ಇದಕ್ಕಾಗಿ ನಾನು ಆರು ಸೂತ್ರವನ್ನು ಮಂಡಿಸುತ್ತೇನೆ.
೧) ಒಂದು ಅತ್ಯಂತ ಚೇತನ ಶೀಲ ಸೈಕಲ್ ಉತ್ಪಾದಿಸುವ ಕಂಪನಿಗಳು.
೨) ಎರಡನೆಯದು ಸೈಕಲ್ ಸವಾರಿಗೆ ಬೇಕಿರುವ ಸುರಕ್ಷಿತ ಹಾದಿ ಎಲ್ಲಾ‌ ನಗರಗಳಲ್ಲಿ ಕಲ್ಪಿಸ ಬೇಕು.
೩) ‘ಸಮುದಾಯ ಸೈಕಲ್ ‘ ವ್ಯವಸ್ಥೆಯನ್ನು ನಮ್ಮ ಕರ್ನಾಟಕದ ಎಲ್ಲಾ‌ ನಗರಗಳಲ್ಲಿಯೂ ಸೃಷ್ಠಿಸುವುದು.
೪) ಸೈಕಲ್ ಪ್ರವಾಸೋದ್ಯಮವನ್ನು ಪೋಷಿಸುವುದು.
೫) ಸೈಕಲ್ ಕ್ರೀಡೆಗೆ ಪ್ರೋತ್ಸಾಹಿಸಲು ಸೂಕ್ತ ತರಬೇತಿಯೊಂದಿಗೆ ವ್ಯ್ವಸ್ಥೆಯನ್ನು ಮಾಡುವುದು.
೬) ಸೈಕಲ್ ಮತ್ತು ಮಾಲಿನ್ಯ ರಹಿತ , ಸುರಕ್ಷಿತ ಚಲನೆಯ ಬಗ್ಗೆ ಅರಿವನ್ನು ಮೂಡಿಸುವುದು.

ಈ‌ ಆರು ಸೂತ್ರಗಳನ್ನು ವಿವರವಾಗಿ ಕೆಳಗೆ ಓದಬಹುದು.

ಒಂದು ಅತ್ಯಂತ ಚೇತನಶೀಲ ಸೈಕಲ್ ಉತ್ಪಾದಿಸುವ ಕಂಪನಿ:

ನಮ್ಮ ನಾಡಿನಲ್ಲಿ ಕಬ್ಬಿಣದ ಅದಿರು ಸಾವಕಾಶವಾಗಿ ಸಿಗುತ್ತದೆ. ಈ ಅದಿರನ್ನು ನಾವು ಚೀನಾ ದೇಶಕ್ಕೆ ರಪ್ತು ಮಾಡುತ್ತೇವೆ. ಈ ರಪ್ತು ಮಾಡಿದವರನ್ನು ನಮ್ಮ ನಾಯಕರನ್ನಾಗಿ ನೇಮಕ ಮಾಡಿಕೊಳ್ಳುತ್ತೇವೆ. ಚೀನಾ ಮತ್ತು ಜಪಾನ್ ನಮ್ಮ ಅದಿರನ್ನು ಅತೀ ಕಡಿಮೆ ಬೆಲೆಯಲ್ಲಿ ಖರೀದಿಸಿ ‘ ಸ್ಟೀಲ್ ‘ ಮತ್ತು ‘ಸ್ಟೀಲ್ ಸಂಭಂದಿತ ವಸ್ತುಗಳನ್ನು ತಯಾರಿಸಿ ವಿಶ್ವ ಮಾರುಕಟ್ಟೆಗೆ ಕಳುಹಿಸುತ್ತಾರೆ. ಸಂತೋಷ್ ಹೆಗ್ಡೆಯವರ ವರದಿಯಂತೆ ನಮ್ಮ ಅದಿರಿನ ಉತ್ಪನ್ನ ಮತ್ತು ರಪ್ತು ಮಾಡೀರುವ ಅಂಶವನ್ನು ಇಲ್ಲಿ ಬರೆದಿದ್ದೇನೆ.

 

 

ಗಣಿ ಅವ್ಯಾವಹಾರದ ವರದಿಯನ್ನು ನೀವು ಓದಿದರೆ ತಿಳಿಯುತ್ತದೆ ನಾವು ನಮ್ಮ ಮೂಲ ಸಂಪನ್ಮೂಲಗಲನ್ನು ಎಷ್ಟು ಬೇಜವಾಬ್ದಾರಿಯಿಂದ ರಾಜಕಾರಣಿಗಳ ಲಾಭಕೋರತನಕ್ಕಾಗಿ ಧಾರೆಯೆರೆದಿದ್ದೇವೆ. ಮೂಲ ಸಂಪನ್ಮೂಲಗಳನ್ನು ಲಪಟಾಯಿಸುವವರನ್ನೇ ನಮ್ಮ ನಾಡಿನ ವಕ್ತಾರರನ್ನಾಗಿಯೂ ಮತ್ತು ನಾಯಕರನ್ನಾಗಿ ಮಾಡಿ, ಈ ನಾಲಾಯಕ್ ನಾಯಕರು ಮತ್ತೆ ಜನರನ್ನು ಶೋಷಿಸುವಂತಹ ಪರಮ ಭ್ರಷ್ಟ ರಾಜಕೀಯ ವ್ಯವಸ್ಥೆಯನ್ನು ನಾವು ಪೋಷಿಸಿರುವುದು ಕನ್ನಡ ನಾಡಿನ ದುರಂತ. ಇರಲಿ ರಾಜಕೀಯದಿಂದ ಅರ್ಥಿಕ ವ್ಯವಹಾರದತ್ತ ಬರೋಣವೆ?

ಬಳ್ಳಾರಿ ಜಿಲ್ಲೆಯ ಜಿಂದಾಲ್ ಸ್ಟೀಲ್ ಕಂಪನಿಯ ನಿರ್ದೇಶಕರಿಗೆ ಒಂದು ಮನವಿ ಸಲ್ಲಿಸಿದೆ. ಹುಬ್ಬಳ್ಳಿಯಲ್ಲಿಯೋ ಅಥವಾ ಉತ್ತರ ಕರ್ನಾಟಕದಲ್ಲಿ ಸೈಕಲ್ ಉತ್ಪಾದನೆ ಮಾಡುವ ವಿಶೇಷವಲಯಗಳನ್ನು ನಿರ್ಮಾಣ ಮಾಡುವುದು. ಸೈಕಲ್ ಉತ್ಪಾದನೆಗೆ ಬೇಕಾಗಿರುವ ಜಾಗ ಕೂಡ ಅತೀ ಕಡಿಮೆ. ಇಲ್ಲಿ ನಾವು ಎಲ್ಲಾ‌ ರೀತಿಯ ಸೈಕಲ್ ಗಳನ್ನು ಉತ್ಪಾದನೆ ಮಾಡಿ ಹೊರಗಿನ ದೇಶಕ್ಕೆ ರಪ್ತು ಮಾಡುವಂತಾಗಬೇಕು. ಕೆಳಗೆ ಕೆಲವು ಸೈಕಲ್ ಮತ್ತು ಅವುಗಳ ಉಪಯುಕ್ತತೆಯನ್ನು ವಿವರಿಸಿದ್ದೇನೆ. ಈ ವಿಶೇಷ ವಲಯದಲ್ಲಿ ಸೈಕಲ್ ಉತ್ಪಾದನೆ ಮಾಡಲು ವಿಶ್ವದ ಎಲ್ಲಾ‌ ಸೈಕಲ್ ತಯಾರಕರನ್ನು ಮುಕ್ತವಾಗಿ ಆಹ್ವಾನಿಸಿ ಸಕಲ ಸೊಉಕರ್ಯಗಳನ್ನು ಕಲ್ಪಿಸಬೇಕು. ಇದರಿಂದ ಜಡಗಟ್ಟಿ ನಿಂತಿರುವ ಭಾರತದ ಸೈಕಲ್ ಕಂಪನಿಗಳಿಗೆ ಬಿಸಿ ಮುಟ್ಟಿ ಚುರುಕಾಗುತ್ತವೆ.

ಟೈವಾನ್ ದೇಶ ಹೈ ಎಂಡ್ ಅಥವಾ‌ ಉತ್ತಮ ಗುಣಮಟ್ಟದ ಸೈಕಲ್ ಉತ್ಪಾದನೆಯಲ್ಲಿ ವಿಶ್ವದಲ್ಲಿ ಮುಂಚೂಣಿಯಲ್ಲಿದೆ. ನಮ್ಮ ಸೈಕಲ್ ಕಂಪನಿಗಳಿಗೆ ವಿಶ್ವದಲ್ಲಿಯೆ ನಂಬರ್ ಒನ್ ಆಗುವ ಸಾವಕಾಶ ಮತ್ತು ಹಣ ಎರಡು ಇತ್ತು. ಆದರೆ ಶ್ರಧ್ಧೆ ಇರದ ಕಾರಣ ಈವತ್ತಿಗೂ‌ ಉತ್ತಮ ಗುಣ ಮಟ್ಟದ ಸೈಕಲ್ ನಮ್ಮ ದೇಶದಲ್ಲಿ ಮಾಡುತ್ತಿಲ್ಲ ಎಂದು ತಿಳಿಸಲು ವಿಷಾದಿಸುತ್ತೇನೆ.

ಕನ್ನಡ ನಾಡಿನ ಜನರು ಜಾಗತಿಕ ಮಟ್ಟದಲ್ಲಿ ಕಟ್ಟಿರುವ ಕಂಪನಿಯೆಂದರೆ ವಿಪ್ರೋ ಮತ್ತು ಇನ್ಫೋಸಿಸ್. ಆದರೆ ಐ.ಟಿ. ವ್ಯವಹಾರವನ್ನು ಬಿಟ್ಟು ಮಿಕ್ಕ ಮ್ಯಾನುಫ್ಯಾಕ್ಚರಿಂಗ್ ಕಂಪನಿಗಳು ಯಾವುದಿವೆ, ಅವು ಕರ್ನಾಟಕದಲ್ಲಿ ಬುಧ್ಧಿವಂತರನ್ನು ತನ್ನ ಕಡೆಗೆ ಸೆಳೆಯುತ್ತಿಲ್ಲಾ. ನಾನು ತಿಳಿದ ಮಟ್ಟಿಗೆ ಪಿ.ಯು.ಸಿ ನಂತರ ‘ಮೈನಿಂಗ್ ಇಂಜಿನಿಯರಿಂಗ್’ ಶಾಖೆಗೆ ಯಾರು ಹೋಗುವುದಿಲ್ಲಾ. ಎಲ್ಲರೂ ಬಯಸುವುದು ಐ.ಟಿ ಬ್ರಾಂಚನ್ನು. ಈ ರೀತಿ ಒಂದೆ ಹಾದಿಯಲ್ಲಿ ಹೋಗುವುದರಿಂದ ವೈವಿಧ್ಯವುಳ್ಳ ಜ್ಞಾನ ಮತ್ತು ವೃತ್ತಿಗಳೆರಡು ನಶಿಸಿಹೋಗುತ್ತದೆ. ಅಥವಾ‌ ಕಳಪೆ ಮಟ್ಟದಾಗಿರುತ್ತದೆ. ಈಗ ನಮ್ಮ ದೇಶದಲ್ಲಿ ಸೈಕಲ್ ಉತ್ಪಾದನೆ ಮಾಡುವ ಕಂಪನಿಗಳೆಲ್ಲ ಲೂದಿಯಾನದಲ್ಲಿ ಬೇರೂರಿದೆ. ಲೂದಿಯಾನದಲ್ಲಿ ತಂತ್ರಜ್ಞಾನದ ಅಭಾವವಿರುವುದರಿಂದ ಅಲ್ಲಿಗೆ ಯಾವ ಡಿಸೈನರುಗಳು ಹೋಗುವುದಿಲ್ಲಾ. ಸೈಕಲ್ ಡಿಸೈನ್ ಮಾಡುವುದಕ್ಕೆ ತಾಂತ್ರಿಕ ಕುಶಲತೆ ಮತ್ತು ವಿಶಾಲ ಅನುಭವ ಅತ್ಯಂತ ಆವಶ್ಯಕ. ಸೈಕಲ್ ಡಿಸೈನ್ ಬಗ್ಗೆ ಹೇಳಬೇಕಾದರೆ

ವಿದೇಶದಲ್ಲಿ ಎಂತೆಂತಹ ಸೈಕಲ್ ಉತ್ಪಾದನೆ ಮಾಡಿದ್ದಾರೆ ಮತ್ತು ಅವುಗಳನ್ನು ಹೇಗೆ ಬಳಸುತಿದ್ದಾರೆ ಎನ್ನುವುದು ಕೆಳಗೆ ಚಿತ್ರಿಸಿದ್ದೇನೆ.

 

 

 

ಈ ಮಾದರಿಯಲ್ಲಿ ಸೈಕಲ್ ಉತ್ಪಾದನೆ ಜರುಗಿದರೆ ನಮ್ಮ ಜನರು ಸೈಕಲ್ ಪ್ರೀತಿಸಲು ಪ್ರಾರಂಭಿಸುತ್ತಾರೆ. ಇಂತಹ ಸೈಕಲ್ ಗಳು ಉತ್ಪಾದನೆಯಿಂದ ಬಡವರ ಸಂಚಾರ ದಿನೇ ದಿನೇ ಜರುಗುವ ತೈಲ ಬೆಲೆ ಏರಿಕೆಯ ಒತ್ತಡದಿಂದ ಬಿಡುಗಡೆಯನ್ನು ಪಡೆಯುತ್ತದೆ. ಸಣ್ಣ ಸಣ್ಣ ನಗರಗಳಲ್ಲಿ ಆಟೋ‌ ಬದಲಿಗೆ ಪೆಡಿ ಕ್ಯಾಬ್ ಗಳು ಬಂದರಂತೂ, ಆಟೋ ದವರ ಪ್ರಲಾಪ ಸ್ವಲ್ಪ ಮಟ್ಟಿಗೆ ಕಡಿಮೆಯಾಗಬಹುದು.

ಲೇಖಕ: ಮುರಳಿ ಎಚ್. ಆರ್.

ಪರಿಸರ ಪ್ರೇಮಿ, ಸೈಕಲ್ ಚಾಲಕ ಹಾಗೂ ಸೈಕಲ್ ಚಾಲನೆಯ ಮಹತ್ವಗಳ ಪ್ರಚಾರಕ. ಸೈಕಲ್ ಪ್ರವಾಸೋದ್ಯಮವನ್ನು ಬಲಪಡಿಸಬೇಕು ಎಂಬುದು ಮುರಳಿ ಅವರ ಹೊಸ ಕನಸು. ಬಿಎಂಟಿಸಿ ಜತೆ ಕೈ ಜೋಡಿಸಿ ಎಲ್ಲಾ ಟಿಟಿಎಂಸಿಗಳಲ್ಲಿ ಸೈಕಲ್ ಬಸ್‌ಗಳನ್ನು ರೂಪಿಸುವ ಕುರಿತು ಮಾತುಕತೆ ನಡೆಸಿದ್ದಾರೆ. ಇದಲ್ಲದೆ ಸೈಕಲ್ ಆರ್ಥಿಕತೆ ಕುರಿತು ಗುಬ್ಬಿ ಲ್ಯಾಬ್ಸ್ ಜತೆಗೂಡಿ ಸಂಶೋಧನೆಯಲ್ಲಿ ತೊಡಗಿದ್ದಾರೆ. ಹಣಕಾಸು ವ್ಯವಸ್ಥೆಗೆ ಸೈಕಲ್‌ಗಳು ಹೇಗೆ ನೆರವಾಗಿವೆ ಎಂಬುದನ್ನು ತಿಳಿಸುವುದು ಸಂಶೋಧನೆಯ ಉದ್ದೇಶ. ದಿನಪತ್ರಿಕೆ ಮಾರುವವರು, ಕೊರಿಯರ್ ಸಂಸ್ಥೆಗಳು, ಹಾಲು ಮಾರಾಟಗಾರರು ಇತ್ಯಾದಿ ಸಮುದಾಯಗಳ ಸೈಕಲ್ ಬಳಕೆ ಹಾಗೂ ಅದರ ಆರ್ಥಿಕ ಲಾಭಗಳನ್ನು ಸಂಶೋಧನೆಯಲ್ಲಿ ಅವಲೋಕಿಸಲಾಗುತ್ತಿದೆ.

ಮುಂದೆ ಓದಿ

೨೦೧೩ ಗಣರಾಜ್ಯೋತ್ಸವ – ಅಲೆ ೧೨ – ಅಣುವಿಕಿರಣ ಎಂಬ ಕತ್ತಿಯ ಅಲುಗಿನ ಅಂಚು

ಪ್ರಕಟಿಸಿದ್ದು ದಿನಾಂಕ Jan 14, 2013 ವಿಭಾಗ 2013, ale3 | 0 ಪ್ರತಿಕ್ರಿಯೆಗಳು

ಅಣುಶಕ್ತಿ, ಅದರ ಉತ್ಪಾದನೆ ಮತ್ತು ಅದರಿಂದ ಆಗಬಹುದಾದ ವಿನಾಶದ ಬಗ್ಗೆ, ೨-೨-೨೦೧೩ ರಿಂದ ೩-೨-೨೦೧೩ ಫೆಬ್ರವರಿವರೆಗೆ ನೆಡೆದ ಯುರೇನಿಯಂ ಫಿಲಂ ಫೆಸ್ಟಿವಲ್ ನಮಗೆ ಜ್ಞಾನವನ್ನು ಹಾಗೂ ಮುನ್ನೆಚ್ಚರಿಕೆಯನ್ನು ನೀಡಿತು. ಇದರಲ್ಲಿ ಸುಮಾರು ಐವತ್ತು ಸಾಕ್ಷಚಿತ್ರಗಳನ್ನು ಸುಚಿತ್ರಾ ಫಿಲಂ ಸೊಸೈಟಿಯಲ್ಲಿ ಪ್ರದರ್ಶಿಸಲಾಯಿತು.

ಭಾರತ ದೇಶದಲ್ಲಿ ಹೆಚ್ಚಾಗಿ ನಾವೀಗ ಅಣುಶಕ್ತಿಯ ಮೇಲೆ ಅವಲಂಭಿತರಾಗುತ್ತಿರುವುದರಿಂದ, ಅಣುಶಕ್ತಿಗೆ ಬೇಕಿರುವ ಯುರೇನಿಯಂ ಮೈನಿಂಗ್ ನಲ್ಲಿ ಸರ್ಕಾರ ಹೆಚ್ಚಿನ ಆಸಕ್ತಿಯನ್ನು ಹೊಂದಿರುತ್ತದೆ. ಇಡೀ ದೇಶದಲ್ಲಿ ಅತ್ಯಧಿಕ ಯುರೇನಿಯಂ ಮೈನಿಂಗ್ ನೆಡೆಯುತ್ತಿರುವುದು ಜಾರ್ಕಂಡ್‌ನ ‘ಜಾದೂಗೋಡ’ ಎಂಬ ಎಕೈಕ ಪ್ರದೇಶದಲ್ಲಿ.

ಭಾರತದ ಎಲ್ಲ ರಾಜ್ಯಗಳು ಅಣುಶಕ್ತಿಯನ್ನು ಮತ್ತು ಅದರ ಉಪಯೋಗಗಳನ್ನು ಪಡೆದುಕೊಳ್ಳುತ್ತಿವೆ, ಆದರೆ ಕರ್ನಾಟಕ ಒಂದು ಹೆಜ್ಜೆ ಮುಂದೆ ಹೋಗಿ, ಯುರೇನಿಯಂ ಗಣಿಗಾರಿಕೆಯನ್ನು ಯಾದಗಿರಿಜಿಲ್ಲೆಯ ಶಹಾಪುರ ತಾಲ್ಲೂಖಿನ ಗೋಗಿ ಎಂಬಲ್ಲಿ ಪ್ರಾರಂಭಿಸಲು ಯೋಚಿಸುತ್ತಿದೆ. ಜೊತೆಗೆ ಮೈಸೂರಿನ ಹುಣಸೂರಿನ ಬಳಿ ಗೋಗಿಯಲ್ಲಿ ತೆಗೆದ ಅದಿರಿನ ಗುಣಮಟ್ಟ ವೃದ್ದಿ ಮಾಡುವ ಘಟಕ ಕೂಡ ನೆಲದಡಿಯಲ್ಲಿದ್ದು, ಕಣ್ಣಿಗೆ ಕಾಣದ್ದು ಮತ್ತು ಇದರಿಂದ ಉತ್ಪತ್ತಿಯಾದ ಯುರೇನಿಯಂ ಕೈಗಾದಲ್ಲಿ ವಿದ್ಯುತ್ ಶಕ್ತಿಯಾಗಿ ಮಾರ್ಪಡುತ್ತದೆ. ನಂತರದ ಹಂತದಲ್ಲಿ ಕೊನೆಗೆ ಉಳಿಯುವ ತ್ಯಾಜ್ಯ ಕೋಲಾರದ ಮತ್ತ್ಯಾವುದೋ ಪ್ರದೇಶದಲ್ಲಿ ಬರಿದು ಮಾಡುವ ಆಲೋಚನೆ ನೆಡೆಯುತ್ತಿದೆ. ಅಣುಶಕ್ತಿಯ ಗಣಿಗಾರಿಕೆ ಒಂದೇ ಹತ್ತಾರು ಆರೋಗ್ಯಕ್ಕೆ ಸಂಬಂಧಿಸಿದ ತೊಂದರೆಗಳನ್ನು ವಿಶ್ವದ ಹಲವೆಡೆ ಸಾಬೀತಾಗಿದ್ದರೂ, ನಮ್ಮ ಕರ್ನಾಟಕದಲ್ಲಿ ಇದರ ಮುಂದಿನ ಹಂತದ ಬಳಕೆ ಮತ್ತು ತ್ಯಾಜ್ಯವೂ ಸೇರಿ ಮತ್ತೆಷ್ಟು ಅನಾಹುತಗಳಿಗೆ ನಾವು ತುತ್ತಾಗಬಹುದು ಎಂಬುದನ್ನು ಸ್ವಲ್ಪ ಅಲೋಚಿಸ ಬೇಕಿದೆ.

“ಬುದ್ದಾ ವೀಪ್ಸ್ ಇನ್ ಜಾದೂಗೋಡಾ” (Budda Weeps in Jadugoda) ಸಿನಿಮಾ, ಯುರೇನಿಯಂ ಅಂತರರಾಷ್ಟ್ರಿಯ ಸಿನಿಮೋತ್ಸವದಲ್ಲಿ ಜಾದೂಗೋಡಾದಲ್ಲಿ ಭಾರತದ ಯುರೇನಿಯಂ ಗಣಿಗಾರಿಕೆಯ ಹಿಂದಿನ ಚಿತ್ರಣವನ್ನು ಎಲ್ಲರ ಮುಂದೆ ತೆರೆದಿಟ್ಟಿತು. ಜಾದೂಗೋಡಾದ ಗಣಿಗಾರಿಕೆಯ ಹಿಂದಿನ ಅನೈತಿಕತೆಗಳು, ಅದು ತಂದೊಡ್ಡುತ್ತಿರುವ ಶ್ವಾಸಕೋಶದ ಕ್ಯಾನ್ಸರ್, ಥೈರಾಯ್ಡ್ ಗ್ರಂಥಿ, ರಕ್ತ, ಮೂಳೆ ಮತ್ತು ಹುಟ್ಟಿನಿಂದಲೇ ಬರುವ ಅನೇಕ ಕಾಯಿಲೆಗಳ ಅಂದರೆ ಕೈಕಾಲುಗಳೇ ಇಲ್ಲದಿರುವ ಮಗುವಿನ ಜನನಗಳು ಕಂಡು ಬಂದಿರುವುದು, ಈ ಪ್ರದೇಶದಲ್ಲಿರುವ ಗರ್ಭಿಣಿ ಸ್ರೀಯರ ಭ್ರೂಣದ ಮೇಲಾಗುತ್ತಿರುವ ಪರಿಣಾಮಗಳು, ಪಶು, ಪಕ್ಷಿಗಳ ಮೇಲೆ, ಇಲ್ಲಿನ ಕಾಡುಗಳ ಜೊತೆಗೆ ಪರಿಸರ ಮೇಲಾಗುತ್ತಿರುವ ಗಂಭೀರ ಪರಿಣಾಮಗಳನ್ನು ನೋಡುಗರ ಮುಂದಿರಿಸಲಾಯ್ತು. ಇದೆಲ್ಲದರ ಹಿಂದಿರುವ ಸಂಸ್ಥೆಗಳು ಜಾದೂಗೋಡಾದಲ್ಲಿನ ಗಣಿಗಾರಿಕೆಯಿಂದ ಯಾವುದೇ ಹಾನಿ ಇಲ್ಲ ಎಂದು ಹೇಳುತ್ತಿರುವುದರ ಹಿಂದಿನ ಸತ್ಯಾಂಶವನ್ನು ಬಿಚ್ಚಿಡುತ್ತಾ, ಆರೋಗ್ಯ ಕೇಂದ್ರಗಳು ಹಾಗೂ ಹಣಕಾಸಿನ ಯಾವುದೇ ರೀತಿಯ ಸಹಾಯವನ್ನು ಸುತ್ತಮುತ್ತಲಿನ ಜನರಿಗೆ ನೀಡದೆ ಅವರ ಜೀವನವನ್ನು ಅಸಮತೋಲನದ ತಳಹದಿಗೆ ತಳ್ಳಿರುವುದನ್ನು ಈ ಸಿನೆಮಾ ತೋರಿಸಿತು. ಈ ಪರಿಸ್ಥಿತಿ ಕರ್ನಾಟಕದ ಗೋಗಿಯಲ್ಲಿಯೂ ಮತ್ತೊಂದು ಜಾದೂಗೋಡ ಸೃಷ್ಟಿಸಬಹುದಲ್ಲವೇ?

ಎರಡು ದಿನಗಳ ಯುರೇನಿಯಂ ಅಂತರರಾಷ್ಟ್ರೀಯ ಸಿನಿಮೋತ್ಸವ ವಿರಳವಾದ ಸಾಕ್ಷ್ಯಚಿತ್ರಗಳನ್ನೂ, ಸಿನಿಮಾಗಳನ್ನೂ ಜನರಿಗೆ ಪರಿಚಯಿಸುತ್ತಾ, ಯುರೇನಿಯಂ ಮೈನಿಂಗ್, ಅದರ ಅಭಿವೃದ್ದಿಯ ಹಂತಗಳು, ಉಪಯೋಗಗಳು, ಅಪಾಯಗಳು, ದುರುಪಯೋಗಗಳು ಹೀಗೆ ಹತ್ತಾರು ವಿಷಯಗಳ ಬಗ್ಗೆ ಕಣ್ಣಿಗೆ ಕಟ್ಟುವಂತೆ ವಿಚಾರಗಳನ್ನು ಮಂಡಿಸಿತು. ನ್ಯೂಕ್ಲಿಯರ್ ತ್ಯಾಜ್ಯ ವಿಸರ್ಜನೆಯೇ ಅಣುಶಕ್ತಿ ಉಪಯೋಗದ ಅತಿದೊಡ್ಡ ತೊಂದರೆಯಾಗುತ್ತಿರುವುದನ್ನು ಬಿಂಬಿಸಲಾಯ್ತು. ನ್ಯೂಕ್ಲಿಯರ್ ಥರ್ಮಲ್ ಪ್ಲಾಂಟ್ (ಅಣು ಉಷ್ಣಶಕ್ತಿ ಕೇಂದ್ರ)ಗಳ ಉಪಯೋಗದಿಂದ ಆಗುವ ಪ್ರಯೋಜನಕ್ಕಿಂತ ಹೆಚ್ಚು ಖರ್ಚಿನ ಹೊರೆ ನಮ್ಮ ಮೇಲೆ ಬೀಳುತ್ತಿದೆ ಎಂಬುದು ಕೂಡ ಗಮನಿಸಬೇಕಾದ ಅಂಶ.

ಅಣುಶಕ್ತಿಯ ಉತ್ಪಾದನೆಯ ಮೊದಲ ಹಂತ, ಗಣಿಗಾರಿಕೆಯಿಂದ ಅದರ ತ್ಯಾಜ್ಯ ನಿರ್ವಹಣೆಯವರೆಗೆ ತೀಕ್ಷ್ಣ ಅಣು ವಿಕಿರಣ ಸೋರಿಕೆಯಿಂದ ನಾವು ಮತ್ತೊಂದು ಮಹಾ ವಿಪತ್ತಿಗೆ ಗುರಿಯಾಗುತ್ತಲೇ ಇದ್ದೇವೆ.

ಲೇಖಕ: ಡಾ. ಗುರುಪ್ರಸಾದ್ ಬೆಂಗಳೂರು, ಕನ್ನಡಕ್ಕೆ ಓಂಶಿವಪ್ರಕಾಶ್ ಎಚ್.ಎಲ್

ಹವ್ಯಾಸ, ಕೆಲಸ ಎರಡೂ ನನ್ನ ನೆಚ್ಚಿನ ತಂತ್ರಜ್ಞಾನವೇ. ಮುಕ್ತ ಹಾಗೂ ಸ್ವತಂತ್ರ ತಂತ್ರಾಂಶದ ಬಳಕೆ, ಭೋದನೆ, ಅಳವಡಿಕೆ, ಅಭಿವೃದ್ದಿ ಖುಷಿ ಕೊಡುವ ಕೆಲಸಗಳು. ಮೂಲತ: ಬೆಂಗಳೂರಿನವನೇ ಆದ ನಾನು ಕಂಪೆನಿಯೊಂದರಲ್ಲಿ ಕೆಲಸದಲ್ಲಿದ್ದು, ನನ್ನ ಅರಿವಿನ ಒಂದಷ್ಟು ಭಾಗವನ್ನು ಕನ್ನಡಿಗರೊಂದಿಗೆ ಲಿನಕ್ಸಾಯಣದ ಮೂಲಕ ಹಂಚಿಕೊಳ್ಳುತ್ತೇನೆ. ಕನ್ನಡದಲ್ಲಿ ತಂತ್ರಜ್ಞಾನದ ಬೆಳವಣಿಗೆ, ಅಭಿವೃದ್ದಿಗೆ ಮತ್ತು ಅವುಗಳ ಬಗೆಗಿನ ಬರಹದೆಡೆಗೆ ವಿಷೇಶ ಆಸಕ್ತಿ. ವಿರಾಮದ ವೇಳೆ ಕ್ಯಾಮೆರಾ, ಸೈಕಲ್, ಪ್ರವಾಸ, ಜೊತೆಗೆ ಒಂದಿಷ್ಟು ಸಾಲುಗಳನ್ನು ಹೆಣೆಯುವುದು ಇತ್ಯಾದಿ.. ಎಲ್ಲರಿಗೂ ಎಲ್ಲವನ್ನೂ ಕಲಿಸುತ್ತೇನೆಂಬ ನಂಬಿಕೆಯಿಲ್ಲ, ಆದರೂ ಒಂದಿಷ್ಟು ಮಂದಿಗಾದರೂ ಒಳ್ಳೆಯ ಮಾಹಿತಿ ಒದಗಿಸಬಲ್ಲೆ ಎಂಬ ನಂಬಿಕೆಯಿದೆ.

ಮುಂದೆ ಓದಿ

ಗಣರಾಜ್ಯೋತ್ಸವ – ಅಲೆ ೧೧ – RFId-NFC ತಳುಕು ಬಳುಕಿನ ಲೋಕ – ಭಾಗ ೨

ಪ್ರಕಟಿಸಿದ್ದು ದಿನಾಂಕ Jan 13, 2013 ವಿಭಾಗ 2013, ale3 | 0 ಪ್ರತಿಕ್ರಿಯೆಗಳು

ಎನ್.ಎಫ್.ಸಿ(NFC)

NFC ಎಂದರೆ Near Field Communication. ಇದು RFId ತಂತ್ರಜ್ಞಾನದ ಆಧಾರದ ಮೇಲೆ ನಿರ್ಮಿತವಾಗಿದ್ದೂ, ಅದನ್ನು ಮುಂದಿನ ಘಟ್ಟಕ್ಕೆ ಕೊಂಡೊಯ್ಯುತ್ತದೆ. ಇದು ಬಹುಮುಖ್ಯವಾಗಿ ಸ್ಮಾರ್ಟ್ ಫೋನ್ ಗಳ ಅಂಗವಾಗಿದ್ದೂ, 2014ರ ವೇಳೆಗೆ ಶೇಕಡ 50 ರಷ್ಟು ಸ್ಮಾರ್ಟ್ ಫೋನ್ ಗಳು NFC ತಂತ್ರಜ್ಞಾನ ಹೊಂದಿರುತ್ತವೆ ಎಂಬುದು ಕೆಲವು ತಜ್ಞರ ಅಭಿಪ್ರಾಯ.

NFC ತಂತ್ರಜ್ಞಾನವು ಕುಟುಕುವ ಕಾರ್ಯದಿಂದ ಆರಂಭಗೊಳ್ಳುತ್ತದೆ . NFC ತಳುಕು ಹೊಂದಿರುವ ಕಾರಿನ ಕಿಟುಕಿಗೆ ಫೋನ್ ನಿಂದ ಕುಟುಕಿದರೆ ಬಾಗಿಲು ತೆರೆದುಕೊಳ್ಳುತ್ತದೆ . ನಂತರ ಫೋನನ್ನು ಕೇಂದ್ರವೊಂದರಲ್ಲಿ ಸ್ಥಾಪಿಸಿದರೆ, ಫೋನ್ ನಿಂದ ಹಾಡುಗಳು,ವೀಡಿಯೋಗಳು ಕಾರಿನ ಪ್ಲೇಯರ್ ಗೆ ವರ್ಗವಾಗುತ್ತವೆ . ಅಲ್ಲದೆ ಸೀಟಿನ, ಕಿಟುಕಿಗಳ ಏರಿಳಿತಗಳ ಆದ್ಯತೆಗಳು, ಅಕೌಂಟ್ ಮಾರ್ಪಾಟುಗಳು, ಪ್ರೊಫೈಲ್ ಗಳಾಗಿ ಉಳಿಸಿರಲಾಗುತ್ತದೆ . ಅಂತೆಯೇ ಎಲ್ಲವೂ ಮಾರ್ಪಟುಗೊಳ್ಳುತ್ತವೆ. ಬೇರೊಬ್ಬರು ತಮ್ಮ ಫೋನನ್ನು ಅಲ್ಲಿ ಸ್ಥಾಪಿಸಿದರೆ ಅವರ ಆದ್ಯತೆಗಳಂತೆ ಎಲ್ಲವೂ ಬದಲಾಗುತ್ತವೆ . ಇಂತಹ ಒಂದು ಕಾರನ್ನು ಹ್ಯುಂದಾಯ್ (Hyundai) ಸಂಸ್ಥೆಯು ಪ್ರದರ್ಶಿಸಿದೆ .(ಈ ರೀತಿಯ ಓದು/ಬರೆ ಬಳಕೆಗೆ Data Emulation ಎಂದು ಹೆಸರು )

RFIdಗಿಂತ ಒಂದು ಹೆಜ್ಜೆ ಮುಂದೆ ಅಥವಾ ಮುಂದಿನ ಹೆಜ್ಜೆ:
ಈ ಕಾರ್ಯವನ್ನು RFId ಯಿಂದಲೇ ಸಾಧಿಸಬಹುದು . RF ತಳುಕಿನ ಬದಲು NFC ತಳುಕನ್ನು ಹಾಗು RF ಓದುಗದ ಬದಲು NFC ಓದುಗವನ್ನು ಅಳವಡಿಸಲಾಗಿದೆ . ಆದರೆ ಫೋನ್ ಗಳಲ್ಲಿ NFC ಸೌಲಭ್ಯ ದೊರೆಯುವುದರಿಂದ ಹೆಚ್ಚಿನ ಅನುಕೂಲಗಳಿವೆ. ಆದರೆ ಇಷ್ಟೇ ಇವೆರಡರ ನಡುವೆ ಇರುವ ವ್ಯತ್ಯಾಸವಲ್ಲ . RFId ಪ್ರಕಾರದಲ್ಲಿ ತಳುಕುಗಳಿಂದ ಮಾಹಿತಿಯನ್ನು ಓದು/ಬರೆ ಮಾಡಬಹುದು ಅಷ್ಟೇ.ಇದು ಒಂದು ವಿಧದಲ್ಲಿ ಏಕಮುಖ ಕಮ್ಯುನಿಕೇಷನ್ ಆಗಿಬಿಡುತ್ತದೆ. ಇದಕ್ಕೆ ಎದುರಾಗಿ NFC ಯಲ್ಲಿ ತಳುಕುಗಳನ್ನು ಪ್ರೊಗ್ರಾಮ್ ಮಾಡಬಹುದು . ಆ ತಳುಕುಗಳನ್ನು ಓದಿದ ಫೋನ್ ಗಳಲ್ಲಿ ಕೆಲ settings ಬದಲಾವನೆಯನ್ನೋ , ಇಲ್ಲವೇ ಯಾವುದಾದರೂ appನ್ನು invoke ಮಾಡಬಹುದು.

RFIdಯಿಂದ ಸಾಧ್ಯವಾಗದ NFCಯ ಮತ್ತೊಂದು ಉಪಯೋಗವೆಂದರೆ peer to peer transfer . ಎರಡು ಫೋನ್ ಗಳು ಪರಸ್ಪರ ಕುಟುಕಿನಿಂದ ಹಾಡುಗಳು,ವೀಡಿಯೋಗಳು ಇತ್ಯಾದಿ ಡಾಟಾ ಹಂಚಿಕೊಳ್ಳಬಹುದು. ಬ್ಲೂಟೂತ್ ನಂತೆ pair ಆಗುವ ಈ ಫೋನ್ ಗಳಲ್ಲಿ ಒಟ್ಟಾಗಿ multi-player ಆಟಗಳನ್ನು ಕೂಡ ಆಡಬಹುದು .

RFId-NFC ಜೊತೆಯಾಟ:
NFC ಮುಖಾಂತರ ಹಣದ ಪಾವತೀಕರಣ ಮಾಡಬಹುದು . ಐರ್ಲ್ಯಾಂಡಿನ Ticket Friend ಎಂಬ ಸಂಸ್ಥೆಯು ಸಿನಿಮಾ ಟಿಕೆಟ್ ಗಳಿಗೆ ಈ ತಂತ್ರಜ್ಞಾನವನ್ನು ಅಳವಡಿಸಿದೆ. ಕಾಯ್ದಿರಿಸಿದ ಸೀಟುಗಳ ಮಾಹಿತಿಯನ್ನು ಫೋನ್ ನಲ್ಲಿ ಉಳಿಸಿರಲಾಗುತ್ತದೆ . ಚಿತ್ರಮಂದಿರದಲ್ಲಿ NFC ಓದುಗನ ಎದುರು ಫೋನ್ ತಂದರೆ , ಅದರಲ್ಲಿರುವ ಟಿಕೆಟ್ಟಿನ ಮಾಹಿತಿ ಪರಿಶೀಲಿಸಿ, ಒಳಗೆ ಹೋಗಲು ಸಮ್ಮತಿ ಕೊಡುತ್ತದೆ . NFC ಹೊಂದಿರುವ ಫೋನ್ ಗಳು ವಿರಳವಾದ ಕಾರಣ ಅದನ್ನು ಹೊಂದಿರದ ಬಳಕೆದಾರರಿಗೆ RFId ಕಾರ್ಡ್ ನೀಡಲಾಗುತ್ತದೆ . ಇದನ್ನು ಕೂಡ ಓದುವ ಸಾಮರ್ಥ್ಯವುಳ್ಳ NFC ಓದುಗವು ಪರಿಶೀಲನೆ ಮಾಡಿ ಸಮ್ಮತಿ ಕೊಡುತ್ತದೆ. ಅಲ್ಲಿಗೆ RFId ಹಾಗು NFC ತಂತ್ರಜ್ಞಾನಗಳನ್ನು ಕೆಲವು ಕಡೆ ಅದಲು ಬದಲಾಗಿ ಬಳಸಬಹುದು.

ತೊಂದರೆಗಳು/ಅಪಾಯಗಳು:
RFIdಯಿಂದ ಎಷ್ಟು ಅನುಕೂಲಗಳು ಇವೆಯೋ ಅಷ್ಟೇ ಅಪಾಯಗಳೂ ಇವೆ. ಇದರಿಂದ ಆರೋಗ್ಯದ ಮೇಲೆ ಅಥವಾ ಪರಿಸರದ ಮೇಲೆ ಯಾವುದೇ ದುಷ್ಪರಿಣಾಮ ಉಂಟಾಗುವುದಿಲ್ಲ , ಆದರೆ ಬಳಕೆದಾರರಿಗೆ ಸಂಬಂಧ ಪಟ್ಟ ಕೆಲ ವೈಯಕ್ತಿಕ ಸಂಗತಿಗಳನ್ನು ಯಾರು ಬೇಕಾದರೂ ಸುಲಭವಾಗಿ ಪಡೆದುಕೊಳ್ಳುವಂತೆ ಆಗಿಬಿಡುತ್ತದೆ . ಸದಸ್ಯತ್ವ ಸೂಚಿಸುವ ಕಾರ್ಡೊಂದನ್ನು ಜೇಬಿನಲ್ಲಿಟ್ಟುಕೊಂಡು ಹೋಗುತ್ತಿದ್ದಾಗ , ಯಾರಾದರೂ ಓದುಗವನ್ನು ಹೊಂದಿದ್ದರೆ ನಮಗೆ ಅರಿವಿಗೇ ಬಾರದಂತೆ ನಮ್ಮ ಕಾರ್ಡನ್ನು ಓದಿಬಿಡಬಹುದು. ಇನ್ನು ಪಾವತಿ ಮಾಡಲು ಬಳಸುವ ಕಾರ್ಡಾದರೆ , ನಮ್ಮ ಕ್ರೆಡಿಟ್/ಡೆಬಿಟ್ ಕಾರ್ಡ್ ಮಾಹಿತಿಯನ್ನು ನೆನಪಿಟ್ಟುಕೊಳ್ಳಲು ಸಾಧ್ಯವಿದೆ. ಇನ್ನು ಮಳಿಗೆಗಳಿಂದ ವಸ್ತುಗಳನ್ನು ಮನೆಗೆ ತಂದಾಗ, RFId ತಳುಕುಗಳು ಹಾಗೆಯೇ ಉಳಿದುಕೊಳ್ಳುತ್ತವೆ. ಇದರಿಂದ ನಮ್ಮ ಮೇಲೆ ಗೂಢಚರ್ಯವನ್ನು ಮಾಡಬಹುದು. 2003ರಲ್ಲಿ ಕ್ಯಾಲಿಫೋರ್ನಿಯಾದ ಸೆನೇಟರ್ ಡೆಬ್ರಾ ಬವೆನ್ ರವರು “ಒಂದು ದಿನ ನಿಮ್ಮ ಒಳಉಡುಪುಗಳು ನಿಮ್ಮ ಚಲನ ವಲನಗಳ ಬಗ್ಗೆ ಯಾರಿಗೋ ಮಾಹಿತಿ ರವಾನಿಸುತ್ತಿವೆ ಎಂದು ತಿಳಿದರೆ , ನಿಮಗೆ ಹೇಗೆನಿಸುತ್ತದೆ?’ ಎಂದು ಕೇಳಿದ ಪ್ರಶ್ನೆ ಉಲ್ಲೇಖಿಸಲೇ ಬೇಕಾದದ್ದು.

ವಿರೋಧಗಳು:
250ಡಾಲರುಗಳ ಉಪಕರಣದೊಂದಿಗೆ ಯಾವ RFId ತಳುಕನ್ನು ಬೇಕಾದರೂ ಓದಬಹುದು ಎಂದು ಕ್ರಿಸ್ ಪೆಗೆಟ್ ಎಂಬುವವರು ತೋರಿಸಿಕೊಟ್ಟಿದ್ದಾರೆ. ಹಾಗೆಯೇ ಎಷ್ಟೋ ಸಂಸ್ಥೆಗಳು ಹೇಗೆ ಬಳಕೆದಾರರ ಮಾಹಿತಿಯನ್ನು ಹೆಚ್ಚು ಸುರಕ್ಷಿತವಾಗಿಸಬಹುದು ಎಂದು ಸಂಶೋಧಿಸಿ RFId ವಿನ್ಯಾಸಕ್ಕೆ ಕೆಲ ಸಲಹೆ ಸೂಚನೆಗಳನ್ನು ನೀಡಿದ್ದಾರೆ. ಎಷ್ಟು ಸುರಕ್ಷಿತಪಡಿಸಿದರೂ , ಸಂಪೂರ್ಣವಾಗಿ ಬಳಕೆದಾರರ ವ್ಯಕ್ತಿತ್ವವನ್ನು ಕಾಪಾಡಲಾಗದು . ಅದಕ್ಕಾಗಿಯೆ ಎಷ್ಟೊಂದು ಸಂಘ ಸಂಸ್ಥೆಗಳು RFId ತಂತ್ರಜ್ಞಾನವನ್ನು ವಿರೋಧಿಸುತ್ತಿವೆ . ಗ್ರಾಹಕ ಗೌಪ್ಯತಾ (Consumer Privacy) ನಿಪುಣರಾದ ಕ್ಯಾಥರೀನ್ ಆಲ್ಬ್ರೆಟ್ ಹಾಗು ಲಿಜ್ ಮೆಕ್ ಲನ್ ಟೈರ್ ಇದನ್ನು ವಿರೋಧಿಸುತ್ತಿರುವ ಪ್ರಮುಖರು. ಇವರು ತಮ್ಮ ಪುಸ್ತಕ SpyChips: How Major Corporations and Government Plan to Track Your Every Move ದಲ್ಲಿ ಹೇಗೆ ಸರ್ಕಾರಗಳು ಹಾಗು ದೊಡ್ಡ ಸಂಸ್ಥೆಗಳು ಪ್ರತಿಯೊಬ್ಬರ ಚಲನ ವಲನಗಳನ್ನು ಸಮ್ಮತಿಯೇ ಇಲ್ಲದೆ ಪಡೆದುಕೊಳ್ಳಬಹುದು ಹಾಗು ಹೇಗೆ ಇದರಿಂದ ನಮ್ಮ ಸ್ವಾತಂತ್ರ್ಯ ಕಳೆದುಕೊಳ್ಳುತ್ತೇವೆ ಎಂದು ವಿವರಿಸಿದ್ದಾರೆ . ಈ ರೀತಿಯ ಉಲ್ಲಂಘನೆಗಳು, ಆಗಬಹುದಾದ ಅನಾಹುತಗಳ ಬಗ್ಗೆ ತಿಳಿಯಲು www.spychips.com ಗೆ ಭೇಟಿ ನೀಡಬಹುದು.

ಎಲ್ಲ ತಂತ್ರಜ್ಞಾನಗಳಂತೆ ಇದೂ ಬಳಕೆ ದುರ್ಬಳಕೆಗಳ ತಕ್ಕಡಿಯಲ್ಲಿದೆ. ನಮ್ಮ ಕೆಲಸ ಕಾರ್ಯಗಳನ್ನು ಸುಗಮಗೊಳಿಸಲು ತಂತ್ರಜ್ಞಾನ ಮುಖೇನ ಜನಿಸಿ , ನಮ್ಮನ್ನು ಅಜ್ನಾನದಲ್ಲಿಡುವ ಸರ್ಕಾರಗಳ ,ದೊಡ್ಡ ಕಾರ್ಪೊರೇಷನ್ ಗಳ ಕುತಂತ್ರದಲ್ಲಿ ಅವಸಾನ ಹೊಂದುವಂತಾಗಿದೆ. ಸಮಾಜಗಳ ಸಾಫಲ್ಯತೆ ನಾಗರೀಕತೆಯಲ್ಲೋ ? ಇಲ್ಲವೇ ಆಧುನಿಕ ಸೌಕರ್ಯದಲ್ಲೋ ? ಎಂಬ ಪ್ರಶ್ನೆ ಉದ್ಭವಿಸದಂತೆ ಜ್ಞಾನದೊಂದಿಗೆ ಜವಾಬ್ದಾರಿಯನ್ನೂ, ವಿಜ್ಞಾನದೊಂದಿಗೆ ವಿವೇಚನೆಯನ್ನೂ ನಿಭಾಯಿಸಿಕೊಂಡು ಹೋದರೆ ಅದುವೇ ತಂತ್ರಜ್ಞಾನದ ಸರಿಯಾದ ಸದ್ಬಳಕೆ.

ಲೇಖಕ: ಶ್ರವಣ್ ಕುಲಕರ್ಣಿ

೨೦೧೧ರಲ್ಲಿ B.E ಪದವಿ ಹೊಂದಿ , embedded ಹಾಗು android developmentನಲ್ಲಿ ಅನುಭವ. ಸಾಹಿತ್ಯ ಹಾಗು ನಾಟಕಗಳಲ್ಲಿ ಆಸಕ್ತಿ. ಮುಕ್ತ ತಂತ್ರಜ್ಞಾನದಲ್ಲಿ ಹೆಚ್ಚುತ್ತಿರುವ ಒಲವು .ಸಂಧೀಲ್ ಸಮಾರಾಧನೆ ಎಂಬ ತಂಡದ ಮೂಲಕ ಕಿರುಚಿತ್ರಗಳ ನಿರ್ಮಾಣ ವಾರಾಂತ್ಯದ ಹವ್ಯಾಸಿ ಚಟುವಟಿಕೆ.

ಮುಂದೆ ಓದಿ

ಗಣರಾಜ್ಯೋತ್ಸವ – ಅಲೆ ೧೧ – RFId-NFC ತಳುಕು ಬಳುಕಿನ ಲೋಕ – ಭಾಗ ೧

ಪ್ರಕಟಿಸಿದ್ದು ದಿನಾಂಕ Jan 12, 2013 ವಿಭಾಗ 2013, ale3 | 0 ಪ್ರತಿಕ್ರಿಯೆಗಳು

RFId ಎಂದರೆ ನೇರ ಸಂಪರ್ಕವಿಲ್ಲದೆ ರೇಡಿಯೋ ತರಂಗಗಳ ಮೂಲಕ ವಸ್ತುಗಳನ್ನು ಪ್ರತ್ಯೇಕವಾಗಿ ಗುರುತಿಸುವ ಅಥವಾ ನಿಗಾ ಇಡುವ ತಂತ್ರಜ್ಞಾನ. ಇದಕ್ಕಾಗಿ ಮಾಹಿತಿಯನ್ನು ರವಾನಿಸಬಲ್ಲ RFId ತಳುಕು(Tag)ಗಳನ್ನು ಬಳಸಲಾಗುವುದು.

ಈ RFId ತಂತ್ರಜ್ಞಾನದಲ್ಲಿ ಮೂರು ಪಾತ್ರದಾರಿಗಳಿದ್ದಾರೆ.

೧. RFId ತಳುಕು – ನಿಗಾವಹಿಸಬೇಕಾದ ಪ್ರತಿವಸ್ತುವಿಗೂ ಈ ತಳುಕುಗಳನ್ನು ಅಂಟಿಸಿರಲಾಗುತ್ತದೆ. ಇದು ಆ ವಸ್ತುವಿನ ಬಗ್ಗೆ ಅಗತ್ಯ ಮಾಹಿತಿಯನ್ನು ಹೊಂದಿರುತ್ತದೆ. ಈ ತಳುಕುಗಳು ಎಷ್ಟು ಸಣ್ಣ ಹಾಗು ತೆಳುವಾಗಿರುತ್ತದೆಯೆಂದರೆ label ಹಿಂಭಾಗದಲ್ಲಿ ಅಂಟಿಸಿದ್ದರೂ ಅನುಭವಕ್ಕೆ ಬಾರದು.

೨. RFId ಓದುಗ (Reader)-ಈ RF ತಳುಕುಗಳಲ್ಲಿ ಇರುವ ಮಾಹಿತಿಯನ್ನು ಪಡೆದುಕೊಳ್ಳುವ ಸಾಧನವೇ RF ಓದುಗ.

RFId ನಿರ್ವಾಹಕ ಸಾಫ್ಟ್‌ವೇರ್ – ಓದುಗನಿಂದ ಮಾಹಿತಿಯನ್ನು ಪಡೆದ ಬಳಿಕ ಈ ನಿರ್ವಾಹಕ ತಂತ್ರಾಂಶದಿಂದ ಆ ಮಾಹಿತಿಯನ್ನು ಡೇಟಾಬೇಸ್‌ಗೆ ಹಾಕಬೇಕೆ ಅಥವಾ ಅಂತರ್ಜಾಲದಲ್ಲಿ ಪ್ರಕಟಿಸಬೇಕೆ ಇತ್ಯಾದಿ ಕಾರ್ಯಗಳನ್ನು ಮಾಡಬಹುದು.

RFId ಮುಖ್ಯ ಅನ್ವಯಿಕೆ ಕಂಡು ಬರುವುದು ಸೂಪರ ಮಾರುಕಟ್ಟೆಗಳಲ್ಲಿ. ವಸ್ತುವೊಂದರ ಬೆಲೆ,ತಯಾರಕರು ಇತ್ಯಾದಿ ಮಾಹಿತಿಗಳನ್ನು ಹೊಂದಿರುವ RFId ತಳುಕನ್ನು ಆ ವಸ್ತುವಿಗೆ ಅಂಟಿಸಿರಲಾಗುತ್ತದೆ . ನಾವು ಪದಾರ್ಥಗಳನ್ನು cartಗೆ ತುಂಬುತ್ತಿದ್ದಂತೆಯೇ cartನಲ್ಲಿರುವ ಓದುಗ ಬೆಲೆಯ ಮಾಹಿತಿಯನ್ನು ಪಡೆದು ಮೌಲ್ಯವನ್ನು ಕೂಡಿಸುತ್ತ ಹೋಗುತ್ತದೆ. counterನಲ್ಲಿ ಹೋಗುವಷ್ಟು ಹೊತ್ತಿಗಾಗಲೇ ನಮ್ಮ ಬಿಲ್ ಸಿದ್ದವಾಗಿರುತ್ತದೆ. ನಿರ್ವಾಹಕ softwareನ ಮೂಲಕ ಬಿಲ್ ಪ್ರಿಂಟ್ out ತೆಗೆಯುವುದೊಂದೇ ಬಾಕಿ.ನಂತರ ಮಾರಾಟವಾದ ವಸ್ತು, ಆದರ ತಯಾರಕರು ಮಾರಾಟವಾದ ಸಮಯ ದಿನಾಂಕ ಇತ್ಯಾದಿ ಮಾಹಿತಿಯನ್ನು ಮಳಿಗೆಯವರು ತಮ್ಮ databaseನಲ್ಲಿ ಹೊಂದಬಹುದು. ಅಂತೆಯೇ ಆದನ್ನು ತಯಾರಕ ವಿತರಕರಿಗೆ ರವಾನಿಸಬಹುದು.

“Barcode’ ಗಿಂತ ಹೇಗೆ ಭಿನ್ನ?
ಈಗಾಗಲೇ ನಿಮ್ಮ ಮನಸಿನಲ್ಲಿ barcodeಗಳ ಸುಳಿವು ಹಾದಿರಬಹುದು. Barcodeಗಳಿಂದಾಗಿ billing ಎಷ್ಟೇ ಸುಲಭವಾಗಿದ್ದರೂ, ಸಿಬ್ಬಂದಿಯು cartನಿಂದ ಒಂದೊಂದೇ ವಸ್ತುವನ್ನು ತೆಗೆದು ಸ್ಕ್ಯಾನ್ ಮಾಡಬೇಕು. ಅಲ್ಲಿಯವರೆಗೂ ಇತರ ಗ್ರಾಹಕರು ಸಾಲುಗಟ್ಟಿ ಕಾಯಬೇಕು.

ಅದೇ RFId ತಂತ್ರಜ್ಞಾನದಲ್ಲಿ ಮಾಹಿತಿಯು ರೇಡಿಯೋ ತರಂಗಗಳ ಮೂಲಕ ವಿನಿಮಯವಾಗುತ್ತದೆ . ಹಾಗಾಗಿ barcode ವಿಧಾನದಂತೆ scanner ನಿಂದ ಪ್ರತ್ಯೇಕವಾಗಿ ಒಂದೊಂದೇ ಪದಾರ್ಥವನ್ನು ವಿಶ್ಲೇಷಿಸುವ ಹೊರೆಯಿಲ್ಲ. ಇಲ್ಲಿಗೇ ನಿಲ್ಲದೆ, ಕೌಂಟರ್ ವ್ಯವಸ್ಥೆಯನ್ನು ದಿಕ್ಕರಿಸಿ , ಗ್ರಾಹಕ ಮಳಿಗೆಯಿಂದ ಹೊರನಡೆಯುತ್ತಿದಂತೆ ಆತನ ಬ್ಯಾಂಕ್ ಅಕೌಂಟ್ ಮಾಹಿತಿಯನ್ನು ಪಡೆದು, ಖರೀದಿಸಿದ ಮೌಲ್ಯವನ್ನು ಬ್ಯಾಂಕ್‌ಗೆ ತಿಳಿಸಿ, ಆತನ ಖಾತೆಯಿಂದಲೇ ಹಣವನ್ನು ಮಳಿಗೆಯವರ ಖಾತೆಗೆ ವರ್ಗಾಯಿಸುವಂತೆ ಮಾಡಬಹುದು. ಅಲ್ಲಿಗೆ ಗ್ರಾಹಕ ಮಳಿಗೆಗೆ ಹೋಗಿ ತನಗೆ ಬೇಕಾದ ಪದಾರ್ಥಗಳನ್ನು ಒಂದು ಬ್ಯಾಸ್ಕೆಟ್ ನಲ್ಲಿ ಸಂಗ್ರಿಹಿಸಿ ಹೊರನಡೆದರೆ ಸಾಕು ಎಲ್ಲವೂ ತನ್ನಷ್ಟಕ್ಕೆ ತಾನೇ ಆಗುತ್ತದೆ.ಈ ಕಾರಣದಿಂದ RFId ಬಳಕೆಯಿಂದ ದಾರಿ ಹೆಚ್ಚು ಸುಗಮವಾಗುತ್ತದೆ.

ಒಂದೆರಡು ಮುಖ್ಯ ಅನ್ವಯಿಕೆಗಳು:
ಒಂದು ಪ್ರಯೋಗದಂತೆ , ದೃಷ್ಟಿಹೀನರ ಕಡ್ಡಿ(stick)ನ ಒಂದು ತುದಿಗೆ RFId ತಳುಕನ್ನೂ ಹಾಗು ಮಳಿಗೆಯ ಮೂಲೆ ಮೂಲೆಗಳಿಗೆ ಓದುಗವನ್ನು ಅಳವಡಿಸಲಾಯಿತು. ಕುರಡನೋಬ್ಬನು ಬರುತ್ತಿದ್ದಂತೆಯೇ ಕಡ್ಡಿಯಲ್ಲಿದ್ದ ತಳುಕನ್ನು ಪತ್ತೆಮಾಡಿದ ಓದುಗ, ಮುಂದೆ ಮೆಟ್ಟಿಲುಗಳಿವೆಯೆ, ಎಡಕ್ಕೆ ಹೊರಳಿದರೆ ಏನು ಸಿಕ್ಕೀತು, ಬಲಕ್ಕೆ ಹೊರಳಿದರೆ ಏನು, ಮೂಲೆಯಲ್ಲಿ ಕುಡಿಯುವ ನೀರಿನ ಸೌಲಭ್ಯವಿದೆಯೇ ಇತ್ಯಾದಿ ರೆಕಾರ್ಡೆಡ್ ಸಂದೇಶವನ್ನು ಕೂಗಿ ಹೇಳುತ್ತದೆ. ಇದರಿಂದ ದೃಷ್ಟಿಹೀನನೊಬ್ಬ ಸ್ವತಂತ್ರವಾಗಿ ಸಂಚರಿಸುವ ವ್ಯವಸ್ಥೆಯನ್ನು ಪರೀಕ್ಷಿಸಲಾಗುತ್ತಿದೆ.

ಅಲಜ್ಯಿಮಾರ್(alzheimer disease) ರೋಗಿಗಳಿಗೆ ಬೌದ್ದಿಕ ಸ್ವಾಸ್ಥ್ಯ ರಿ ಇರುವುದಿಲ್ಲ . ಅರಳು ಮರಳಿನಂತೆ ಇರುತ್ತದೆ. ತಮ್ಮ ಬಗ್ಗೆಯೇ ದೀರ್ಘ ಕಾಲದ ಮರೆವು , ಆಡುವ ಭಾಷೆಯ ತೊಂದರೆ ಇತ್ಯಾದಿಗಳನ್ನು ಅನುಭವಿಸುತ್ತಿರುತ್ತಾರೆ. ಅಂತಹವರಿಗಾಗಿ Alzheimer ಕಮ್ಯೂನಿಟಿ ಕೇರ್ , ಫ್ಲೋರಿಡಾ ಸಂಸ್ಥೆಯು RFId ತಳುಕೊಂದನ್ನು ಚರ್ಮದ ಕೆಳಗೆ ಇಟ್ಟು , ಆ ತಳುಕಿನಲ್ಲಿ ರೋಗಿಯ ಹೆಸರು ಮತ್ತು ಇತರ ದಾಖಲೆಗಳನ್ನು ಉಳಿಸಿಕೊಳ್ಳುವಂತೆ ಮಾಡಿದ್ದರೆ. ವೈದ್ಯರು RF ಓದುಗದ ಮೂಲಕ ಈ ದಾಖಲೆಗಳನ್ನು ಪಡೆದುಕೊಳ್ಳಬಹುದು ಹಾಗು ತಿದ್ದಬಹುದು. ಇದನ್ನು ಮೊದಲು ಮರೆವನ್ನು ಹೊಂದಿದ್ದ ಪರಾವಲಂಬಿಗಳಿಗೆ ಸಿದ್ಧಪಡಿಸಿದ್ದರೂ ಆಧುನಿಕತೆಯನ್ನು ಅಪ್ಪುತ್ತಿರುವ ಇಂದಿನ ಪ್ರಪಂಚದಲ್ಲಿ ಎಲ್ಲ ರೋಗಿಗಳಿಗೂ ವಿಸ್ತರಿಸಬಹುದಾಗಿದೆ.

ಕನ್ನಡಿಗರ ಮುನ್ನುಡಿ:
ಹೀಗೆ ವಿಶ್ವದ ವಿವಿಧ ಕಡೆಗಳಲ್ಲಿ ವಿವಿಧ ಕ್ಷೇತ್ರಗಳಲ್ಲಿ RFId ತಂತ್ರಜ್ಞಾನದ ಉಪಯೋಗ ಮಾಡುತ್ತಿರಲು, ಕನ್ನಡಿಗರಿಗೆ ಖುಷಿಯನ್ನು ತಂದುಕೊಡುವ ಸಂಗತಿಯೆಂದರೆ ಈ ತಂತ್ರಜ್ಞಾನವನ್ನು ಕನ್ನಡದ ಒಂದು ಗ್ರಂಥಾಲಯ ಇದನ್ನು ಅಳವಡಿಸಿರುವುದು. ಬಸವನಗುಡಿಯಲ್ಲಿರುವ ‘ಮುನ್ನುಡಿ’ ಎಂಬ ಕನ್ನಡ ಪುಸ್ತಕಾಲಯ RFID ಸೌಲಭ್ಯ ಹೊಂದಿದ್ದೂ, ಪ್ರತಿ ಚಂದಾದಾರರಿಗೂ ಒಂದು ಕಾರ್ಡ್ ನೀಡಲಾಗುತ್ತದೆ. ಇದರಲ್ಲಿ ಚಂದಾದಾರರ ಹೆಸರು ಹಾಗು ಅವರು ಪಡೆದಿರುವ ಪುಸ್ತಕ ಅದರ ಕರ್ತೃ, ಹಿಂದಿರುಗಿಸಬೇಕಾದ ದಿನಾಂಕ ಇತ್ಯಾದಿಗಳನ್ನು ಸಂರಕ್ಷಿಸಲಾಗುತ್ತದೆ . ಪ್ರತಿ ಪುಸ್ತಕದ ಹಿಂದೆಯೂ ಒಂದು RFId ತಳುಕಿನಲ್ಲಿ ಪುಸ್ತಕದ ಮಾಹಿತಿಯನ್ನು ಉಳಿಸಲಾಗುತ್ತದೆ. ಚಂದಾದಾರನು ಪುಸ್ತಕ ,ತನ್ನ ಸದಸ್ಯತ್ವದ ಕಾರ್ಡ್ ಎರಡನ್ನೂ ಓದುಗದ ಮಣೆಯ ಮೇಲೆ ಇಟ್ಟರೆ, ನಿರ್ವಾಹಕ ತಂತ್ರಾಂಶ ಅಳವಡಿಸಿರುವ ಗಣಕದ ಮೂಲಕ ಪುಸ್ತಕವನ್ನು ಬಾಡಿಗೆಗೆ ಪಡೆಯುವ ಅಥವಾ ಹಿಂದಿರುಗಿಸುವ ಇಲ್ಲವೇ ಪುಸ್ತಕಾಲಯದಲ್ಲಿ ಒಂದು ಪುಸ್ತಕವನ್ನು ಹುಡುಕುವ ಕಾರ್ಯವನ್ನು ಮಾಡಬಹುದಾಗಿದೆ.

ಇನ್ನಷ್ಟು ಸ್ಮಾರ್ಟ್ ಆದರೆ?
RFId ತಳುಕನ್ನು ಹೊಂದಿರುವ ಪುಸ್ತಕವೊಂದನ್ನು ಅಂಗಡಿಯಲ್ಲಿ ಖರೀದಿಸಿ ಇಲ್ಲವೇ ಬಾಡಿಗೆಗೆ ತಂದು ನಮ್ಮ ಮನೆಯ ಅಲಮಾರಿಯಲ್ಲಿ ಇಟ್ಟರೆ, ಅಲ್ಲಿರುವ ಓದುಗವು ತಳುಕಿನಿಂದ ಮಾಹಿತಿಯನ್ನು ಪಡೆದು ಪುಸ್ತಕಗಳನ್ನು ಕಾದಂಬರಿ, ಇತಿಹಾಸ, ಹಾಸ್ಯ ಹೀಗೆ ಶೈಲಿಗಳಂತೆ ಅಥವಾ ಕರ್ತೃವಿನ ಪ್ರಕಾರ ವಿಂಗಡಿಸಿ ಹೇಳುತ್ತದೆ. ಪುಸ್ತಕವನ್ನು ಬಾಡಿಗೆಗೆ ತಂದಿದ್ದರೆ, ಹಿಂದಿರುಗಿಸುವ ದಿನಾಂಕ ಬರುತ್ತಿರಲು ಎಚ್ಚರ ನೀಡುತ್ತದೆ. ಯಾವುದಾದರೂ ಪುಸ್ತಕವನ್ನು ಓದಿಯೇ ಇರದಿದ್ದರೆ ಅಂತಹ ಪುಸ್ತಕಗಳ ಪಟ್ಟಿ ಮಾಡಿ ಕೇಳಿದಾಗ ಪ್ರಕಟಿಸುತ್ತದೆ. ಅಷ್ಟೇ ಅಲ್ಲದೆ ಆ ಪುಸ್ತಕದ ಬಗೆಗಿನ ನಿಮ್ಮ ಅಭಿಪ್ರಾಯವನ್ನು ಆ ತಳುಕಿನಲ್ಲಿ ನಮೂದಿಸಿದರೆ , ಮುಂದೆ ಓದುವವರು ತಮ್ಮ RF ಓದುಗದ ಮೂಲಕ ಆ ಅಭಿಪ್ರಾಯವನ್ನು ತಿಳಿಯಬಹುದು.

ಹೀಗೆ ವಿಶ್ವದ ವಿವಿಧ ಭಾಗಗಳಲ್ಲಿ ನಾನಾ ಕ್ಷೇತ್ರಗಳಲ್ಲಿ ಅಲ್ಪ ಸ್ವಲ್ಪ ವ್ಯತ್ಯಾಸದೊಂದಿಗೆ RFID ತಂತ್ರಜ್ಞಾನ ಬಳಕೆಯಲ್ಲಿದೆ. ಅಸೆಟ್ ಟ್ರಾಕಿಂಗ್ , ಸಪ್ಲೈ ಚೈನ್ ಮ್ಯಾನೇಜ್ಮೆಂಟ್ , ಮ್ಯಾನುಫ್ಯಾಕ್ಚರಿಂಗ್, ಮುದ್ರಣ , ಶಾಪಿಂಗ್ ಮಳಿಗೆ , ಪಾರ್ಕಿಂಗ್ ಲಾಟುಗಳು , ಪಾವತೀಕರಣ , ಸಂಸ್ಕರಣ , ವಿತರಣ , ಭದ್ರತೆ ಹೀಗೆ ಹಲವಾರು ಅನ್ವಯಿಕೆಗಳನ್ನು ಕಂಡಿದೆ . RFId ತಂತ್ರಜ್ಞಾನದಲ್ಲಿ ಆಗುತ್ತಿರುವ ಬೆಳವಣಿಗೆಗಳು, ಪ್ರಯೋಗಗಳು ಇತ್ಯಾದಿಗಳಿಗಾಗಿ www.rfidjournal.com ಗೆ ಭೇಟಿ ನೀಡಬಹುದು.

ಒಂದಿಷ್ಟು ತಾಂತ್ರಿಕ ಮಾಹಿತಿ:
ಮೇಲೆ ಕಂಡ ಅನ್ವಯಿಕೆಗಳನ್ನು ವಿಶ್ಲೇಷಿಸಿ ನೋಡಿದರೆ ತಳುಕುಗಳು ಮಾಹಿತಿಯನ್ನು ಹಿಡಿತ್ತುಕೊಂಡಿರುತ್ತವೆ ಎಂಬುದು ಸಿದ್ಧವಾಗುತ್ತದೆ . ಸ್ವಲ್ಪ ಗಮನಿಸಿ ನೋಡಿದರೆ ಕೆಲವು ಕಡೆ ತಳುಕಿನ ಮಾಹಿತಿಯನ್ನು ಕೇವಲ ಓದಲು ಸಾಧ್ಯ , ಕೆಲವೆಡೆ ತಳುಕುಗಳಿಗೆ ಬರೆಯುವುದೂ ಉಂಟು. ವಿವಿಧ ಕ್ಷೇತ್ರಗಳಲ್ಲಿ ವಿವಿಧವಾಗಿ ಮಾಹಿತಿ ವಿನಿಮಯವಾಗುವುದರಿಂದ ಮೂರು ರೀತಿಯ RFId ತಳುಕುಗಳು ದೊರೆಯುತ್ತವೆ.

Read -Only: ಈ ತಳುಕುಗಳು ತಯಾರಿಸುವ ಸಮಯದಲ್ಲಿ ಒಮ್ಮೆ ಮಾಹಿತಿ ಬರೆದರೆ ಅದನ್ನು ಮುಂದೆ ತಿದ್ದಲಾಗಲಿ ಅಳಿಸಲಾಗಲಿ ಆಗುವುದಿಲ್ಲ. ವಸ್ತುವೊಂದರಲ್ಲಿ ಅದರ ತಯಾರಕರು ,ತಯಾರಿ ದಿನಾಂಕ , ಅವಸಾನ ಹೊಂದುವ ದಿನಾಂಕ, ಇತ್ಯಾದಿ ಮಾಹಿತಿಯನ್ನು ಇಡಬೇಕಾದರೆ Read -Only ತಳುಕುಗಳನ್ನು ಉಪಯೋಗಿಸಬಹುದು .

Read -Write: ಈ RFId ತಳುಕುಗಳಿಂದ ಮಾಹಿತಿಯನ್ನು ಪಡೆಯಲೂ ಬಹುದು ತಿದ್ದಲೂ ಬಹುದು . Alzheimer ರೋಗಿಗಳು ಯಾವ ಘಟ್ಟದಲ್ಲಿದ್ದಾರೆ, ಅವರಲ್ಲಿ ಏನಾದರು ಹೊಸ ಲಕ್ಷಣಗಳು ಕಂಡುಬಂದಲ್ಲಿ ಅವುಗಳನ್ನು ತಳುಕುಗಳಲ್ಲಿ ದಾಖಲಿಸಬಹುದು.

Write Once Read Many: ಈ ತಳುಕುಗಳು ಉತ್ಪಾದನಗೊಂಡ ನಂತರ ಒಮ್ಮೆ ಮಾತ್ರ ತಿದ್ದಬಹುದು . ಪದಾರ್ಥವೊಂದರ ತಳುಕಿಗೆ ಅದರದೇ ಪ್ರತ್ಯೇಕ ಸಂಖ್ಯೆ (serial number ) ಒಂದನ್ನು ದಾಖಲಿಸಬೇಕಾದರೆ , ಈ ರೀತಿಯ ತಳುಕುಗಳ ಉಪಯೋಗ ಮಾಡಬಹುದು .

ಎಲ್ಲ ಎಲೆಕ್ಟ್ರಾನಿಕ್ ಉಪಕರಣಗಳಂತೆ ಇಲ್ಲಿಯೂ ವಿದ್ಯುಚ್ಛಕ್ತಿಯ ಅಗತ್ಯವಿದೆ. ಬೇಕಾದ ವಿದ್ಯುತ್ತನ್ನೂ ಯಾವುದು ಪೂರೈಸುತ್ತದೆ ಎಂಬುದರ ಮೇಲೆ ತಳುಕುಗಳನ್ನು ಈ 3 ರೀತಿಯಲ್ಲಿ ತಯಾರಿಸಲಾಗುತ್ತದೆ.

Active ಅಥವಾ ಸಕ್ರಿಯ ತಳುಕುಗಳು: ಈ ತಳುಕುಗಳು ಬ್ಯಾಟರಿ ಮೂಲಕ ವಿದ್ಯುತ್ತನ್ನು ಪಡೆಯುವುದಾಗಿರುತ್ತವೆ . ಈ ತಳುಕುಗಳು ಬ್ಯಾಟರಿಯನ್ನು ತನ್ನ ಯಂತ್ರಾಂಶದಲ್ಲಿಯೇ ಹೊಂದಿರುತ್ತವೆ ಹಾಗು ನಿಯಮಿತ ಸಮಯಕ್ಕೊಮ್ಮೆ ಮಾಹಿತಿಯನ್ನು ರೇಡಿಯೋ ತರಂಗಗಳ ಮೂಲಕ ತಾವೇ ಓದುಗನತ್ತ ಪ್ರಸಾರ ಮಾಡುತ್ತವೆ . 100 ಅಡಿಗಳಷ್ಟು ದೂರದ ವರೆಗೆ ಈ ಪ್ರಾಸರಣವನ್ನು ಸೆರೆ ಹಿಡಿಯಬಹುದು. ಹೆಚ್ಚಿನ ಬ್ಯಾಟರಿಗಳ ಅಳವಡಿಕೆಯಿಂದ 300 ಅಡಿಗಳವರೆಗೆ ವಿಸ್ತೀರ್ಣವನ್ನು ಹೆಚ್ಚಿಸಬಹುದು. ಹೆಚ್ಚಿನ ಯಂತ್ರಾಂಶವನ್ನು ಹೊಂದಿದ ಕಾರಣದಿಂದ ಈ ಸಕ್ರಿಯ ತಳುಕುಗಳು ದುಬಾರಿ.

Passive ಅಥವಾ ನಿಷ್ಕ್ರಿಯ ತಳುಕುಗಳು: ಈ ತಳುಕುಗಳು ಯಾವುದೇ ವಿದ್ಯುತ್ ಮೂಲಗಳನ್ನು ಹೊಂದಿರದೆ, ಓದುಗನ ಮೇಲೆ ಅವಲಂಬಿತವಾಗಿರುತ್ತವೆ. ಓದುಗ ಕಳೆಸುವ ರೇಡಿಯೋ ತರಂಗಗಳಿಂದಲೇ ವಿದ್ಯುತ್ತನ್ನು ಪಡೆದು ಮಾಹಿತಿ ರವಾನಿಸುತ್ತವೆ . ಓದುಗನ ಮೇಲೆ ಅವಲಂಬಿಯಾದ ಕಾರಣ ಕೇವಲ 20 ಅಡಿಗಳ ವಿಸ್ತೀರ್ಣವನ್ನು ಸಾಧಿಸಬಹುದು. ಆದರೆ ಅಧಿಕ ಯಂತ್ರಾಂಶಗಳ ಅಗತ್ಯವಿರದ ಕಾರಣ ಇವು ಅಗ್ಗವಾಗಿ ದೊರೆಯುತ್ತವೆ. ಆದ ಕಾರಣ ಇವು ಮಳಿಗೆಗಳಿಗೆ ಬಹು ಸೂಕ್ತ.

Semi-Passive ಅಥವಾ ಅರೆಕ್ರಿಯ ತಳುಕುಗಳು: ಈ ತಳುಕುಗಳೂ ಸಕ್ರಿಯ ಸೋದರರರಂತೆ ತಮ್ಮಲಿಯೇ ವಿದ್ಯುತ್ಪೂರಕವನ್ನು ಹೊಂದಿರುತ್ತವೆ . ಆದರೆ ಅಷ್ಟು ಪ್ರಬಲವಾದುವನ್ನು ಹೊಂದಿರುವುದಿಲ್ಲ. ಇವು ಓದುಗನ ಉಪಸ್ಥಿತಿಯಲ್ಲಿ ಮಾತ್ರ ಸಕ್ರಿಯಗೊಳ್ಳುತ್ತವೆ. ಓದುಗ ತಳುಕನ್ನು ಮಾಹಿತಿಗಾಗಿ ಪ್ರಚೋದಿಸಿದಾಗಲಷ್ಟೇ ಮಾಹಿತಿ ರವಾನಿಸಲು ಬೇಕಾದಷ್ಟು ಸಾಮರ್ಥ್ಯವುಳ್ಳ ಯಂತ್ರಾಂಶ ಹೊಂದಿರುತ್ತವೆ.

ಈ ರೀತಿಯ ತಳುಕುಗಳು ಹಾಗೂ ಅವುಗಳ ಓದುಗಗಳ ಸಂಯೋಗದಿಂದ 3 ರೀತಿಯ ಸಂಯೋಜನೆಗಳನ್ನು ಮಾಡಬಹುದು: ಸಕ್ರಿಯ ತಳುಕು-ಸಕ್ರಿಯ ಓದುಗ ,ನಿಷ್ಕ್ರಿಯ ತಳುಕು-ಸಕ್ರಿಯ ಓದುಗ ,ಸಕ್ರಿಯ ತಳುಕು ಸಕ್ರಿಯ ಓದುಗ (ಇದರ ಒಂದು ಅನುಷ್ಥಾನವೇ ಅರೆಕ್ರಿಯ ತಳುಕುಗಳು).

ಲೇಖಕ: ಶ್ರವಣ್ ಕುಲಕರ್ಣಿ

೨೦೧೧ರಲ್ಲಿ B.E ಪದವಿ ಹೊಂದಿ , embedded ಹಾಗು android developmentನಲ್ಲಿ ಅನುಭವ. ಸಾಹಿತ್ಯ ಹಾಗು ನಾಟಕಗಳಲ್ಲಿ ಆಸಕ್ತಿ. ಮುಕ್ತ ತಂತ್ರಜ್ಞಾನದಲ್ಲಿ ಹೆಚ್ಚುತ್ತಿರುವ ಒಲವು .ಸಂಧೀಲ್ ಸಮಾರಾಧನೆ ಎಂಬ ತಂಡದ ಮೂಲಕ ಕಿರುಚಿತ್ರಗಳ ನಿರ್ಮಾಣ ವಾರಾಂತ್ಯದ ಹವ್ಯಾಸಿ ಚಟುವಟಿಕೆ.

ಮುಂದೆ ಓದಿ

ಗಣರಾಜ್ಯೋತ್ಸವ – ಅಲೆ ೧೦ – ಬೆಳೆಯುತ್ತಿರುವ ಮೊಬೈಲ್ ಫೋನ್ ಗಳ ಜಗತ್ತಿಗೆ ಸುರಕ್ಷೆ ಅವಶ್ಯ

ಪ್ರಕಟಿಸಿದ್ದು ದಿನಾಂಕ Jan 11, 2013 ವಿಭಾಗ 2013, ale3 | 0 ಪ್ರತಿಕ್ರಿಯೆಗಳು

ದಿನ ದಿನ ಬಗೆ ಬಗೆಯ ಸ್ಮಾರ್ಟ್ ಮೊಬೈಲ್ ಫೋನ್ ಗಳ ಆವಿಷ್ಕಾರದ ಜೊತೆ ಜೊತೆಗೆ ಅವುಗಳ ಸಾಮರ್ಥ್ಯ ಗಣಕಯಂತ್ರಗಳನ್ನು ಹೋಲುವಲ್ಲಿ ಯಶಸ್ವಿಯಾಗುತ್ತಿದೆ. ಸಾಮಾನ್ಯ ಮನುಷ್ಯನಿಂದ ಹಿಡಿದು ಐಟಿ ದಿಗ್ಗಜರೂ ಕೂಡ ತಮ್ಮ ದೈನಂದಿನ ಕೆಲಸ ಕಾರ್ಯಗಳಿಗೆ ಮೊಬೈಲ್ ಫೋ‌ನ್‌ಗಳ ಮೊರೆ ಹೋಗುತ್ತಿದ್ದಾರೆ. ಶಾಪಿಂಗ್ ಮಾಡಲು, ಸಿನಿಮಾ ಟಿಕೆಟ್ ಖರೀದಿಸಲು, ಹಣ ಪಾವತಿಸಲು, ಹೀಗೆ ಹಲವಾರು ಕೆಲಸಗಳು ತಮ್ಮ ಪುಟ್ಟ ಮೊಬೈಲ್ ಫೋನ್ ಗಳ ಸಹಾಯದಿಂದ ಕ್ಷಣಾರ್ಧದಲ್ಲಿ ಮುಗಿಸುತ್ತಾರೆ. ಆದರೆ ಅದು ಎಷ್ಟು ಸುರಕ್ಷಿತ ಎಂಬುದನ್ನು ಯೋಚಿಸುವ ಗೊಡವೆಗೆ ಹೋಗುವುದಿಲ್ಲ. ಗಣಕಯಂತ್ರಗಳಲ್ಲಿ ಸುರಕ್ಷತೆಯ ಕೊರತೆಯಿಂದಾಗುವ  ಕಂಡು ಬರುವ ಎಲ್ಲಾ ರೀತಿಯ ದುಷ್ಪರಿಣಾಮಗಳು ನಾವು ಮೊಬೈಲ್ ಫೋನ್ ಗಳಲ್ಲೂ ಸಹ ಕಾಣಬಹುದು. ಮೊಬೈಲ್ ಫೋನ್ ಗಳ ಕಾರ್ಯ ಕ್ಷಮತೆಯ ವೇಗ ಹೆಚ್ಚಿದಂತೆ ಅವುಗಳ ಅಂತರ್ಜಾಲ ಸಂಪರ್ಕ ಸಾಮರ್ಥ್ಯವು ಹೆಚ್ಚಾಗಿದೆ. ಇದರಿಂದ ನಿಮ್ಮ ವೈಯುಕ್ತಿಕ ಹಾಗು ಗೌಪ್ಯ ಮಾಹಿತಿಯು ಎಲ್ಲರಿಗೂ ಮುಕ್ತವಾಗಿ ಸೋರಿ ಹೋಗುವ ಸಾದ್ಯತೆಗಳಿವೆ. ಇಂತಹ ಹಲವಾರು ಮಾಹಿತಿಗಳು ವೈರಸ್ ಅಥವಾ ಮಾಲ್ವೇರ್ ಸಹಾಯದಿಂದ ಸುಲಭವಾಗಿ ಅಟ್ಯಾಕರ್ ಗಳ ಪಾಲಾಗಬಹುದು. ದಿನಕ್ಕೆ ಸಾವಿರಾರು ಮೊಬೈಲ್ ತಂತ್ರಾಶಗಳು ಅಭಿವೃದ್ದಿಯಾಗುವುದರ ಜೊತೆಗೆ ಸುರಕ್ಷತೆಯ ಕೊರತೆಯೂ ಗಣನೀಯವಾಗಿ ಹೆಚ್ಚಾಗಿದೆ.

ಮೊಬೈಲ್ ಸುರಕ್ಷತೆಯ ಮಾರ್ಗಗಳಲ್ಲಿ ಪ್ರಮುಖವಾದುದು ಆಂಟಿ-ವೈರಸ್ ಬಳಕೆ:
ಆರಂಭದ ದಿನಗಳಲ್ಲಿ ಗಣಕಯಂತ್ರಕ್ಕೆ ಮಾತ್ರ ಸೀಮಿತವಾಗಿದ್ದ, ಸುರಕ್ಷತೆಯ ಮಾರ್ಗವಾಗಿ ತಯಾರಾಗುತ್ತಿದ್ದ ಆಂಟಿ ವೈರಸ್ ಗಳು, ನಂತರದ ದಿನಗಳಲ್ಲಿ ಮೊಬೈಲ್ ಜಗತ್ತಿಗೂ ಕಾಲಿರಿಸಿದವು. ಎಲ್ಲಾ  ಮಾಹಿತಿ ಸುರಕ್ಷೆಯ ಬಗ್ಗೆ ಗಮನ ಹರಿಸುವ ಪ್ರತಿಷ್ಠಿತ ಕಂಪೆನಿಗಳು (ಉದಾ: Kasperksy, Trend Micro, Symatec, Mcafee, AVG, ಮುಂತಾದವು) ಮೊಬೈಲ್ ಆಂಟಿವೈರಸ್ ತಂತ್ರಾಂಶಗಳನ್ನು ಬಿಡುಗಡೆ ಮಾಡಿವೆ. ಇದರಲ್ಲಿ ಕೆಲವು ಪರವಾನಗಿ ಸಹಿತ ತಂತ್ರಾಂಶಗಳು,  ಪರವಾನಗಿ ಸಹಿತ ಆಂಟಿವೈರಸ್ ತಂತ್ರಾಶಗಳು ಪರವಾನಗಿ ರಹಿತ ತಂತ್ರಾಶಗಳಿಂತ ಹೆಚ್ಚಿನ ಅನುಕೂಲತೆಗಳನ್ನು ಹೊಂದಿರುತ್ತವೆ. ನಿಮ್ಮ ಮೊಬೈಲ್ ಬಳಕೆ, ಅಂರ್ತಜಾಲದಲ್ಲಿ ಮಾಹಿತಿ ವಿನಿಯೋಗ, ಅದರಲ್ಲಿನ ಮಾಹಿತಿ ಸುರಕ್ಷತೆಯ ಪ್ರಾಮುಖ್ಯತೆಯ ಮೇರೆಗೆ ಆಂಟಿವೈರಸ್ ಗಳನ್ನು ಅನುಸ್ಥಾಪಿಸ ಕೊಳ್ಳಬಹುದು.

ಆಂಟಿವೈರಸ್ ಬಳಸುವುದರಿಂದ:
ಅ. ನಿಮ್ಮ ಮೊಬೈಲ್ ನಲ್ಲಿರುವ ಕಡತಗಳು ಹಾಗು ಯಾವುದೇ ಮಾಹಿತಿಗಳ ಸೋರಿಕೆಯನ್ನು ತಡೆಯಬಹುದು.
ಆ. ಮೊಬೈಲ್ ನಲ್ಲಿ ಆಗಲೇ ಅನುಸ್ಥಾಪಿತವಾಗಿರುವ ತಂತ್ರಾಶಗಳು ಇತರೆ ವೈರಸ್, ಮಾಲ್ವೇರ್ ಗಳಿಂದಾಗುವ ತೊಂದರೆಗಳನ್ನು ತಡೆಗಟ್ಟಬಹುದು.
ಇ. ಆಂಟಿವೈರಸ್ ನಲ್ಲಿ ನಿಮ್ಮ ಅಗತ್ಯನುಸಾರ ಅಂತರ್ಜಾಲದಲ್ಲಿ ಬ್ರೌಸಿಂಗ್ ಅನ್ನು ಸುರಕ್ಷಿತಗೊಳಿಸಬಹುದು.
ಈ. ನಿಮ್ಮ ಅಂತರ್ಜಾಲ ಬ್ರೌಸಿಂಗ್ ಗುರುತುಗಳನ್ನು ಗೋಪ್ಯವಾಗಿಡಬಹುದು.
ಉ. ಮೊಬೈಲ್ ತಂತ್ರಜ್ಞಾನ ಬೆಳೆದಂತೆ ಅದರ ಮೌಲ್ಯ ಕೂಡ ಹೆಚ್ಚಾಗಿದೆ. ವೈಯುಕ್ತಿಕ ಕೆಲಸಗಳಿಗಾಗಿ ಉಪಯೋಗವಾಗುತ್ತಿದ್ದ  ಮೊಬೈಲ್ ಗಳು, ಇತ್ತೀಚೆಗೆ ಕಂಪನಿಯ ಕೆಲಸಗಳನ್ನು ನಿರ್ವಹಿಸುವಶ್ಟು ಸಾಮರ್ಥ್ಯವನ್ನು ಹೊಂದಿವೆ. ಕಂಪನಿಯ ಮಿಂಚಂಚೆಗಳನ್ನು ನೋಡುವುದು, ನಿಂತಲ್ಲಿಯೇ ಹೊಸ ಕಡತಗಳನ್ನು ಸ್ರುಷ್ಟಿಸ ಬಹುದು. ಇದರಿಂದಾಗಿ ಮೊಬೈಲ್ ಗಳ ಕಳ್ಳತನಗಳು ಸಾಮಾನ್ಯವಾಗಿವೆ. ಕೆಲವು ಮೊಬೈಲ್ ಆಂಟಿ-ವೈರಸ್ ತಂತ್ರಾಶಗಳು ಕಳುವಾದ ಮೊಬೈಲ್ ಗಳನ್ನು ಹುಡುಕುವಲ್ಲಿ ಸಹಾಯಕ್ಕೆ ಬರುವುದು.
ಊ. ಮೊಬೈಲ್ ಗಳ ಬಳಕೆ ಸುಲಭವಾದ್ದರಿಂದ ಮಕ್ಕಳಿಗೂ ಅದು ಅಚ್ಚು ಮೆಚ್ಚು. ಮಕ್ಕಳು ಆಟವಾಡಲು, ವಿದ್ಯಾರ್ಥಿಗಳು ತತ್ ಕ್ಷಣದ ಮಾಹಿತಿಗಳಿಗಾಗಿ ಮೊಬೈಲ್ ಮೊರೆ ಹೋಗುವುದು ಸಾಮಾನ್ಯವಾಗಿದೆ. ಇನ್ನು ಕೆಲವು ಮನೆಗಳಲ್ಲಿ ಮಕ್ಕಳಿಗೂ ಪ್ರತ್ಯೇಕ ಮೊಬೈಲ್ ಗಳನ್ನು ಕೊಡಿಸಿರುತ್ತಾರೆ. ಮೊಬೈಲ್ ಆಂಟಿ-ವೈರಸ್ ತಂತ್ರಾಶಗಳು ಮಕ್ಕಳಿಗೆ ಅಗತ್ಯವಿಲ್ಲದ, ಅನವಶ್ಯಕ ಮಾಹಿತಿಗಳನ್ನು ಬ್ರೌಸ್ ಮಾಡುವದನ್ನು ತಡೆಯಬಲ್ಲುದು. ಹಾಗೆಯೇ ಮಕ್ಕಳ ಹಾಗು-ಹೋಗುಗಳನ್ನು ತಮ್ಮ ತಂದೆತಾಯಿಗಳಿಗೆ ತಿಳಿಸುವಲ್ಲಿ ಸಹಾಯ ಮಾಡಬಲ್ಲದು.
ಋ. ಅನವಶ್ಯಕ ಕರೆಗಳು ಅಥವಾ ಮೆಸ್ಸೇಜ್ ಗಳನ್ನು ತಡೆಯಬಹುದು.

ಗಣಕಯಂತ್ರ ಹಾಗು ಮೊಬೈಲ್ ಗಳ ಕಾರ್ಯ ನಿರ್ವಹಿಸುವ ಅಂತರ ಕಡಿಮೆಯಾದಂತೆ, ಗಣಕಯಂತ್ರ ಗಳಿಗೆ ಅನ್ವಯವಾಗುವ ಎಲ್ಲಾ ಸುರಕ್ಷಯ ಮಾರ್ಗಗಳನ್ನು ನಾವು ಇಲ್ಲಿಸ್ಮರಿಸಬಹುದು. ಕೆಲವು ಮುಖ್ಯ ಸೆಕ್ಯುರಿಟಿ ಪಾಲಿಸಿಗಳನ್ನು ಗಮನಿಸಿ.

ಅ. ಮೊಬೈಲ್ ಪ್ರವೇಶ ದ್ವಾರಗಳಿಗೆ ಪಾಸ್ ವರ್ಡ್ ಅಥವಾ  ಪ್ಯಾಟರ್ನ್ ಗಳುಳ್ಳ(ರೇಖಾಚಿತ್ರದ)  ಪಾಸ್ ಕೀ ಗಳನ್ನು ಬಳಸಿ. ಹಲವು ಬಾರಿ ತಪ್ಪಾದ ಪಾಸ್ ವರ್ಡ್ ಬಳಕೆಯಾದರೆ, ನಿಮ್ಮ ಮೊಬೈಲ್ ನಲ್ಲಿರುವ ಮಾಹಿತಿಗಳನ್ನು ಸಂಪೂರ್ಣವಾಗಿ ಅಳಿಸಿ ಹಾಕುವಂತೆ ಸೆಟ್ ಮಾಡಿ ಕೊಳ್ಳಿ.
ಆ. ಮಾಹಿತಿ ವಿನಿಮಯ ಹಾಗು ನಿಮ್ಮ ಮುಖ್ಯ ಕೆಲಸಗಳಿಗೆ ನಂಬಿಕಾರ್ಹ ಮೊಬೈಲ್ ಗಳನ್ನು ಮಾತ್ರ ಬಳಸಿ.
ಇ. ನಿಮ್ಮ ಮೊಬೈಲ್ ಗಳು ನಂಬಲರ್ಹವಲ್ಲದ ನೆಟ್ ವರ್ಕ್ ಹಾಗು ಮಾಹಿತಿಗಳ ಸಂಪರ್ಕ ಹೊಂದದಂತೆ ಕಾಳಜಿ ವಹಿಸಿ.
ಈ. ಅಪರಿಚಿತ ಹೊಸ ಮೊಬೈಲ್ ತಂತ್ರಾಂಶಗಳನ್ನು ಅನುಸ್ಥಾಪಿಸವುದನ್ನು ತಪ್ಪಿಸಿ.
ಉ. ಆಗಲೇ ಅನುಸ್ಥಾಪಿತವಾಗಿರುವ ಮೊಬೈಲ್ ತಂತ್ರಾಂಶಗಳ ತಂತ್ರಾಂಶಗಳ ಅಪ್ಡೇಟ್ ಗಳನ್ನು ಬಳಸಿ.
ಊ. ಮೊಬೈಲ್ ಅಂತರ್ಜಾಲ ಬಳಕೆಸುವಾಗ ನಿಮಗಲ್ಲದ ಮಿಂಚಂಚೆಗಳನ್ನು ನೋಡುವುದಾಗಲಿ, ಅಟ್ಯಾಚ್ಮೆಂಟ್ ಗಳನ್ನು ಡೌನ್ಲೋಡ್ ಮಾಡುವುದನ್ನು ತಪ್ಪಿಸಿ.
ಋ. ಮೊಬೈಲ್ ಡಿಸ್ಕ್ ಗಳನ್ನು ಎನ್ಕ್ರಿಪ್ಟ್ ಮಾಡಿ ಸಂರಕ್ಷಿಸಿ.
ಎ. ಇವೆಲ್ಲೆಕ್ಕು ಮುಖ್ಯ ನಿಮ್ಮ ಮೊಬೈಲ್ ಬೇರೆಯವರ ಕೈ ಸೇರದಂತೆ ಎಚ್ಚರವಹಿಸಿ.

ಪ್ರಸ್ತುತ ಮೊಬೈಲ್ ತಂತ್ರಜ್ಞಾನ ಕ್ಷೇತ್ರದಲ್ಲಿ ಸುರಕ್ಷೆಯ ಕೊರತೆಯಿಂದಾಗುವ ದುಷ್ಪರಿಣಾಮದ ಸಾಧ್ಯತೆಗಳನ್ನು ತಡೆಯಲು ಇರುವ ಮಾರ್ಗಗಳನ್ನು ಪರಿಚಯಿಸಿಕೊಡುವುದು ಈ ಅಲೆಯ ಮುಖ್ಯ ಉದ್ದೇಶ. ಇಲ್ಲಿ ಕೆಲವು ಅತೀ ಮುಖ್ಯವೆನಿಸುವ ಸಮಸ್ಯೆಗಳನ್ನು ಮಾತ್ರ ನಿಮಗೆ ಪರಿಚಯಿಸಿದ್ದೇನೆ.

ಲೇಖಕಿ: ಪವಿತ್ರ. ಹೆಚ್

ಸಾಫ್ಟ್ ವೇರ್  ಪ್ರಪಂಚದ ಮಾಹಿತಿ ಸುರಕ್ಷೆಯ ಬಗ್ಗೆ ರಿಸರ್ಚ್ ಸ್ಪೆಷಲಿಸ್ಟ್ ಆಗಿರುವ ಇವರು, ಪರಿಸರ ಪ್ರೇಮಿ. ಕಂಪ್ಯೂಟರ್ ಸೈನ್ಸ್ ನಲ್ಲಿ ಸ್ನಾತಕೋತ್ತರ ಪದವಿಯ ಜೊತೆಗೆ ಬರವಣಿಗೆಯ ವಿಶ್ಲೇಷಣೆ (Handwriting Analysis) ಯಲ್ಲಿಯೂ ಪದವಿಯನ್ನು ಹೊಂದಿದ್ದಾರೆ. ಇವರು ಬಿಡುವಿನ ಸಮಯದಲ್ಲಿ ಕಿಂದರಜೋಗಿ, ಕನ್ನಡ ವಿಕಿಪೀಡಿಯ ಹಾಗು ಇತರೆ ಕನ್ನಡೇತರ ಚಟುವಟಿಕೆಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಹಾಗೆಯೇ ಪ್ರಕೃತಿಯ ಸಹಜ ಸೌಂದರ್ಯವನ್ನು ಕ್ಯಾಮೆರಾದ ಕಣ್ಣಿನಿಂದ ಸೆರೆಹಿಡಿಯುವ ಉದಯೋನ್ಮುಕ ಛಾಯಾಗ್ರಾಹಕಿ.

ಮುಂದೆ ಓದಿ

ಗಣರಾಜ್ಯೋತ್ಸವ – ಅಲೆ ೯ – ಸ್ಮಾರ್ಟ್ ಫೋನುಗಳಲ್ಲಿನ ಟೈಂಪಾಸ್ ಆಟಗಳು

ಪ್ರಕಟಿಸಿದ್ದು ದಿನಾಂಕ Jan 10, 2013 ವಿಭಾಗ 2013, ale3 | 0 ಪ್ರತಿಕ್ರಿಯೆಗಳು

“ನಾವು ಯಾಕಾದ್ರೂ ಕೇಬಲ್ ಹಾಕ್ಸಿದೆವೋ, ಮಗ ಓದ್ತಾನೇ ಇಲ್ಲ”, “ನಾನು ಯಾಕಾದ್ರೂ ಇವಳಿಗೆ ಮೊಬೈಲ್ ಕೊಡ್ಸುದ್ನೋ, ಕಾಲೇಜ್ ಫ್ರೆಂಡ್ಸಿಗೆ ಯಾವಾಗ್ಲೂ SMS ಮಾಡ್ತಾನೇ ಇರ್ತಾಳೆ, ಕರೆನ್ಸಿ ಹಾಕ್ಸೀ ಹಾಕ್ಸೀ ಸಾಕಾಗಿದೆ” ಇಂತಹ ಮಾತುಗಳನ್ನು ನೀವು ಕೇಳಿಯೇ ಇರ್ತೀರಿ. ಆದರೆ, ಇವೆಲ್ಲವುಗಳನ್ನು ನೀವಾಳಿಸುವಂತಹ ಮಾತೆಂದರೆ. “ನಮ್ಮ ಮಗು ಟಾಕಿಂಗ್ ಟಾಮ್ ಹಾಕಿದ್ರೇನೆ ಊಟ ಮಾಡೋದು !!!!!” ಏನಿದು ಟಾಕಿಂಗ್ ಟಾಮ್ ? ಈಗಿನ ಚಿಕ್ಕಮಕ್ಕಳಿಗೆ ಊಟ ಮಾಡಿಸಲು ಅಮ್ಮಂದಿರು ಕಂಡು ಕೊಂಡಿರುವ ಉಪಾಯವೆಂದರೆ ಸ್ಮಾರ್ಟ್-ಫೋನುಗಳ ಆಟಗಳು. ಮಕ್ಕಳ ಊಟ ಮಾಡಿಸಲು ಬೆಕ್ಕಿನ ಸಹಾಯ ಬೇಕು ಎಂದರೆ ನೀವು ನಂಬಲೇಬೇಕು. ಈ ಸ್ಮಾರ್ಟ್ ಫೋನುಗಳು ಮಾಡಿರುವ ಮೋಡಿ ಒಂದೇ ಎರಡೇ.. ಟಾಕಿಂಗ್ ಟಾಮ್ ಐದು ಮನಸೆಳೆಯುವಂತಹ ಆಟಗಳನ್ನು ನಿಮಗೆ ಪರಿಚಯಿಸುವುದೇ ಈ ಬರಹದ ಉದ್ದೇಶ.

೧. Angry Birds – ಆಂಗ್ರಿ ಬರ್ಡ್ಸ್ ಹೆಸರು ಕೇಳಿರದ ಮಗು ಇಲ್ಲವೇ ಇಲ್ಲ ಎನ್ನಬಹುದೇನೋ. ಅಷ್ಟರ ಮಟ್ಟಿಗೆ ಇದು ಮೋಡಿ ಮಾಡಿದೆ. ಇದರ ಕತೆ ಹೀಗೆ. ಸುಂದರ ಪಕ್ಷಿಗೂಡು. ಅದರಲ್ಲಿ ಪಕ್ಷಿ ಕುಟುಂಬದ ವಾಸ. ಪಕ್ಷಿಗಳು ಹೊರಗಡೆ ಹೋದಾಗ, ಎಲ್ಲಿಂದಲೋ ಬಂದ ಹಂದಿಗಳು, ಮೊಟ್ಟೆಗಳನ್ನು ಕದ್ದೊಯ್ಯುತ್ತವೆ. ಆ ಕಳ್ಳ-ಹಂದಿಗಳನ್ನು ಹೊಡೆದುರುಳಿಸುವುದೇ ಹಕ್ಕಿಗಳ ಕೆಲಸ. ಇದಕ್ಕಾಗಿ ಅನೇಕ ಉಪಾಯಗಳನ್ನು ಹೂಡುತ್ತವೆ.. ಕಥಾಸಾರ ಇಷ್ಟೇ. ಆದರೆ, ಮುಂದೆ ಸಾಗುತ್ತ ಸಾಗುತ್ತ, ಅನೇಕ ಮಜಲುಗಳು ತೆರೆಯುತ್ತಾ ಹೋಗುತ್ತವೆ. ಈ ಆಟದಲ್ಲಿ ಆ ಪಕ್ಷಿಗಳು ಮಾಡುವ ಸದ್ದು ಕೂಡ ಅಷ್ಟೇ ಸ್ವಾರಸ್ಯಕರ.

೨. Talking Tom – ಇದು ಒಂದು ಬೆಕ್ಕು. ನಾವು ಏನು ಮಾತನಾಡುತ್ತೇವೆಯೇ ಅದನ್ನೇ ಬೆಕ್ಕಿನ ರೀತಿಯಲ್ಲಿ ಹೇಳುತ್ತದೆ. ಹಾಗೆಯೇ ಅನೇಕ ಬಗೆಬಗೆಯ ಹಾವಭಾವ, ಬಿಂಕುಬಿನ್ನಾಣಗಳನ್ನು ಪ್ರದರ್ಶಿಸುತ್ತದೆ. ಉದಾ :- ಇದಕ್ಕೆ ಹಾಲು ಕುಡಿಸಬಹುದು. ಮೂತಿ ನೀವರಿಸಬಹುದು. ಹಾಗೆಯೇ, ಇದರ ಬಾಲ ತುಳಿದಾಗ, ಕೋಪವೂ ಬರುತ್ತದೆ. ಇದು ಮಾತನಾಡುವ ಶೈಲಿ ಯಾರನ್ನೇ ಆದರೂ ಮಾತನಾಡಲು ಪ್ರೇರೇಪಿಸುತ್ತದೆ. ಇದನ್ನೇ ಬಳಸಿ, ಮಲ್ಲಿ ಸಣ್ಣಪ್ಪನವರ್ ಎನ್ನುವವರು ಹೊಸ ವರ್ಷದ ಶುಭಾಶಯಗಳನ್ನು ಹೀಗೂ ಮಾಡಬಹುದು ಎಂಬುದನ್ನು ತೋರಿಸಿಕೊಟ್ಟಿದ್ದಾರೆ. ಕೆಳಗಿನ ಚಿತ್ರವನ್ನು ಕ್ಲಿಕ್ಕಿಸಿ, ಅದನ್ನು ಕೇಳಿ ಆನಂದಿಸಿ.

೩. Water – ಇದು ಡಿಸ್ನಿಯವರು ತಯಾರು ಮಾಡಿರುವ ಆಟ. ಇದರ ಕಥಾನಾಯಕ ಒಂದು ಮೊಸಳೆ. ಇದಕ್ಕೆ ನಾವು ಸ್ನಾನ ಮಾಡಿಸಬೇಕು. ಆದರೆ ನೀರಿಲ್ಲ. ಅಲ್ಲೆಲ್ಲೋ ಇರುವ ನೀರನ್ನು ಇದರ ಸ್ನಾನದ ಕೋಣೆಗೆ ತರಿಸಿಬೇಕು. ಅಷ್ಟೇ. ಹಿಂದೆ ಭಗೀರಥ ಗಂಗೆಯಂಥ ಗಂಗೆಯನ್ನು ಭೂಲೋಕಕ್ಕೆ ತರಿಸಲು ಎಷ್ಟೆಷ್ಟೋ ಕಷ್ಟ ಪಟ್ಟಿದ್ದನಂತೆ. ಮುಂದೆ ಹೋದಂತೆಲ್ಲ, ನೀರಿನ ಜೊತೆ, ಆಸಿಡ್ ಕೂಡ ಬರುತ್ತದೆ. ನೀರು ಮತ್ತು ಆಸಿಡ್ ಬೆರೆಯದಂತೆ ಮಾಡಿ, ಕೇವಲ ನೀರು ಮಾತ್ರವೇ ಸ್ನಾನದ ಕೋಣೆಗೆ ಹೋಗುವಂತೆ ಮಾಡಬೇಕು. ನಾವೆಲ್ಲರೂ ಅಭಿನವ ಭಗೀರಥರಾಗಬೇಕಿದ್ದರೆ, ಈ ಆಟವನ್ನು ಆಡಲೇಬೇಕು.

೪. Cut the Rope – ಇದರ ಕಥಾನಾಯಕ ನಾಯಿಮರಿ. “ನಾಯಿಮರಿ ನಾಯಿಮರಿ ತಿಂಡಿ ಬೇಕೆ” ಹಾಡು ಕೇಳದ ಕನ್ನಡದ ಮಕ್ಕಳು ಇಲ್ಲವೇ ಇಲ್ಲವೇನೋ. ಈ ಆಟವೂ ಹಾಗೆ. ಆ ನಾಯಿಮರಿಗೆ ನಾವು ತಿಂಡಿ ಕೊಡಿಸಬೇಕು. ಇದಕ್ಕೆ ನೂರಾರು ಅಡಚಣೆಗಳು. ಅದರಲ್ಲಿ ಬಹುದೊಡ್ಡ ಅಡಚಣೆಯೆಂದರೆ ಮುಳ್ಳುಗಳು ಮತ್ತು ಜೇಡಗಳು. ಇವುಗಳು ತಿಂಡಿಯನ್ನು ನಾಯಿಮರಿಗೆ ತಿನ್ನಿಸುವ ಹಾದಿಯಲ್ಲಿ ಅಡ್ಡಗಾಲು ಇಡುತ್ತಿರುತ್ತವೆ.

೫. Temple Run – ಇದರಲ್ಲಿ ಬರುವವರು ಒಂದು ರೀತಿಯ ಸಾಹಸಿಗಳು. ಇವರು ಅದ್ಯಾವುದೋ ಹಳೆ ಕಾಲದ ದೇವಸ್ಥಾನವನ್ನು ಹೊಕ್ಕಿರುತ್ತಾರೆ. ಆಗ, ಅಲ್ಲಿರುವ ಪಿಶಾಚಿಯಂತಹ ಕಾವಲುಗಾರರು ಇವರನ್ನು ಅಟ್ಟಿಸಿಕೊಂಡು ಬರುತ್ತಾರೆ. ಇವರು ತಪ್ಪಿಸಿಕೊಳ್ಳಬೇಕು. ಹೀಗೆ ಸುಮ್ಮನೆ ಓಡುತ್ತಲೇ ಇರಬೇಕು. ಹಾಗೆಯೇ ಓಡುವಾಗ ಅನೇಕ ಅಡಚಣೆಗಳು ಎದುರಾಗುತ್ತವೆ.

ಇಷ್ಟೇ ಅಲ್ಲದೆ, ಪಿಟ್ಜಾ ಪಾರ್ಟಿ, ಫಾರ್ಮ್-ಫ್ರೆನ್ಸಿ, ವೂಡೂ ಫ್ರೆಂಡ್ಸ್. ಆಂಟ್ ಸ್ಮಾಶರ್, ಡ್ರೆಸ್ ಪ್ರಿನ್ಸೆಸ್, ಸ್ಟಿಕ್ ಟೆನ್ನಿಸ್, ಸ್ಟಿಕ್ ಕ್ರಿಕೆಟ್, ಗಾರ್ಡೆನ್ ವಾರ್…. ಹೀಗೆ ಅನೇಕ ಆಟಗಳಿವೆ. ಇನ್ನೇಕ ತಡ.. ನಿಮ್ಮ ನಿಮ್ಮ ಸ್ಮಾರ್ಟ್ ಫೋನ್ ತೆಗೆದು, ಆಟಗಳನ್ನು ಆಡಲು ಅನುವಾಗಿ.

ಲೇಖಕ: ಸುನಿಲ್ ಜಯಪ್ರಕಾಶ್

ಸಹೃದಯಿ ಕನ್ನಡ ಗೆಳೆಯರಿಗೆ ನನ್ನ ನಮನಗಳು. “ನನ್ನಿ ಸುನಿಲ” ಎಂಬುದು ನನಗೂ ಇಷ್ಟವಾದ ಹೆಸರು. www.chukkiworks.com ನ ಕಣಸುಗಾರ. ವಯೋಲೀನ್ ಕಲೆ ರೂಢಿಸಿಕೊಳ್ಳಬೇಕೆಂಬುದು ನನ್ನ ಮತ್ತೊಂದು ಕಣಸು. ಇವುಗಳ ನಡುವೆ ಆಸೆಗಳು ಚಿಗುರೊಡೆಯುತ್ತಲೇ ಇರುತ್ತವೆ…[email protected]

ಮುಂದೆ ಓದಿ

ಗಣರಾಜ್ಯೋತ್ಸವ – ಅಲೆ ೮ – ಕನ್ನಡಕ್ಕೆ ಓ.ಸಿ.ಅರ್

ಪ್ರಕಟಿಸಿದ್ದು ದಿನಾಂಕ Jan 9, 2013 ವಿಭಾಗ 2013, ale3 | 0 ಪ್ರತಿಕ್ರಿಯೆಗಳು

ಮುಖ್ಯವಾಗಿ ಗಣಕದಲ್ಲಿ ಇರುವ ಕಡತಗಳಲ್ಲಿ ಈ ವಿಧಗಳು ಹೆಚ್ಚು: ಪಠ್ಯ, ಚಿತ್ರ, ವಿಡಿಯೋ. ಪುಸ್ತಕಗಳಲ್ಲಿ ಅಚ್ಚಾಗಿರುವ ಪುಟಗಳಿಂದ ಪಠ್ಯಗಳನ್ನು ಗಣಕ ಕಡತವಾಗಿ ಉಳಿಸಿ ಉಪಯೋಗಿಸಬೇಕಾದರೆ ಆ ಪುಟಗಳನ್ನು ಸ್ಕ್ಯಾನ್ ಮಾಡಿ ಬರಬಹುದಾದ ಚಿತ್ರಗಳನ್ನು ಹಾಗೆಯೇ ಉಪಯೋಗಿಸಬಹುದು, ಅಥವಾ ಪಠ್ಯವಾಗಿ ಪರಿವರ್ತಿಸಬಹುದು. ಎರಡನೇ ಆಯ್ಕೆಯಲ್ಲಿ ಒಂದು ಹೆಚ್ಚಿನ ಅನುಕೂಲವಿದೆ. ಏನೆಂದರೆ ಪಠ್ಯ ಕಡತದ byte ಗಾತ್ರ ಚಿತ್ರದ್ದಕ್ಕಿಂತ ಬಹಳ ಬಹಳ ಸಣ್ಣದು. ಇನ್ನೊಂದು ಮುಖ್ಯವಾದದ್ದು ಏನೆಂದರೆ ಪಠ್ಯದಲ್ಲಿ ಬಹಳ ಸುಲಭವಾಗಿ ಅದರಲ್ಲಿನ ಅಕ್ಷರಗಳನ್ನು ತೆಗೆಯಬಹುದು, ತಿದ್ದಬಹುದು ಮತ್ತು ಹೊಸದಾಗಿ ಏನನ್ನು ಬೇಕಾದರೂ ಸೇರಿಸಬಹುದು. ಅಂದರೆ ಯಾವಭಾಗನ್ನು ಬೇಕಾದರೂ ಸಂಪಾದಿಸಬಹುದು (Editable).

ಇನ್ನೂ ಒಂದು ಉಪಯೋಗವೆಂದರೆ ಪಠ್ಯ ಭಾಗದಲ್ಲಿ ಹುಡುಕುವ (search) ಸೌಲಭ್ಯವಿದೆ. ಸ್ಕ್ಯಾನ್ ಮಾಡಿ ಬರಬಹುದಾದ ಚಿತ್ರಗಳನ್ನು ಪಠ್ಯವಾಗಿ ಪರಿವರ್ತಿಸುವ ಕಾರ್ಯವನ್ನು OCR ಅನ್ನುತ್ತಾರೆ. ಇದರ ಪೂರ್ಣ ಹೆಸರು Optical Character Recognition. ಚಿತ್ರದಲ್ಲಿ ಹುದುಗಿರುವ ಬಿಳಿ-ಕರಿ ಇತ್ಯಾದಿ ಬಣ್ಣಗಳಲ್ಲಿರುವ ಅಕ್ಷರಗಳನ್ನು ಗುರುತುಹಿಡಿದು ಅದನ್ನು ಪಠ್ಯದ ನಿಯಮಾನುಸಾರ ಕಡತದಲ್ಲಿ ಶೇಖರಿಸಲು ಅನುವು ಮಾಡಿಕೊಡುವುದೇ ಆಗಿದೆ.

ಇನ್ನೊಂದು ವಿಷಯ ಏನೆಂದರೆ ಈಗ scan ಮಾಡುವ ಉಪಕರಣಗಳಲ್ಲಿಯೇ ಇಂಗ್ಲೀಷ್ ಅಂತಹ ಭಾಷೆಗಳನ್ನು OCR ಮಾಡಿಯೇ ಪಠ್ಯವನ್ನು ಉತ್ಪಾದಿಸುವ ಅನುಕೂಲಗಳಿವೆ. ಏಕೆಂದರೆ ಇಂಗ್ಲಿಷ್ ಅಂತಹ ಭಾಷೆಗಳಿಗೆ OCR ತಂತ್ರಜ್ಞಾನ ಇದೆ ಮತ್ತು ಅದು ಹೆಚ್ಚಿನ ತೊಡಕಿನವು ಅಲ್ಲ. ಕಾರಣ ಇಂಗ್ಲಿಷ್ ಅಂತಹ ಭಾಷೆಗಲ್ಲಿ ಕಡಿಮೆ ಅಕ್ಷರಗಳಿವೆ. ಕನ್ನಡದಲ್ಲಿ ಹೆಚ್ಚು ಅಕ್ಷರಗಳಿವೆ ಎನ್ನುವುದಕ್ಕಿಂಥ ಅಕ್ಷರಗಳು ಕ್ಲಿಷ್ಟವಾದವು. ಕಾಗುಣಿತ, ವೊತ್ತಕ್ಷರಗಳು ಮತ್ತು ಒಂದಕ್ಕೊಂದು ಹೋಲುವ ಅಕ್ಷರಗಳು ಗಣಕಯಂತ್ರಕ್ಕೆ ಬಹಳಷ್ಟು ಸಮಸ್ಯೆಗಳನ್ನು ಒಡ್ಡಿವೆ. ಸಾಮಾನ್ಯವಾಗಿ ಭಾರತೀಯ ಭಾಷೆಗಳೆಲ್ಲವೂ ಇದೇ ಮಟ್ಟದಲ್ಲಿವೆ. ಹಾಗಾಗಿ ಇವುಗಳಿಗೆ ಗುಣಮಟ್ಟದOCR ಇಲ್ಲ. ಹೀಗೆಂದು ಏನೂ ಶೋಧ ನಡೆದಿಲ್ಲವೆಂದಿಲ್ಲ. Tesseract ಎನ್ನುವ ತತ್ರಾಂಶ ಒಂದು ಬಹುಮುಖವಾದದ್ದು. ಇದರ ಬಹು ಮುಖ್ಯತ್ವ ಏನೆಂದರೆ ಅದರ ಕಾರ್ಯ ಸಾಧನವನ್ನು ಯಾವ ಭಾಷೆಗೆ ಬೇಕಾದರೂ ಅಳವಡಿಸಬಹುದು. ನಿಮ್ಮ ಗುರಿಯ ಭಾಷೆಯನ್ನು ಪರಿಶೀಲಿಸುವಂತಹ ತರಬೇತಿ ಮಾಡಿದ ಉಪತತ್ರಾಂಶವನ್ನು ಅದರ ಜೊತೆ ಅಳವಡಿಸಬೇಕಷ್ಟೆ. ಅಲ್ಲದೆ ಅದು ಮುಕ್ತ ತತ್ರಾಂಶ. ಅದರ ತರಬೇತಿ ಕೆಲಸವನ್ನು ಬಾಷೆಯ ವೈವಿಧ್ಯತೆ ಮತ್ತು Tesseract ತಿಳಿದವರು ಮಾಡಿ ಕನ್ನಡಕ್ಕೆ ಸೇವೆ ಸಲ್ಲಿಸಬಹುದು. ಇದರಿಂದ ಕನ್ನಡ ಅಂತರ್ಜಾಲದಲ್ಲಿ ಹೆಚ್ಚು ಪ್ರಸರಿಸಲು ಅನುಕೂಲವಾಗುತ್ತದೆ. ಈಗ ನಡೆಯಬೇಕಾಗಿರುವ ಕೆಲಸವೆಂದರೆ ಕನ್ನಡವನ್ನು Tesseract ನೊಳಗೆ ಹೊಂದಿಸುವ ಉಪ ತತ್ರಾಂಶವನ್ನು ಸಿದ್ಧಪಡಿಸುವುದು. ಇದಕ್ಕೆ ಆಗಬೇಕಾಗಿರಿರುವ ಕೆಲಸವನ್ನು ತಿಳಿಯಬೇಕಾದರೆ Tesseractನ ಮೂಲ ತತ್ರಾಂಶದ ರೂಪವನ್ನು ತಿಳಿಯಬೇಕು.

ಇದನ್ನು ವಿವರಿಸುವ ತಾಣ: http://code.google.com/p/tesseract-ocr/

ಅದರ ಲಾಭಪಡೆಯಲು ಮುಖ್ಯವಾಗಿ ಕನ್ನಡದ ಪಠ್ಯವನ್ನು ಅಥವಾ ಪ್ರತಿಬಿಂಬ (Scanned/image)ಚಿತ್ರವನ್ನು ಉಪಯೋಗಿಸಿ ಉಪ ತಂತ್ರಾಂಶವನ್ನು ಸಿದ್ಧಪಡಿಸಬೇಕು. ಇದರ ಕೆಲವು ಪ್ರಮುಖ ಘಟ್ಟಗಳನ್ನು ಇಲ್ಲಿ ತಿಳಿಸಲು ಪ್ರಯತ್ನಿಸಲಾಗಿದೆ.

೧. ಪಠ್ಯ ಅಥವಾ ಚಿತ್ರದಲ್ಲಿ ಕನ್ನಡದಲ್ಲಿ ಸಾಮಾನ್ಯವಾಗಿ ಬಳಕೆಗೆ ಬರುವ ಅಕ್ಷರಗಳ ಸೇರಿಕೆ ಇರಬೇಕು.
೨. ಪ್ರತಿ ಅಕ್ಷರದ ಆಕಾರವನ್ನು ಒಂದು ಚೌಕಟ್ಟಿನಲ್ಲಿ ಹಿಡಿದು ಆ ಆಕಾರವು ಯಾವ ಅಕ್ಷರವೆಂದು ನಿಗಧಿಪಡಿಸುವುದು ಮತ್ತು ತತ್ರಾಂಶವು ಅದನ್ನು ತನ್ನ ನಿಯಮಾವಳಿಗೆ ಸೇರಿಸಿಕೊಳ್ಳುವುದೇ ತರಬೇತಿಯ ಪ್ರಮುಖ ಉದ್ದೇಶ.
೩. ಪಠ್ಯ/ಚಿತ್ರ ಮತ್ತು ಅಕ್ಷರಗಳ ಸುತ್ತ ಚೌಕಟ್ಟನ್ನು ಮತ್ತು ಅದರ ಸರಹದ್ದನ್ನು ಸರಿಹೊಂದಿಸುವ ತತ್ರಾಂಶಗಳಿವೆ. ಇದನ್ನು ಉಪಯೋಗಿಸಿಕೊಂಡು ಚೌಕಟ್ಟಿನ ಒಳಪಟ್ಟು ಇರುವ ಕರಿ-ಬಿಳಿ ಆಕಾರಕ್ಕೆ ಯಾವ ಅಕ್ಷರವೆಂದು ನಾವು ನಿಯೋಜಿಸ ಬೇಕು.
೪. ಚಿತ್ರ ಮತ್ತು ಈ ನಿಯೋಜಿಸಿದ ಕಡತವನ್ನು ಮುಂದೆ ಉಪತತ್ರಾಂಶ ತಯಾರಿಸಲು ಉಪಯೋಗಿಸಬೇಕು. ಅದಕ್ಕೆ tesseract ನಲ್ಲಿ ಕೊಟ್ಟಿರುವ ಮೆಟ್ಟಲುಗಳನ್ನು ಅನುಸರಿಸಬೇಕು
೫. ಈ ಉಪತತ್ರಾಂಶವನ್ನು ಅದರ ತಪ್ಪು-ಒಪ್ಪುಗಳಿಗಾಗಿ ಪರೀಕ್ಷಿಸಬೇಕು ಮತ್ತು ಅದನ್ನು ಉತ್ತಮ ಪಡಿಸಬೇಕು.

ಮೇಲೆ ಹೇಳಿರುವುದು ಯಾವುದರೂ ಭಾಷೆಯ ಉಪತತ್ರಾಂಶವನ್ನು ತಯಾರಿಸುವ ವಿಧಾನ.

ಇತ್ತೀಚೆಗೆ ಕನ್ನಡದ ಉಪತತ್ರಾಂಶವನ್ನು ತಯಾರಿಸಿ ವೆಬ್ ತಾಣದಲ್ಲಿ ಸೇರಿಸಿದ್ದಾರೆ.
http://code.google.com/p/tesseract-ocr/downloads/detail?name=tesseract-ocr-3.02.kan.tar.gz&can=2&q=
ಆದರೆ ಅದು ಅಷ್ಟು ಸಮರ್ಪಕವಾಗಿಲ್ಲ. ಅದನ್ನು ಉತ್ತಮ ಪಡಿಸಬೇಕು.

ಓಸಿಆರ್ ಮಾಡಲು ವಿಂಡೋಸ್ ನಲ್ಲಿ ಉಪಯೋಗಿಸಬಹುದಾದ GUI ಇಲ್ಲಿದೆ:
http://sourceforge.net/projects/vietocr/

ಕನ್ನಡದ ಉಪತ್ರಾಂಶವನ್ನು vietocr/tessdata ಫೋಲ್ಡರ್ ನಲ್ಲೂ
C:\Program Files\Tesseract-OCR\tessdata ಸೇರಿಸಿದರೆ ಅದು ಕೆಲಸಮಾಡುತ್ತದೆ.

ನೀವೇ ಕನ್ನಡದ ಉಪತತ್ರಾಂಶವನ್ನು ತಯಾರಿಸಿಕೊಳ್ಳಲು ಅನುಸರಿಸಬೇಕಾದ ವಿಧಾನವನ್ನು ಈ ಮೆಟ್ಟಲುಗಳನ್ನು ಅನುಸರಿಸಿ tesseractಅರಿವು ಮಾಡಿಕೊಳ್ಳಿ; (ಇದು ಸುಮ್ಮನೆ ಪುಳಕಗೊಳ್ಳಲು ಅಷ್ಟೆ – ಪೂರ್ಣಪ್ರಮಾಣದಲ್ಲಿ ಕೆಲಸಮಾಡುವ ತತ್ರಾಂಶ ಇನ್ನೂ ತಯಾರಿಕಾ ಹಂತದಲ್ಲಿದೆ).

೧. Notepad ಉಪಯೋಗಿಸಿ (ನಿಮ್ಮ ಗಣಕಯಂತ್ರದಲ್ಲಿ ಕನ್ನಡ ಬರುವಂತೆ ಇದ್ದರೆ) Tunga font ನಲ್ಲಿ ಒಂದು ಕನ್ನಡದ text ಕಡತ ತಯಾರು ಮಾಡಿ.
೨. http://code.google.com/p/txt2img/downloads/list ಗೆ ಹೋಗಿ txt2img ಗೆ ಹೋಗಿ txt2img ತತ್ರಾಂಶವನ್ನು ನಿಮ್ಮ ಗಣಕ್ಕೆ ಇಳಿಸಿಕೊಂಡು ನೀವು ಕನ್ನಡದ ಕಡತದ image ಮತ್ತು box ತಯಾರಿಸಿ, http://sourceforge.net/projects/vietocr/files/jTessBoxEditor/ ಉಪಯೋಗಿಸಿ ಒಪ್ಪುತಪ್ಪುಗಳನ್ನು ಸರಿಪಡಿಸಿ (ಇದಕ್ಕೆ Cowler box editor ಎನ್ನುವ ಇನ್ನೊಂದು ಸಾಧನವನ್ನೂ ಉಪಯೋಗಿಸಬಹುದು).
೩. ವಿಂಡೋಸ್‌ನಲ್ಲಿ ಉಪಯೋಗಿಸಬಹುದಾದ tesseract ತತ್ರಾಂಶವನ್ನು http://code.google.com/p/tesseract-ocr/downloads/detail?name=tesseract-ocr-setup-3.02.02.exe&can=2&q= ನಿಮ್ಮ ಗಣಕದಲ್ಲಿ install ಮಾಡಿ, ಮೂಲ tesseract ವಿಕಿ ಪುಟದಲ್ಲಿ ಹೇಳಿರುವಂತೆ ಒಂದು ಕನ್ನಡಕ್ಕೆ ಉಪತತ್ರಾಂಶವನ್ನು ತಯಾರುಮಾಡಿ ಪರೀಕ್ಷಿಸಿ.

ಲೇಖಕ: ಸತ್ಯನಾರಾಯಣರಾವ್ ಎಂ.ಎನ್

ಬೆಂಗಳೂರಿನ ಸೆಂಟ್ರಲ್ ಕಾಲೇಜಿನಲ್ಲಿ ಬಿಎಸ್ಸಿ ಮಾಡಿರುವ ಇವರು, ಐ.ಇ.‌ಟಿ.ಇ ಪದವೀದರರು. ಡಿ.ಒ.ಟಿ ಡೆಪ್ಯುಟಿ ಜನರಲ್ ಮ್ಯಾನೇಜರ್ ಆಗಿ ನಿವೃತ್ತಿಹೊಂದಿದ್ದಾರೆ. ಕಂಪ್ಯೂಟರ್‌ಗಳಲ್ಲಿ ಕನ್ನಡದ ಸುತ್ತ ಕೆಲಸ ಮಾಡಲು ಆಸಕ್ತಿ. ೫೦೦೦ ಕ್ಕೂ ಹೆಚ್ಚು ಪುಟಗಳನ್ನು ಕನ್ನಡದ ಅನೇಕ ಪುಸ್ತಕಗಳಿಂದ ಕೀಲಿಸಿದ್ದಾರೆ. ಟೆಸ್ಸೆರಾಕ್ಟ್ ಓಸಿಆರ್ ಎಂಜಿನ್ ಮೇಲೆ ಕನ್ನಡಕ್ಕಾಗಿ ಸಮುದಾಯದೊಂದಿಗೆ ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದಾರೆ.

ಮುಂದೆ ಓದಿ